الفاعل و المفعول به !!

الفاعل و المفعول به

فاكرين يا جماعة دروس العربي؟؟

الفاعل مرفوع بالضمة والمفعول به منصوب بالفتحة.. فاكرين الكلام ده؟

أيام ما كنت في المدرسة لفت نظري حاجة ظريفة قوي.. هي العلاقة بين الفاعل والمفعول به..
ملاحظين إن دايما الفاعل هو اللي بيكون متفوق على المفعول به؟؟
الفاعل دايما بيكون مسيطر والمفعول به غلبان وبيقع عليه الفعل وبس.. يا حرام!!

لاحظ كده مثلا الجمل دي:

أكل "أحمد" التفاحة..
"أحمد" هو اللي ماسك التفاحة الغلبانة وبياكلها.. مين المسيطر هنا؟؟
كمان مثال

ذاكر "أحمد" الدرس..
طبعا المسيطر هنا هو "أحمد".. هو اللي ماسك الدرس وقاعد يقراه.. مين فيهم متفوق على التاني؟
إنت عايز تقول إيه بالضبط؟؟ هي حصة عربي يا عم إنت؟؟؟
لا مش حصة عربي.. دي مقدمة بس للكلام اللي عايز أقوله ليكم النهارده..

يا ترى إنت فاعل ولا مفعول به؟؟

هل أنت فاعل؟

عشان تكون ناجح في حياتك لازم تكون (فاعل) وليس (مفعولا به).. كده بكل بساطة..
فيه ناس بتعتبر نفسها دايما (مفعول به) طول الوقت.. وناس تانية بتعتبر نفسها (فاعل) مهما حصل..
والنوع التاني ده هم اللي بيكونوا ناجحين في حياتهم.. عايزين توضيح أكتر؟

الشخص (المفعول به)
هو الشخص الذي لا يذهب لعمله لأن الدنيا بتمطر!
هو الشخص الذي يظن أنه دائما ضحية الظروف.. وأن من حوله وما حوله هم سبب شقائه وبؤسه..

أمثلة من مقولاته:
- أنا لو كنت في بلد تانية كان زماني نجحت.
- المدير بتاعي هو سبب تعبي.
- أنا رسبت في الامتحان عشان المدرس ما بيعرفش يشرح.
وغالبا الشخص ده بيكون فاشل.. لأنه مجرد مفعول به.

الشخص الفاعل:
هو الشخص الذي يحضر مظلة ليذهب لعمله لو الدنيا مطرت!
هو الشخص الذي لا تتحكم فيه الظروف، بل هو الذي يتحكم بها.. وأن أي عقبة في طريقه هي مجرد تحدٍ آخر له يجب أن يواجهه ليصل لهدفه..

أمثلة من مقولاته:
- أنا هانجح رغم كل الظروف.
- سأصلح علاقتي بالمدير الجديد أو أجد وظيفة أفضل.
- المدرس لا يشرح جيدا.. هذا يعني أن أهتم بالمذاكرة أكثر لأفهم الدرس.
ودايما الشخص الفاعل ده بيكون ناجح في حياته وبيصل لكل اللي هو عايزه..

حكمة:
يجب أن تؤمن دائما أن حياتك من صنعك أنت وليست من صنع الظروف التي حولك.. وأن العقبات وجدت في طريقك كي تواجهها وتتخطاها لا لتستسلم..
عشان كده لازم تؤمن تماما أن حياتك دي أنت المسيطر عليها تماما.. وإن أنت سبب نجاحك أو فشلك.. فكر في الموضوع من الزاوية دي: كل اللي بيحصل لك بسببك أنت, مش بسبب أي حاجه أو حد تاني.. أنت اللي بتصنع حياتك مش الظروف..

كفاية كلام عن الظروف والبلد والأقدار.. أنت اللي بتصنع حياتك وأنت اللي لازم تواجه مشاكلك وتحلها.. لأن ماحدش هيحلها ليك غيرك إنت... لأنها –ببساطة– حياتك إنت مش حياة حد تاني..
علشان كده في أي موقف أو مشكلة تواجهك في حياتك اسأل نفسك السؤال ده:
أنا فاعل ولا مفعول به؟؟

و يالا نحقق أهدافنا يا جماعه

دعوه من القلب للقلب

العقرب العجوز المبرمج

أنا فاعل ولا مفعول به؟؟

فعلا كلنا لازم نسال نفسنا السؤال دة

موضوع رائع ياعقرب

موضوع جميل ياعقرب
وفكرتنا بايام النحو الى كنت بكرهة
بس اعتقد ان الانسان بيكون شوية فاعل وشوية مفعول بة
مش فى كل الظروف الانسان بيكون فاعل
ساعات بيتحكم علينا نكون مفعول بة

انا ظرف زمان ساعات وساعات تانية ظرف مكان :shock:

اولا شكرا يا جماعه على المرور

و فعلا زى ما الكل اجمع :: باستثناء نور طبعا ::

نور من الاعدادى على الكليه !!

فعلا الواحد اوقات بيكون فاعل
و اوقات تانيه بيكون مفعول به

بس اكيد اى حد مننا يتمنى يكون فاعل فى كل حاجه

شكرا ليكم مره تانيه !
و شكرا ليكى يا نور !!

نور من الاعاداى على الكلية

مش هارد عليك :shock:

واتفرج على الصورة الى عملتها للمنتدى وقول رايك

حرام عليكى يانور دا انتى بهدلتى العقرب
وانا مش عرفة انتة ياعقرب ساكت لنور لية كدة
انا بس جاية اهدى النفوس