هل انت مثلهم......ولماذا؟؟؟

إخوتي الاعزاء
السلام عليكم ورحمة الله وبركاته

لغتنا العربية ....إلى أين نجري بها؟؟

للأسف الكثيرون بدؤوا يتخلون عن لغتهم رويدا رويدا ...فلماذا؟

من يمتلك نظرة متفحصة لما يجري يعرف أنّ الغرب يريد غزونا ثقافيا ولذلك هم يحاربون بقاء لغتنا .
وبغض النظر عن قدرتهم على الفوز ...ونعلم أنهم لن يفوزوا لأن لغتنا لغة القرآن محفوظة بوجوده ...إلا انه يؤلمني فعلا أن أرى أبناء اللغة العربية يحاربون وجود لغتهم وينقادون عميانا للثقافة الغربية المبتورة الأصل لدينا

ولن انحاز في موضوعي للثقافة الغربية وتاثيرها ...وإنما اعود إلى لغتنا الحبيبة ....لغتنا الام لمن يفهم معنى الامومة جيدا فهي تحتضننا وهي وعاء فكرنا وجلاء همومنا و ....

هل أنت ممن يرى أن مفتاح التقدم والتطور الإمساك باللغة الانكليزية ؟

إذا كنت كذلك فكيف تفسر وجود حضارة عربية امتدت قرونا في العصور الوسطى ؟؟

كيف يمكن أن تكون أصيلا لدرجة تُحمد عليها إذا كان نصف كلامك أو أكثره بين أصدقائك هو باللغة الانكليزية؟

هل ترضى بان تذهب إلى بلد أجنبي فلا يتعاملون معك حتى تتكلم معهم بلغتهم ...وإن جاؤوا إلى بلدك ...لا تتكلم معهم إلا بلغتهم؟

هل ترضى فعلا ...وإن رضيت فمن تكون أنت ؟

هل ترضى أن تكون شبحا ...لا ظلّ له ؟

شجرة لا جذور لها؟

إن لم ترضَ...فماذا يمكنك القول لمن يرضون؟

بانتظاركم.

الرد السريع
احنا الزمن بتعنا مش زمن انا زيهم ول هم زى
اللغة الانجليزية مش بس عندنا لا دى فى جميع دول العالم
لان أكبر سوق فى العالم امريكا أو اكبر برصة فلازم نتعامل معها
على اساس لغتهم فالعالم كلة لابد وان يكون عندة لغتين لغة الام
واللغة الانجليزية لان من عرف لغة قوم امن شرهم ول اية
اما بخصوص شباب اليومين دول شباب هاااااااااااى شلة
ما تخديش فى ابلك منهم خالص لانهم ولامننا ولاعلينا
يعنى مالهمش لزمة إلا أنهم يكلوا ويشربوا ويناموا
وياخدوا المصروف من باباى
والسلام ختام

شكرا يا امير على الرد السريع

طبعا هو مفيش جدال ان الانجليزيه اصبحت ضروره ف وقتنا الحالي

انا شايفه ان اللغه العربيه لن تعود لسابق سموها ومكانتها الا اذا عادت الحضاره العربيه نفسها

لسابق مجدها

واعتقد ده صعب في ظل وجود الشباب بتوع هاااي وبابي ومامي دول اللي امير بيقول عليهم

منتظره بقيه الاراء

موضوع جميل جدا يا نسيبه

و على فكره انا مع امير فى كلامه

اللغه الانجليزيه مثلا هى اللغه الاولى عالميا

و من الطبيعى ان الواحد يهتم بيها .. حتى علشان شغله

مسقبليا .. لكن ده مش معناه ان الواحد يهمل اللغه العربيه

او ما يهتمش بيها .. دى لغة القران زى ما انتى قولتى

صراع فعلا كبير

بس تعلم الانجليزيه اصبح ضروره لاى حد بيفكر

فى مستقبل باهر فى مجال من المجالات الاقتصاديه او العلميه

ده رايى

اهتمامنا بللغة الانجليزيه فقط كونها اصبحت لغة المراجع العلميه

لكن ستظل العربيه اللغة التي نعشقها ولا نرضى بغيرها

مش هترجع العربيه الا لما ترجعلنا السياده والرياده بتوع زمان

لما كانت بغداد كعبه العلماء

لما كان فيه الفارابى وبن الهيثم و بن سينا

لما كان الغرب بيترجم عننا الكتب العلميه

لما كان امراء اوروبا بيتعلموا فى مدارس المسلمين فى الاندلس

لما كانت شوارع بغداد مضاءه بالليل فى حين كان قلب اوروبا غارق فى الظلام

لكن دلوقت بنحاول نعلم الاطفال الانجليزيه
كل واحد فينا بيحاول يضيف كلمتين انجليزى فى وسط الكلام عشان يبان واد cool

حتى القنوات

قناة او تى فى O tv بتاعه النصرانى نجيب ساويرس بتزيع النشره والبرامج كلها باللغه العاميه
حتى الصحف والجرايد

كفايه كده يلا باى lol

to c u

انا شايفه ان الغرب مش بيحاربوا لغتنا ولا حاجه

اللى احنا فيه من ان الناس بقت تتكلم الكلام الاجنبى
دا علشان انها الدول العظمى
دلوقتى التكنولوجيا والكمبيوتر كله انجليزى
عاوز تشتغل لازم يكون فى لغه
ولازم تجيدها
الاجاده اكيد بتيجى من الاستخدام
كمان احنا حتى لو مش بنتكلم انجليزى مش بنتكلم فصحى
بنتكلم عامى
وكمان الاجانب بقت تخاف على لغتهم من العاميه
يعنى لو هنخاف على لغتنا نخاف من اننا مش بنستخدمها وبنستخدم العاميه
وقواميس الروشنه

اللغة العربية باقية ببقاء القرآن الكريم
-------------
اللغات الأخري بجانب اللغة العربية كالنمل بجانب الجبل
هل تعلمون ان اللغة العربية تحتوي علي 5000000 مرادفة
واللغة الإنجليزية تحتوي علي 100000 مرادفة
------------
فارق مهول جدا بنسبة 1 : 50
يعني اللغة العربية لو قسمناها تكون 50 لغه جديدة ومتكاملة

احنا لازم نتعلمها حتى على الاقل عشان نقدر نواجه بيها الغرب ويكون الانسان يقدر يتكلم مع اى حد يبقى عنده ثقافه لكن الاساسى طبعا اللغه العربية

انتشار اللغة وتداولها يدل على مدى ارتقاء ونمو حضارتها

فالسبيل الى انتشار اللغة العربية يكمن في الاصل في الارتقاء بالحضارة العربية

في حقبة قدنا فيها هذا العالم حين كانت العواصم العربية

هي مراكز النور ...في ذلك الوقت سعى الجميع لتعلم اللغة العربية

فلنبدا بعلاج المشكلة من جذورها والتمسك بلغتنا العربية الاصيلة