الزواج التقليدي والزواج عن حب!!ايهما تفضل

السلام عليكم ورحمة الله وبركاته
اود ان اطرح موضوع واود اجابه مباشرة وصريحة
ما رأيكم في الزواج عن طريق الخاطبة سواء السيدات او مواقع الزواج المتخصصه بموضوع الخطبة وهل تقبلين/ تقبل الزواج بهذه الطريقة مع بيان السبب وبصراحة
الموضوع مطروح للجميع

منتظرة مشاركتكم

وعليكم السلام

مش فاهمه قصدك يا سهر ممكن توضحي شويه؟؟

اصلا دلوقتي معدش فيه خاطبه على ما اعتقد

ولا انتي تقصدي ايه تحديدا؟؟

لا طبعا مش ممكن اقبل بيها

موضوع جامد جدا

بس انتى لو عدلتى فيه شويه علشان الواقعيه هيبقى افضل

يعنى مثلا

خليها ما بين

الجواز بالطريقه التقليديه و الجواز عن حب !!

هى هى ..

تحياتى

ما بقتش تفرق كتير
يعنى النسبة فى الجواز عن الحب 60 %
والجواز التقليدى 40 %

دة بيبقى على حسب ظروف البنت نفسها
فى بنت مالقتش حظها فى الحب
يبقى مافيش طريق تانى غير كدة
وماينفعش تقول انا مقتنعة بالجواز التقليدى او مش مقتنعة
فى النهاية كل شىء نصيب
وماحدش عارف هيتجوز ازاى
ومانقدرش نحدد بردوا سواء الجواز عن الحب او الجواز التقليدى هيبقى ناجح ولا لا

لا

هو الجواز التقليدى

انا ارجح الجواز التقليدى بنسبه 100 % و هو ده اللى
بينفع و هو ده اللى بيستمر

و معظم الناسان ما كانش كلهم بتتجوز جواز تقليدى

شكراا لمشاركتكم يا جماعة

بصي يا نسيبه انا اقصد الجواز التقليدي اللي هو زي ما بنقول جواز الصالونات

يعني ما فيش اي علاقه تربط بين الطرفين(حب ) والجواز اللي مبني علي الحبقبل الارتباط

وشكرااا ليكي يا نسيبه

والموضوع انا عدلته زي ما اقترح العقرب

انا شايف يا جماعة ان دا الجواز الطبيعى بس مش انها تجوزة عن طريق الصالونات لاننا نسينا مرحلة مهمة جدا قبل الجواز وهى الخطوبة يعنى مفيش مانع انها تعرفة عن طريق الخطبة عن طريق اى حاجة والراجل يجى يتقدم وفى فترة الخطوبة نحدد هل الراجل دا ينفع نكمل معاة ولا لا
انما مش لازم البنت تكون مشت مع الواحد عشر سنين عشان تبقى مجوزة عن حب يعنى بس ياريت
ناخد بالنا من صلاحيات الخطيب ان بشوف والله ساعة ما الواحدة بتنخط خلاص بقى نكلم بعض بالساعات فى الموبيل ونمشى لوحدينا ووالله بيبقو الاتنين محترمين وناس زى الفل والغريب ساعة ما تقول لحد اية اللى بيحصل دة يقولك يابنى دا مخطوبين انت اهبل ويبص ليك على انك جاى من المريخ يعنى خلاصة الكلام انا عايز اوصل نقطتين الاولى ان فترة الخطوبة اتعملت عشان الناس تعرف بعض
التانية ياريت منديش الخطيب اكتر من صلاحياتة عشان لو محصلش نصيب ومكملناش لما تقبلية فى يوم وانتى ماشية مع جوزك ما تبقيش مكسوفة
وشكراااااااااااااااااً

كلامك مظبوط اوي يا تايجر

احسن حاجة التعارف في فترة الخطوبة....واحسن حاجه لو الطرفين ارتاحوا لبعض وحسوا ان هيحصل ما بينهم ارتباط وحب

احسن بكتيييييييييير ما يكونوا مشيوا مع بعض او حبوا بعض قبل الارتباط

انا من رايي ان العلاقات دي معظمها بيفشل ولو كملت بيبقي في خلافات كتيرة بعد الزواج

شكرااا لمشاركتك يا تايجر

السلام عليكم ورحمة الله وبركاته

بجد الموضوع ده رائع وانا معجبة جدا بصراحتكم ووجهات نظركم

واحب ان ادلى بدلوى فى هذا الموضوع لو حضراتكم مش ممانعيبن

بداية .............

احب اقول حاجه للى فاكرين ان الزواج عن حب دا طبيعى

تعالوا نشوف الموضوع من اوله

ازاى الحب وججد اصلا بين الطرفين طبعا احنا عارفين القصص دى

نظرة فأبتسامة فضحكة فموعد فلقاء فحب وممكن اوى زواج عرفى

طبعا هتقولولى مش كل مشاريع الحب بتكون بدايتها كده

هقولك فعلا .............

ممكن يكون من الشات يعنى عن طريق الاميل
ممكن الاتنين يتكلموا مع بض على انهم اخوة وشوية شويه يبيدا التعود وبعدها تبتدى المشاعر يتصرح بها بين الطرفين

ممكن كمان زمالة فى العمل او الجامعة

بس فى حاجه ..........

احنا لازم ناخد بالنا منها كويس ( مابنى على باطل فهو باااااااااااااطل )

يعنى متجيش واحدة تقول انا اعرف واحد وبنتعامل معاه باحترام وتدوروا على الاحترام تلاقى فى تليفونات وخروجات ورسايل حب وكل دا من ورا الاهل

بالله عليكم لو اكتمل هذا الموضوع الى الزواج هل سيكون زواج مبارك ؟؟؟؟؟؟؟؟؟؟

احنا طبعا هنفضل فاكرين مابنى على باطل فهو باطل

كمان الشرع لم يحل للبنت ولا الولد الاختلاط تحت مسمى الاخوة

والله ثم والله
ان الشيطان لايترك ثغرة بين ولد وبنت الا ودخلها لانه يريد ايقاعهم فى شباك المعاصى

صدقونى يا جماعة
مفيش اجمل من الطاعة والزواج على الطاعة وارضاء الله

من ترك شيئا لله عوضة الله خيرا منها

يعنى لو كل واحد وكل واحده تركوا مسالة( انى لسه محبتش وعاوزه احب واتحب )كل دى مداخل من الشيطان

انا مش هقول الحب عيب ولا حرام
العيب والحرام فيه لو استغليناه غلط
بمعنى ان البنت لازم تصون نفسها ولا ترخص نفسها لاى شاب مهما كان تحت شعار ( دا بيحبنى )

والله لو بيحبك صحيح ماهيرضى ان ربنا يغضب عليكى

وانت كمان يااخى حاول تنظر لها من منظور اخر
انت اه ممكن تحب وتتحب لكن هل لما تحب هتكلم حبيبتك فى التليفون وتتقابلوا ونظرات وهمسات

قبل دا كله فكر ان لو مكان البنت دى اختك

هل ترضاه لاختك او لامك ؟؟؟؟؟؟؟؟؟؟

يمكن كلكم ممكن تزعلوا من بعض كلامى

لاكنى والله احبكم فى الله واحب توضيح بعض الافكار التى يدسها الاعلام فى مفاهيم الشباب ويحاول درأ كل المفاهيم الصحيحة عنه حتى لاتفيق امة الاسلام

هم يريدون الاسلام فى غفلة

ياشباب و

ويابنات

خلوا بالكم من نفسكم اوعوا تمشوا ورا المفاهيم المغلوطة دى

وخلوا شعاركم دايما

ارضى ربى قبل ان ارضى نفسى

وجزاكم الله خيرا

واعتذر ان كنت طولت عليكم

يا جماعه من وجه نظري

انا حاسه الاهم انهم يكونوا عارفين بعض مش بالضروره يكون بينهم علاقه قبل كده بس يكون فيه نوع من المعرفه ( جار-زميل...الخ)
عشان متتصدمش في الشخص ده ولا هو يتصدم فيها ومش اقصد بالصدمه انها او انه يكون وحش مش بالضروره بس يكون فيه نوع من التفاهم والتالف

شكرااا للعضو جويريه

بجد كلامك منطقي وشرعي واسلامي 100% وانا معجبه برايك والحمد لله انك بتفكر باسلوب واقعي سليم

وجزاك الله خيراا

شكرااا علي مرورك

انا كمان معجبة براى جويرية جدا

والله بارك الله فيكى يا بنتى

وفى الاخر كل الحاجات دى نصيب وقدر

يعنى لو قلتلك افضل الزواج عن الحب ونصيبى انى اتجوز تقليدى هاعرف اغيرة او هاتعترض

لا طبعا

كل شىء نصيب

فيبقة

انا افضل

مش الزواج التقليدى او الزواج عن حب

لا انا افضل

الزوج الصالح

سواء كنت اعرفة او لا

افضل ان ربنا يوقعنى فى الزوج الصالح المتدين الى يعرف ازاى يعاملتى

معاملة ربنا

وموضوع رائع سهر

ان شاء الله يا نور

ربنا يحققلك اللي بتتمنيه...وما دام الواحد نيته خالصة للشئ الحلال

ربنا بيباركله فيها وبيحققهاله

شكراا لمشاركتك يا جميل

شكرا بجد على الموضوع دة
الموضوع انى اعتقد ان مبقاش فية حاجة اسمها زواج تقليدى دلوقتى لان
فترة الخطوبة بتقدر تبين الانسان الى قدامك كويس اوى
بس المشكلة ان فى ناس كتير بتقضى فترة الخطوبة بطريقة غريبة
كل همها تخرج ومش بتفكر انها تحاول تعرف شخصية الانسان الى قدامها
وبيحصل الكارثة بعد الزواج بيحس كل واحد فيهم انة غريب عن التانى
وممكن كمان يكون اثنين قعدو يحبو بعض عشر سنين بس معرفوش يفهمو شخصية بعض
فاعتقد ان الموضوع بيعتمد على ذكاء المخطوبين انهم يفهمو شخصية بعض سواء كان زواج تقليدى او عن حب

شكرا علي رايك يا لاميس

وشكرااا لمرورك