| سعد الجزار على كرسى الاعتراف "خاص" | |
|
+3سعد الجزار عاشقة القمر العقرب العجوز المبرمج 7 مشترك |
|
كاتب الموضوع | رسالة |
---|
العقرب العجوز المبرمج ادارة IT CLUB
عدد الرسائل : 6053 العمر : 34 تاريخ التسجيل : 19/11/2007
| |
| |
زائر زائر
| موضوع: رد: سعد الجزار على كرسى الاعتراف "خاص" السبت يناير 31, 2009 6:24 am | |
| قولي كدا يا سعد احكيلي شويه عن نفسك شويه وانطباع عني ف اول مشاركه شوفتها ليا
|
|
| |
العقرب العجوز المبرمج ادارة IT CLUB
عدد الرسائل : 6053 العمر : 34 تاريخ التسجيل : 19/11/2007
| موضوع: رد: سعد الجزار على كرسى الاعتراف "خاص" السبت يناير 31, 2009 7:02 am | |
| الباشا سعد الجزار اهلا بيك على كرسى الاعتراف انا بجد مبسوط من وجودك على الكرسى و اتمنى اتمنى انك تجاوب على كل الاسئله و الاهم من ده اتمنى الصراحه الصراحه الصراحه و الاسئله اللى انت حاسس انك مش هتجاوب عليها بصراحه اتمنى انك تعتذر عن الاجايه عنها افضل مع انى واثق انك هتجاوب على كل الاسئله اولا كده س1 :- ايه اللى خلاك تشترك فى منتدى it club و تبقى عضو عادى خالص بالرغم من انك عندك موقع كبير جدا و انت المدير بتاعه و اعضائه كتييييييير قوى قوى اتمنى وجود اسباب مقنعه .! س2 :- عملت مشاكل مع كان عضو فى المنتدى حتى الان عندك القدره انك تتذكر عددهم ؟؟؟ س3 :- انت ماشى بسياسه خالف تعرف ؟؟ س4 :- مين اذكى عضو فى المنتدى ؟؟ اكتب عضو واحد بس س5 :- تفتكر ايه الغرض من اننا نقعدك على الكرسى فى الفتره دى بالذات ؟ س6 :- اصعب اسئله انت هتتسالها .. تفتكر هتكون من مين من الاعضاء ؟ س7 :- ما هى مشكلتك مع تلموذ .. و مين كان السبب فيها ... و مين اللى غلطان ... و المشكله خلصت و لا لسه ... و تلموذ بيمثلك ايه فى المنتدى .. ولو انت هتحذف عضوية تلموذ فى يوم من الايام هيبقى ليه .... و امتى ممكن تسيب منتدانا و ترحل للابد ؟ تحياتى شويه و جايلك العقرب
| |
|
| |
عاشقة القمر عضو ملكي
عدد الرسائل : 3788 العمر : 35 تاريخ التسجيل : 21/06/2008
| موضوع: رد: سعد الجزار على كرسى الاعتراف "خاص" السبت يناير 31, 2009 7:09 am | |
| بعد تكفيرك للداعى الاسلامى عمرو خالد هل نطقت الشهاده ام لا؟؟ | |
|
| |
سعد الجزار عضو ملكي
عدد الرسائل : 771 العمر : 38 تاريخ التسجيل : 22/12/2007
| موضوع: رد: سعد الجزار على كرسى الاعتراف "خاص" السبت يناير 31, 2009 8:38 am | |
| - SWEET RAPTURED LIGHT كتب:
قولي كدا يا سعد احكيلي شويه عن نفسك شويه وانطباع عني ف اول مشاركه شوفتها ليا
السلام عليكم ورحمة الله وبركاته .. شكرا عقرب علي الاستضافه .. والحمد لله اني بعيد عن الكرسي المولع! -------------- نجاوب علي سويت: انا انسان عادي جدا .. يمكن شخصيتي في المنتديات قوية شوية .. لأن مش دي اول مره يحصل معايه كده زي ما حصل معاكم .. احب اتكلم في حاجه مذاكرها كويس جدا او متكلمش علشان محطش نفسي في موقف محرج في اغلب الوقت خجول .. الحمد لله مليش علاقات نسائية لا زماله ولاتليفونات ولا اي حاجه ثقتي في اغلب البنات معدومة .. لكن في بنات ماشاء الله تفرح انا طبيعي جدا مع كل الناس .. بعامل الناس كلها زي بعض .. بكره الناس المتكبره والمغروره بحب الشخص الواثق من نفسه .. بغير لما الاقي اي حد اعلم مني في اي حاجه ... غيرة علم ياجماعه عادي يعني قعدت 3 سنوات محتار اتعلم اي لغة برمجه .. ابدأ في كل لغه شوية وابطل وده اكبر عيوبي والله في بلاوي متلتله .. ربنا ميوريكم
انت ياسويت شخص مرح جدا وده شيء كويس ... علي فكره انا زيك كده بس مع اصحابي .. لكن وقت المناقشه بتقلب 180 درجة .. بحاول اكون جد انت بقي ياريس هزار علي طوووول وده شيء مش كويس .. الناس هتاخد انطباع مش كويس عنك
عدل سابقا من قبل سعد الجزار في السبت يناير 31, 2009 9:47 am عدل 1 مرات | |
|
| |
سعد الجزار عضو ملكي
عدد الرسائل : 771 العمر : 38 تاريخ التسجيل : 22/12/2007
| |
| |
سعد الجزار عضو ملكي
عدد الرسائل : 771 العمر : 38 تاريخ التسجيل : 22/12/2007
| موضوع: رد: سعد الجزار على كرسى الاعتراف "خاص" السبت يناير 31, 2009 9:40 am | |
| - عاشقة القمر كتب:
بعد تكفيرك للداعى الاسلامى عمرو خالد هل نطقت الشهاده ام لا؟؟ اولا اذيك ياعاشقه يامجنناني بتعليقاتك ------------- بالنسبه لعمرو خالد .. اتحداكي ان تجيبي كلام من ردودي بقول فيها اني كفرت عمرو خالد --------- انتي التبس عليكي الموضوع في واحد سمع عمرو خالد في موضوع ابليس مكفرش وسأل الشيخ بن عثيمين رحمه الله بس مقلش مين .. مجرد قال ياشيخ في واحد بيقول ابليس مكفرش الشيخ رد عليه وقله يتوب لأنه كذب القرآن وتكذيب القرآن كفر بالله .. وان لم يتب يقتل
انا عمري ماكفرت حد .. حتي لما علقت علي الموضوع قلت معذور بجهله لأنه ميعرفش الفرق بين توحيد الربوبية وتوحيد الالوهية .. وبرده ميعرفش الفرق بين الخوف العادي وخوف العباده.
نورتيني ياعاشقه ربنا يجعل كلامي خفيف عليكي
| |
|
| |
مادو مشرف
عدد الرسائل : 4030 العمر : 34 تاريخ التسجيل : 09/12/2008
| موضوع: رد: سعد الجزار على كرسى الاعتراف "خاص" السبت يناير 31, 2009 2:08 pm | |
| 1) هل مفاجأت جلوسك على كرسي الاعتراف لها وقع في نفسك ؟ وماهو شعورك وانت على كرسي الاعتراف؟ 2) -كل انسان وله أمنيات وأمال .. يا ريت تخبرنا عن الحلم اللي يراودك أوالأمنية اللي تتمناها ... ؟ 3)ما هو أصعب المواقف اللي مريت بها ؟ 4) ما هو موقفك من الحب ؟؟ وهل جربته ؟؟ هل تأمن بوجوده ؟؟ 5)-فأي قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم قلبك أم عقلك ؟؟؟؟؟؟؟؟ 6) هل ندمت فى حياتك على شي معيّــن ؟؟؟ 7)مالفـرق بين الحب والصداقة ؟ وهل يمكن ان يسلكا طرق الغيرة 00؟ 8_ما رأيك بهذه الكلمات .. الخيانة .. المرأه.. الصداقة .. النميمة .. النفاق ..
انتظر باقى الاسئله
| |
|
| |
العقرب العجوز المبرمج ادارة IT CLUB
عدد الرسائل : 6053 العمر : 34 تاريخ التسجيل : 19/11/2007
| موضوع: رد: سعد الجزار على كرسى الاعتراف "خاص" السبت يناير 31, 2009 5:35 pm | |
| صباح الفل اذيك يا سعد باشا شكرا ليك انك جاوبت على المجموعه الاولى من الاسئله بالرغم من ان الاجابات تفتقد صفة الواقعيه بنسبه 90% و تتحلى بصفة الغرور بنسبة 100 % الا انى هكمل الاسئله بتاعتى الاسئله صعبه جدا اتمنى انك تجاوب عليها س1 :- انت عاوز ايه من منتدى it club ؟ س2 :- ما تحكيلنا كده عن اخر مشكله ليك اللى كانت مع فيوتشر مان و الباشا .. اما انت كنت موجود فى الشات و فيوتشر قال يا جماعه انا هقفل الشات و ده طبعا كان حقه لاننا اتفقنا ان الشات هيكون لاوقات محدده و طبعا انت غلطت فيه جدا و الحوار ده انت اللى غلطان فيه بنسبة 105% و برضه لما الباشا دخل الشات انت قولت له كلام ما ينفعش .. و بعد ما تحكى كده على روقان .. قولنا بقى ليه انت ما اعتذرتش بعد ما غلطت بالطريقه دى ؟؟ س3 :- لما انت كتبت موضوع بتقول فيه انك هتسيب المنتدى نهائيا و بتاع ايه اللى خلاك ترجع فى كلامك و تكمل معانا ... ؟ انت شايف ان حد من الاعضاء قالك لا كمل يا سعد و ما تمشيش بقى و الناس اتحايلت عليك ؟ لما الواحد بيكتب موضوع زى ده بيبقى فعلا ناوى على الرحيل .. لان الموضوع ده مش اى كلام اما انت رجعت .. انت بقى كنت عامل الحوار ده علشان الناس تقولك لا يا سعد خليك معانا اوعى تمشى ؟؟ س4 :- ندمان انك قعدت على الكرسى ؟؟ عندى ليك سؤال صعب جدااااااااااااااااااااااااااااااااااا بس هسيبه للاخر بقى و برضه علشان ادى الفرصه للناس تعمل اللى هى عاوزاه انتظرنى قريبا بمجموعه اخرى من الاسئله انا متاكد انك حد شجاع وواثق فى نفسك و لذلك انا عاوز ردود صريحه و مفيده و مثمره .. اجمل تحياتى اخوك اللى بيحبك العقرب العجوز المبرمج
| |
|
| |
سعد الجزار عضو ملكي
عدد الرسائل : 771 العمر : 38 تاريخ التسجيل : 22/12/2007
| موضوع: رد: سعد الجزار على كرسى الاعتراف "خاص" السبت يناير 31, 2009 6:28 pm | |
|
شكرا ليك انك جاوبت على المجموعه الاولى من الاسئله بالرغم من ان الاجابات تفتقد صفة الواقعيه بنسبه 90% و تتحلى بصفة الغرور بنسبة 100 % الا انى هكمل الاسئله بتاعتى مع اني مش شايف اي شيء غير واقعي كل ده حقيقي وحصل فعلا .. لأن مفيش مبرر للكذب ..ماعلينا ومش عارف ايه دخل الغرور في الموضوع
الاسئله صعبه جدا اتمنى انك تجاوب عليها
س1 :- انت عاوز ايه من منتدى it club ؟ زي ما انت عاوز من منتدي اي تي عاوزه يبقي منتدي .. مش مكان للهزار والضحك وده شايفه بنسبة80%
س2 :- ما تحكيلنا كده عن اخر مشكله ليك اللى كانت مع فيوتشر مان و الباشا .. اما انت كنت موجود فى الشات و فيوتشر قال يا جماعه انا هقفل الشات و ده طبعا كان حقه لاننا اتفقنا ان الشات هيكون لاوقات محدده و طبعا انت غلطت فيه جدا و الحوار ده انت اللى غلطان فيه بنسبة 105% و برضه لما الباشا دخل الشات انت قولت له كلام ما ينفعش .. جامد السؤال ده ... بس انت غلطت في السؤال انت غلطتني بدون متسمع مني .. ماعلينا اولا في حاجه : الشات يتقفل ليه ؟ طبعا مفيش اي مبرر مبرر فيوتشر انه خايف علي مصلحتنا وده مش مبرر المبرر ده يتقال للأطفال مش لناس جامعيين ثانيا المشكله اللي حصلت اللي فيوتشر والباشا خدوها بحساسية ودي اكبر مشكلتكم كل كلمه تتقال بتتاخد بحساسية.. والا اي مشرف ومدير في المنتدي هنا منزه عن الخطأ! انا اتشتمت بأمي واتهزقت في المنتدي بتاعي ومع ذلك الشتيمه موجوده والموضوع موجود والعضو محظرتوش مع اني عندي صلاحيات تخليه ميشفش المنتدي بقية حياته . بس معملتش كده ولا حتي زعلت من كلامه الحوار اللي دار بيني وبين فيوتشر الاتي: بعد امتحان نظم ملفات باللي دخلت الشات لقيت جولدن فلاور جواه وهي كانت واخده معايه نفس الماده كنت بتكلم معاها في الحل والامتحان جه فيوتشر قال ياجماعه انا عاوز اقفل الشات قلتله معلش سيبه شويه الراجل مشكورا سابه دقيقة وكنت لسه مخلصتش مع جولدن طلبت منه تاني يسيبه قال الشات بس ساعتين ودي قوانين بقيت مستغرب اولا انا وجولدن مكناش بنهزر كنا بنتكلم في الكلية ثانيا هي القوانين قرآن منزل فيها ايه يعني لما يسيبه النهارده ساعه زياده المهم قال انا غلطان اني بستأذن .. قلتله انت فعلا غلطان مارس سلطاتك ياعم اقصد طالما انت شايف كده خلاص اقفل الشات جه الباشا يقلي انت غلطان بقله ليه يقلي مينفعش تقله كده ... وانا اصلا مغلكتش فيه ولا قلت كلمه فيها مشكله عادي بقول لمدير المنتدي مارس سلطاتك العضو الباشا مصر اني غلطان .. انا استغربت جدا رديت عليه وقلت برده انا ادري بكلامي خرج من الشات ... وبرده مقلتش كلام فيه مشكله
و بعد ما تحكى كده على روقان .. قولنا بقى ليه انت ما اعتذرتش بعد ما غلطت بالطريقه دى ؟؟ اولا انا قلت اني مغلطتش ومعرفش اصلا ان فيوتشر زعلان .. الغلط علي فيوتشر .. كان جه وقالي ياسعد انا زعلان منك .. سواء كنت غلطت او مغلطتش كنت هعتذرله سواء هو او الباشا
س3 :- لما انت كتبت موضوع بتقول فيه انك هتسيب المنتدى نهائيا و بتاع ايه اللى خلاك ترجع فى كلامك و تكمل معانا ... ؟ اولا انا كتبت الموضوع لسبب واحد بس هو غلق موضوعي بدون سبب لكن لما الادمن بعتلي رساله وفتح الموضوع تاني طبعا معنديش مبرر اسيب المنتدي
انت شايف ان حد من الاعضاء قالك لا كمل يا سعد و ما تمشيش بقى و الناس اتحايلت عليك ؟ مش ده السبب اللي خلاني افضل في المنتدي السبب هو اعاده فتح الموضوع
لما الواحد بيكتب موضوع زى ده بيبقى فعلا ناوى على الرحيل .. لان الموضوع ده مش اى كلام اما انت رجعت .. انت بقى كنت عامل الحوار ده علشان الناس تقولك لا يا سعد خليك معانا اوعى تمشى ؟؟ اكيد لا وانا وضحت مبرري فوق .. وبعدين مش عيب ان الواحد يرجع في اي قرار ياخده العند يولد الكفر
س4 :- ندمان انك قعدت على الكرسى ؟؟ اكيد لا ... بس هعرف انك هتسلخني
عندى ليك سؤال صعب جدااااااااااااااااااااااااااااااااااا اسئلتك علي دماغي ياعقرب
| |
|
| |
سعد الجزار عضو ملكي
عدد الرسائل : 771 العمر : 38 تاريخ التسجيل : 22/12/2007
| موضوع: رد: سعد الجزار على كرسى الاعتراف "خاص" السبت يناير 31, 2009 6:39 pm | |
| 1) هل مفاجأت جلوسك على كرسي الاعتراف لها وقع في نفسك ؟ لا ابداً ... عادي
وماهو شعورك وانت على كرسي الاعتراف؟ اني اكيد هتسلخ اسئله
2) -كل انسان وله أمنيات وأمال .. يا ريت تخبرنا عن الحلم اللي يراودك أوالأمنية اللي تتمناها ... ؟ اكون مبرمج كبير في شركه كبيره واتزوج واكون اسره
3)ما هو أصعب المواقف اللي مريت بها ؟ اني اتهمت بالسرقه وانا في 3 اعدادي وكل الأدله كانت عليه لكن الحمد لله ربنا كشف برائتي بالصدفه
4) ما هو موقفك من الحب ؟؟ وهل جربته ؟؟ هل تأمن بوجوده ؟؟ الحب شيء موجود .. انا جربته وعايش فيه دلوقتي .. دعواتك
5)-فأي قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم قلبك أم عقلك ؟؟؟؟؟؟؟؟ الاثنين .. بس لما بكبر باخد قراراتي بعقلي
6) هل ندمت فى حياتك على شي معيّــن ؟؟؟ ايوه ندمت اني كنت مقصر في الكلية بطريقه غريبه .. لامبالاه اول مره تحصل في حياتي ربنا يستر بقي
7)مالفـرق بين الحب والصداقة ؟ في حب .. لكن مفيش صداقه بين ولد وبنت
وهل يمكن ان يسلكا طرق الغيرة 00؟ اكيد الشخص هيغير علي اللي بيحبها لكن لو افترضنا ولد وبنت متصاحبين .. لو غار عليها يبقي بيحبها
8_ما رأيك بهذه الكلمات .. الخيانة : حاجه مريره المرأه : حياة الرجل الصداقة : كنز لايفني النميمة : مصيبه النفاق : صفه مش كويسه
| |
|
| |
زائر زائر
| موضوع: رد: سعد الجزار على كرسى الاعتراف "خاص" السبت يناير 31, 2009 8:02 pm | |
| هل تتفق معي ان توقيعك فيه شويه من المجازفه ف الكلام وهيخلي الاعضاء تزعل منك؟
|
|
| |
سعد الجزار عضو ملكي
عدد الرسائل : 771 العمر : 38 تاريخ التسجيل : 22/12/2007
| موضوع: رد: سعد الجزار على كرسى الاعتراف "خاص" السبت يناير 31, 2009 9:58 pm | |
| هل تتفق معي ان توقيعك فيه شويه من المجازفه ف الكلام وهيخلي الاعضاء تزعل منك؟
أظن يبقي عيب اوي لما ازعل من سويت علشان لابس قميص مش عاجبني !! | |
|
| |
العقرب العجوز المبرمج ادارة IT CLUB
عدد الرسائل : 6053 العمر : 34 تاريخ التسجيل : 19/11/2007
| موضوع: رد: سعد الجزار على كرسى الاعتراف "خاص" السبت يناير 31, 2009 10:06 pm | |
| لا يا سعد للاسف دى حاجه و دى حاجه تانيه خالص لان القميص اللى هالبسه لو هاكتب عليه كلام الناس هتقراه يبقى لازم اكتب كلام معقول مش مجموعه من التحذيرات المستفذه و اللى تخفى فى طياتها العديد من ردود الفعل الغير عاديه انت للاسف ضربت مثال خطا و كلام سويت مظبوط تماما تحياتى
| |
|
| |
سعد الجزار عضو ملكي
عدد الرسائل : 771 العمر : 38 تاريخ التسجيل : 22/12/2007
| موضوع: رد: سعد الجزار على كرسى الاعتراف "خاص" السبت يناير 31, 2009 10:53 pm | |
| - العقرب العجوز المبرمج كتب:
لا يا سعد للاسف دى حاجه و دى حاجه تانيه خالص لان القميص اللى هالبسه لو هاكتب عليه كلام الناس هتقراه يبقى لازم اكتب كلام معقول مش مجموعه من التحذيرات المستفذه و اللى تخفى فى طياتها العديد من ردود الفعل الغير عاديه انت للاسف ضربت مثال خطا و كلام سويت مظبوط تماما تحياتى
يابني ده مش مكان للمناقشة .. اظن انا رديت سواء ردي عجب او معجبش انا رديت علي سؤال وخلاص ثانيا اللي عاوز اوصله لسويت ان التوقيع حرية شخصية .. وبعدين توقيعي مفيهوش اي تجريح لحد .. مجرد تنبيه وخلاص .. مش لازم يعني علشان اعجب يبقي توقيعي عاجب كل الناس .. توقيع سويت مثلا معبر لكن مضحك صورتك الشخصية ياعقرب مستفزه جدا وكل ما اشوفها اضحك .. ده شيء لا يعيبك ولايعيب سويت .. دي حريات شخصية ... اشمعني سعد بقي؟!!
| |
|
| |
حور الدنيا مشرفة
عدد الرسائل : 222 العمر : 36 تاريخ التسجيل : 06/01/2009
| موضوع: رد: سعد الجزار على كرسى الاعتراف "خاص" السبت يناير 31, 2009 11:33 pm | |
| السلام عليكم
بداية ازيك ياسعد واهلا بيك على كرسى الاعتراف على فكرة هى فكرة حلوة اوى وعجبتنى كتير المهم نبدأ *سؤال مهم وجاوبه بصراحه هل من المحبب الى قلبك والدك ام والدتك ولماذا؟ *مين اكثر انسان شايفه مثالى من وجهه نظرك؟ *من قدوتك فى الحياه؟ *من العضو المميز من وجهه نظرك او خلينا نقول انه العضو المثالى بالنسبه لك من كل النواحى؟ *ليه بتبقى احيانا غامض؟ *دايما بحس ان فى شئ مختفى ورا موضوعاتك او ان لك قصد منها غير المفموم وانت بس اللى تعرفه؟ *احيانا بحس انك دايما بتبقى عايز انت الصح تفتكر ليه؟ *ما هو هدفك خلال العشر سنين القادمين ان شاء الله؟ *لماذا لم تطلق الحيه بالرغم انها واجب عليك ومتقوليش حرية شخصية؟ *هل تتمنى ان تكون داعية ؟وتتمنى ان تكمل دراستك فى طريق العلم الشرعى؟ *مالقرار الى اخذته واتمنيت انك لو مكنتش اخدته وتتمنى ترجع فيه بس كرامتك وجعتك؟ *ماذا تحب ان يقال لك بعد الزواج ابو ايه ياترى؟ *هل انت عصبى الشخصية؟ *بمن تحب ان تكون زوجتك مثلها يوما من الايام ؟ *شخصية قابلتها فى حياتك ولن تنساها ابدا مش ممكون يكون الحب لحسن تقصد كدة ولكن اثرت فيك بجد؟ *كلمة او شئ غير اسلوب حياتك الى الابد او غير مساره وخلى حياتك اكثر جديه؟ *متى تقول انك راضى عن نفسك؟ *من تتمنى ان يجلس بعدك على كرسى الاعتراف؟ | |
|
| |
زائر زائر
| موضوع: رد: سعد الجزار على كرسى الاعتراف "خاص" السبت يناير 31, 2009 11:55 pm | |
| انت حاطط شويه تحزيرات محدش محدش محدش علي فكره دي بتخلي الاعضاء تاخد حزرها منك علي العموم دي حريتك انا اكمني مبعرفش اتلون ف بقولك كدا ف وشك طيب اولا بينك وبين نفسك كدا انت ليك علاقه او انت هما الاعضاء دي؟ ساسو و حور و توتي ؟ مع كااااااااااااااااااااااااااامل احترامي لجميع الاعضاء عشان محدش ياخد مني موقف مالهوش لازمه دا سؤال ل سعد وانا عايزه بينو وبين نفسه يرد وبرضوا عايز اعرفه ان المنتدي دا كلهم او معظمهم عباقره وبيلاحظوا الحاجات دي جامد جدا خصوصا انا وعضو كمان غاوي الحاجات دي مش احنا اللى نتقرطس الكلام مش موجه ليك وحياه ربنا موجه لجميع اعضاء المنتدي وانا اسف للاعضاء ساسو و توتي و حور لو هما فعلا شخصيات تانيه غير سعد ومتزعلش يا عم انت من كلامي انا صريح زي ما قولت قبل كدا ومبعرفش اخبي حاجه جوايا واكتمها ولو مغيرتش توقيعك دا انا ااريدي متدايق منه ف لو استمر التوقيع دا ب كميه التحزيرات دي انا هتضطر اني مردش عليا اي موضوع يخصك ودي صراحه برضوا وبقولهالك ف وشك واعتقد ان دي حاجه تبسطك مش تزعلك سلاطيخا يا مان
|
|
| |
العقرب العجوز المبرمج ادارة IT CLUB
عدد الرسائل : 6053 العمر : 34 تاريخ التسجيل : 19/11/2007
| موضوع: رد: سعد الجزار على كرسى الاعتراف "خاص" الأحد فبراير 01, 2009 12:17 am | |
| أوباااااااااااااااااااااااااااااااااااااااااااااااااااااااااااااااااااا اتمنى اشوف اجابتك على سؤال سويت يا سعد اجمل تحياتى
| |
|
| |
سعد الجزار عضو ملكي
عدد الرسائل : 771 العمر : 38 تاريخ التسجيل : 22/12/2007
| موضوع: رد: سعد الجزار على كرسى الاعتراف "خاص" الأحد فبراير 01, 2009 12:30 am | |
| بداية ازيك ياسعد واهلا بيك على كرسى الاعتراف على فكرة هى فكرة حلوة اوى وعجبتنى كتير المهم نبدأ اهلا بيكي ياحور نورتيني
*سؤال مهم وجاوبه بصراحه هل من المحبب الى قلبك والدك ام والدتك ولماذا؟ اكيد امي اكتر .. ودي اكتر عن كل الناس مش محتاجه ليه
*مين اكثر انسان شايفه مثالى من وجهه نظرك؟ مش فاهم تقصدي ايه بالمثالية .. منتظر توضيح منك علي معني كلمة مثالية والعضو ده تقصدي هنا في المنتدي والا عام
*من قدوتك فى الحياه؟ ناس كتير .. منهم الدكتور ابراهيم الفقي و ويليام بيل جيتس و ايريك شميت رئيس جوجل -- دول في العصر الحالي لكن القدوة الاولي طبعا الرسول محمد صلي الله عليه وسلم بلا منازع - يليه سيدنا عمر بن الخطاب
*من العضو المميز من وجهه نظرك او خلينا نقول انه العضو المثالى بالنسبه لك من كل النواحى؟ انا شايف ان جولدن فلاور مميزه شوية ..
*ليه بتبقى احيانا غامض؟ انا مش غامض ولا حاجه عادي يعني .. بس لو شايفه كده وضحيلي
*دايما بحس ان فى شئ مختفى ورا موضوعاتك او ان لك قصد منها غير المفموم وانت بس اللى تعرفه؟ ده حقيقي .. ببقي عاوز اوصل لحاجه وبالذات الاسئله اللي بوجهها للبنات .. بستفاد من رد البنات في حياتي بعد كده مع زوجتي
*احيانا بحس انك دايما بتبقى عايز انت الصح تفتكر ليه؟ لأ لو فهمتيها كده تبقي غلطانه .. انا بدافع عن رأيي الي النهاية لغاية لما حد يقنعني اني غلط .. يعني مثلا حصل خلاف بيني وبين صديق علي موضوع النقاب وكان السؤال هو هل النقاب فرض ام سنه انا كنت مقتنع تماما انه فرض وكلامي كان مبني علي اراء بعض الشيوخ وبعض الأحاديث وهو نفس الحكاية طبعا فضلت ابحث في الموضوع لغاية ما خلصت الي أن النقاب سنه ومستحب وليس بفرض .. وكلمته وقلتله معاك حق في كلامك
*ما هو هدفك خلال العشر سنين القادمين ان شاء الله؟ اني اخلص جيش واسافر واتجوز ساره
*لماذا لم تطلق الحيه بالرغم انها واجب عليك ومتقوليش حرية شخصية؟ ههههه .. سؤال مستنيه من زماااااان .. مش عارف ليه توقعاتي بتبقي في محلها ... فعلا اللحية واجبه بدون شك هسألك سؤال : انتي شوفتيني ؟ الصوره دي بقالها سنتين .. عدم تربيتي للحيه اني شايف اني مقصر في حاجات كتير جدا جدا اولي اني انفذها من اللحية .. علي الاقل اربي نفسي
*هل تتمنى ان تكون داعية ؟وتتمنى ان تكمل دراستك فى طريق العلم الشرعى؟ بصراحه لا .. انا شايف اني ممكن اخدم ديني بعلمي الدنيوي اكتر ما اكون داعية وشايف ان صفات الداعية مش موجوده فيه
*مالقرار الى اخذته واتمنيت انك لو مكنتش اخدته وتتمنى ترجع فيه بس كرامتك وجعتك؟ والله مش عارف .. دورت مش لاقي قرار
*ماذا تحب ان يقال لك بعد الزواج ابو ايه ياترى؟ ابو عمر
*هل انت عصبى الشخصية؟ لا طبعا انا بكره العصبية .. بحب الهدوء
*بمن تحب ان تكون زوجتك مثلها يوما من الايام ؟ السيده عائشة
*شخصية قابلتها فى حياتك ولن تنساها ابدا مش ممكون يكون الحب لحسن تقصد كدة ولكن اثرت فيك بجد؟ الدكتور ابراهيم الفقي ده سلمت عليه شخصيا والشيخ احمد ديدات رحمه الله
*كلمة او شئ غير اسلوب حياتك الى الابد او غير مساره وخلى حياتك اكثر جديه؟ ساره
*متى تقول انك راضى عن نفسك؟ غير راضي عن نفسي الا عندما اكون قريبا من الله
*من تتمنى ان يجلس بعدك على كرسى الاعتراف؟ البلبل الشادي
| |
|
| |
ساسو مشرفة
عدد الرسائل : 507 العمر : 35 تاريخ التسجيل : 07/08/2008
| موضوع: رد: سعد الجزار على كرسى الاعتراف "خاص" الأحد فبراير 01, 2009 2:19 am | |
| اولا بينك وبين نفسك كدا
انت ليك علاقه او انت هما الاعضاء دي؟
ساسو و حور و توتي ؟
على فكرة انا هرد قبل سعد
اولا يا استاذ سويت انا ماسمحلكش تقول عليا كدة لا انا ولا على صحبتى حور اية علاقة دى تقصد اية من نحية الكلمة دى واية اللى حصل ياعنى يخليك تفكر وتقول كدة احنا عادى سعد بالنسبالنا عادى خالص زى اى عضو ياريت تفكر شوية ى الكلام الى انت بتقولو بدل ماتقول كلام يجرح بالطريقة دى
والاعضاء بقى ملاحظين اية لأ لازم تقول
علشان لو كنت حد تقيل عليكم يبقى انسحب احسن لانى ماقبلش حد يقول عليا كدة
شكرا ياسويت | |
|
| |
زائر زائر
| موضوع: رد: سعد الجزار على كرسى الاعتراف "خاص" الأحد فبراير 01, 2009 2:31 am | |
| دي تلاكيك بقي علي العموم انا ميفوتنيش حاجه زي كدا انا متأسفلكم فوق والله وقايل لو فعلا حور وساسو مش سعد انا متأسف ليهم وبعدين هوه ايه اللى يدايقك من حاجه زي كدا اصلا؟ يا جدعان احنا مش صغيرين اني مور ولا هوه بيبقي نمو جسماني مش عقلي ؟ ومين اللى جاب سيره انكم تقال ؟ انتو قاعدين فوق روسنا ؟ ومين اللى يخلي بالو من كلامو وانا اصلا معتزر من قبل ما اتكلم اي كلمه ؟ يا جدعان اكبرو بقي دي لعبه اسألتي خلصت يا عم سعد وانا سألت سعد مسألتكيش انتي يا ساسو ودورك جاي متقلقيش جاوب يا سعد و ملاكش دعوه بالكلام اللى اتقال اعتقد ان ساسو هتغير رأيها لما تفكر ف كلامي تاني الكلام ميخصهاش ومجرد سؤال لان م الاخر فيه علاقه بين حور وساسو و توتي والاخ سعد دا لسه فيه شخصيه كمان وهيه احمد الجوهري انا صريح ومبعرفش اتلون او اشوف حاجه واكتمها جوايا ولذلك برضوا اعتزرت قبل ما اقول اي كلمه ارحمونا بقي زهقنا كل شويه واحد يزعل ويقول اسيب المنتدي
|
|
| |
ساسو مشرفة
عدد الرسائل : 507 العمر : 35 تاريخ التسجيل : 07/08/2008
| موضوع: رد: سعد الجزار على كرسى الاعتراف "خاص" الأحد فبراير 01, 2009 2:41 am | |
| لأ انا مش هغير كلامى وانت قولت علاقة ياريت توضح يا استاذ معنى اية علاقة دى
وكمان عايزنى مادايقش والله دى حاجة غريبة ولا عايزنى ارد على اهانة ليا ولصحبتى
| |
|
| |
زائر زائر
| موضوع: رد: سعد الجزار على كرسى الاعتراف "خاص" الأحد فبراير 01, 2009 2:50 am | |
| اهااااااااااااااااااانه ؟ يا نهار ؟ اهانه ؟ علاقه ايه ؟ بقولك ايه يا ساسو ؟ انا مستني رأي سعد دي وصلت لاهانه اصل انا شتمت ولا اعرفكم شخصيا او حتي اعرف سعد شخصيا عشان اهنكم وهتبقي علاقه ازاي ؟ ما تقوليلي انتي كدا ؟ طيب واشمعني مربطيش الكلام بين سعد وبينكم وبين الشخصيتين التانيين ؟ دا كل واحد بقي بياخد الكلام علي مزاجه تمسك ف الكلمه اللى تخصها و متفكرش ليه علي العموم والله يعني لما سعد يرد علي الموضوع والسؤال اللي متوجهله ساعتها الدنيا هتتحل وهتعرفي انا اقصد ايه ب علاقه وفيه شخصيه راجل كمان والله اسمه احمد الجوهري فعرض النبي نفهم لو سمحت وانا دماغي ناشفه بقي جاوب يا عم سعد ولا انت منسحب من الكرسي دا ؟
|
|
| |
العقرب العجوز المبرمج ادارة IT CLUB
عدد الرسائل : 6053 العمر : 34 تاريخ التسجيل : 19/11/2007
| موضوع: رد: سعد الجزار على كرسى الاعتراف "خاص" الأحد فبراير 01, 2009 2:56 am | |
| ياريت يا جماعه تهدو شويه مش معقول احنا عاملين اللعبه علشان نتخانق او نزعل من بعض بصى يا ساسو انتى فهمت قصد سويت غلط هو كان حاسس ان سعد له اكثر من عضويه فى المنتدى و كان شاكك ان سعد هو ساسو و هو حور و هو توتى فعلشان كده قال فيه علاقه بينك يا سعد و بين كذا لكن يا ساسو هو ما يقصدش اى حاجه و لا يقصد اى كلام من اللى انتى فهمتيه و كده انا اسف انى بتكلم و بتدخل بس انا علشان عارف قصد سويت اتكلمت و كده و بعدين انا اكره ما عندى ان الاعضاء تزعل من بعضها علشان كده اتدخلت اتمنى يا ساسو تكونى فهمتى وجهه نظرى و سويت ما يقصدش حاجه ابدا
| |
|
| |
زائر زائر
| موضوع: رد: سعد الجزار على كرسى الاعتراف "خاص" الأحد فبراير 01, 2009 2:59 am | |
| ياريتك ما اتكلمت يا عم انت والله كا نفسي تفهمها لوحدها
|
|
| |
| سعد الجزار على كرسى الاعتراف "خاص" | |
|