حلال بمزاجهم .......... حرام برضوا بمزاجهم

زائر

السلام عليكم ورحمه الله وبركاته

حبيت اطرح موضوع جه علي بالي للمناقشه

عندما يعجب الشاب ب الفتاه يكون رد فعل الفتاه بعدما تعلم بحبه لها واعجابه بشخصيتها

اتقدملي انا ليا بيت ادخل البيت من بابه

دا طبيعي لاننا مسلمين

وبرضوا طالما احنا مسلمين

الدين حلل لل رجل مثني وثلاث ورباع

يبقي عيب وحرام وفسق لو الراجل حب يتجوز واحده تانيه علي الاولي

ساعتها يبقي الراجل دا بيظلم الست وبيضربها و ينيمها علي الارض

ويمنعها من الاكل وينيمها منغير فطار و طبعا مننساش انه طلع بيشخر وهوه نايم

وف الاخر ترفع قضيه خلع او طلاق والاولي هيه الاقرب

ف الاول قولنا مش مشكله دا الصح ودا الشرع والدين ولازم نسلكه

لاكن بعد كدا لو بمجرد انه يفكر ف الزواج من واحده تانيه

الراجل دا يطلع فيه القطط الفطصانه

يعني ف الاول نمشي علي حسب رغبتهم بحجه ان دا الشرع والدين

اعتقد ان بعد كدا مينفعش نمشي علي مزاجهم لان الشرع والدين

( اللي هوه هواه نفس الشرع والدين اللي هما بيطبقوه )

محللنا اننا نتجوز اتنين وتلاته واربعه كمان

ف هل الزواج للمره التانيه اصبح حرام ف هذا الزمن ؟

بصراحه عليه العوض ومنه العوض ف تفكير ( معظم ) البنات والحريم عامه اليومين دول

مساء الخير
والله الشرع يا اخ سويت محدش يقدر يمنعه
كمان الشرع بيقول ان الزوجه الاولى لازم تكون على علم بزواج زوجها وموافقه عليه
يعنى كل شى يكون بالتراضى
ولو مش موافقه
يكون الانفصال احسن للطرفين
بس لو هوه بيحبها
حيحترمها وهيقولها ومش هيخدعها
بس يكون قادر يصرف عليهم
مش يمتع نفسه على حساب غيره
اسمحلى دى تكون انانيه من الرجل
لو شايف فيها عيوب يحاول يقول لها او يصلحها
ولو مقدرش
ينفصلوا احسن
وبعدين الخلع ليه شروط لازم تكون متوفرة علشان يتم الخلع
انت يا سويت بتتكلم فى موضوع جامد فعلا
والحكايه مش ف تفكير معظم البنات
الايام دى
المشكله دى على مر العصور كدى
زواج وطلاق
بس
انت حر ما لم تضر
الجمله دى حلو اوى لو نفهمها
محدش فينا هئذى التانى ولا هيزعله وبحريه مطلقه

السلا م عليكم يا سويت
الرجالة دول عينهم زايغة وميملا ش عينهم غير التراب
انت بعد اما اجوزت وعندك اولاد كمان و ممكن فى الزمن دة تكون بتشتغل وطفحانة الكوتة فى البيت وبرة كمان ومع الاولاد وهو بسلامتة يخونها من وراها من غير علمها ويجوز عليها يا ترى لية يتحججوا بقى مش مهتمة بية وحرام انت عاوزة تقطع نفسها النوعية دى من الرجالة تستاهل الدبح بالشاطور
اما النوعية الى ممكن الرجل يتجوز عليها بشر ط يكون بعلم الاولى انها مثلا ما بتخلفش
وانا اعرف واحدة كانت بتحب جوزها جدا بس يا خسارة مش بتخلف بص بقى على اصالتها
هى اختارتله عروسة واتجوزها وخلف منها والا ولى ما ذالت على ذمتة وعايشين وسعداء

بس على فكرة الى بيتجوز اربعة مثلا هل يقدر يعدل ما بنهم وممكن يحبب ولا دة ببعض و يصرف عليهم وما يكنش الاولاد يغيروا من بعض وعلى فكرة ممكن الراجل دة يجنن ممكن حد يقدر على واحدة علشان يقدر على اربعة يا جبروتة

طب انا مش فاهما اصلا هو يتجوز ليه

هو مش بيحب مراته عاوز يتجوز تانى ليه
وكمان ربنا قال لو هيعدل بينهم
ونفى وقال ولن تعدلوا
يعنى هى انسانه بتحبك يبقى جزائها ان انت تهينها وتقولها عاوزا اتجوز
بعنى مفيش اى مبرر فى الدنيا يخلى اى واحد يتجوز على مراته
هو الاكرم يطلقها لكن يتجوز اتنين Mad

بسم الله الرحمن الرحيم
{{ وَإِنْ خِفْتُمْ أَلاَّ تُقْسِطُواْ فِي الْيَتَامَى فَانكِحُواْ مَا طَابَ لَكُم مِّنَ النِّسَاء مَثْنَى وَثُلاَثَ وَرُبَاعَ فَإِنْ خِفْتُمْ أَلاَّ تَعْدِلُواْ فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلاَّ تَعُولُواْ }}
والله سبحانه وتعالى يقول

{{وَلَن تَسْتَطِيعُواْ أَن تَعْدِلُواْ بَيْنَ النِّسَاء وَلَوْ حَرَصْتُمْ فَلاَ تَمِيلُواْ كُلَّ الْمَيْلِ فَتَذَرُوهَا كَالْمُعَلَّقَةِ وَإِن تُصْلِحُواْ وَتَتَّقُواْ فَإِنَّ اللّهَ كَانَ غَفُورًا رَّحِيمًا}}

على سبيل المثال

والعدل المراد في التعدد هو القسمة بالسوية في المكان ، أي أن لكل واحدة منهم مكاناً يساوي مكان الأخرين ، وفي الزمان ، وفي متاع المكان ، وفيما يخص الرجل من متاع نفسه ، فليس له أن يجعل شيئاً له قيمة عند واحدة ، وشيئاً لا قيمة له عند واحدة أخرى ، يأتي مثلا بيجامة ((منامه)) صُوف ويضعها عند واحدة ، ويأتي بأخرى من قماش أقل جودة ويضعها عن واحدة

يجيب الحلو كله عند واحده والتانيه لا

وغيره وغيره

اهم حاجه العدل

معاك حق يا مادو

وانا مش هتكلم لان البنات العسل ردوا

زائر

البلبل الشادى كتب:: يعنى كل شى يكون بالتراضى

السلام عليكم

بصي يا بليله

اولا ضحكتيني لما قولتيلي ان كل حاجه تيجي ب التراضي

يعني ابقي رايح اقول لمراتي اني هتجوز تاني او هتجوز عليكي

تقولي اتفضل يا حبيبي بس كدا ؟ بس قولي قبليها بيومين عشان اعمل الكيك

و الحلويات و امسح الشقه وانضفها

يا بنتي دا انتي لو ماشيه مع خطيبك وبص ف حته تانيه بتتعفرتوا

ما بالك جايبلك دره زي ما بتقولوا ؟

البلبل الشادى كتب:: ولو مش موافقه
ينفصلوا احسن

ونرجع نكتب اعلانات ف الجمهوريه

مطلقه ... 32 سنه .. عندها نص دسته اطفال .. شبهه عيشه الكيلاني

مش بعد الطلاق ب شهر ولا اتنين بتقولوا يا رتني اهو كان ضل سحس ولا ضل حيطه ؟

كلامك غير واقعي يا بليله

البلبل الشادى كتب:: المشكله دى على مر العصور كدى

اهيه هيه دي الزتونه بقي

انتي كدا جيبتي الظابط ماهر من قفاه

مش دي بدعه ؟ وكل بدعه ضلاله وكل ضلاله ف النار

دا حق جوزك انه يتجوز مره واتنين وتلاته واربعه

و واجبك انك تلتزمي الصمت دا راجل البيت وتحافظي علي اولادك اللي هما اولاده

مش تشتغلوا بقي ف اسطوانه قاسم امين وحقوق المرأه والكلام الفاضي دا

انت كدا ياسويت بتسبح ضدد التيار مش عارف ظروفك اية مع ساندى بعض الموضوع دة ربنا معاك
بس شكلك مش ناوى على خير المهم بالنسبة للموضوع فانا شايف ان مفيش مانع ان الواحد يجوز على مراتة بدل هو حاسس انة محتاج حد تانى فزى ما بنى اسرائل قالت لسيدنا موسى لن نصبر لك على طعام واحد فية رجالة بردة مبتقدرش تصبر على امراة واحدة [ندعوك للتسجيل في المنتدى أو التعريف بنفسك لمعاينة هذه الصورة] وطبعا الموضوع حلال ومفهوش حاجة بدل هيعدل بينهم فى الماديات وفى المعاملة لكن موضوع القلب فاحنا لو بصينا للاية
فربنا قال {{وَلَن
تَسْتَطِيعُواْ أَن تَعْدِلُواْ بَيْنَ النِّسَاء وَلَوْ حَرَصْتُمْ فَلاَ
تَمِيلُواْ كُلَّ الْمَيْلِ فَتَذَرُوهَا كَالْمُعَلَّقَةِ وَإِن
تُصْلِحُواْ وَتَتَّقُواْ فَإِنَّ اللّهَ كَانَ غَفُورًا رَّحِيمًا}} فربنا قال فلا تميلو كل الميل فهنا العلماء قالت ان معنى كدا ان ربنا حلل بعض الميل لكن حرم المي كلة يعنى اكيد الواحد هيكون بيحب واحدة عن التانية بس مينفعش يبقى بيحب واحدة ويكرة التانية لان لو بيكرها يبقى ينفصل عنها احسن عشان كدا ربنا كمل وقال فَتَذَرُوهَا كَالْمُعَلَّقَةِ وكل الناس عرفة ان الرسول كان بيدعى ويقول اللهم هذا قسْمي فيما أملك فلا تلمني فيما تملك ولا أملك لانة كان يحب السيدة عائشة اكتر وان كان بعض الناس ضعفة لحديث لكن معروف ان المشاعر مش حاجة مادية عشان نقسمها بالنص او بالعدل وبردة من المعروف ان مفيش واحدة بتحب ان جوزها يتجوز عليها حتى نساء النبى صلى الله علية وسلم لان دى طبيعة ربنا خالقهم عليها بس فى النهاية لازم يبقى قدامنا اية
(وما كان لمؤمن ولا مؤمنة إذا قضى الله ورسوله أمرا أن يكون لهم الخيرة) وفى النهاية اى واحدة عقلة تفضل ان يبقى معروف ان جوزها فى يوم معين عند واحدة معينة احسن متغيب الاسبوع كلة مش عرفة هو بيروح فين ولا بيجى منين

زائر

اموت واعرف انتو متدايقين من ايه ؟

دا شرع ربنا وحقوقنا

متغاظين ليه بقي ؟

هتعملوا ايه لما تيجي تتجوزوا ؟

نسبه الانسات للشباب

3 : 1

يعني اوعي

انتو اللي هتخطبونا

وتجيبلونا شبكه و تخطبونا و احنا اللي نتشرط

و انتو اللي هتصرفوا علينا

عشان بس محدش فينا يبص بره

انا من رأيى زواج الراجل للمره التانيه

بيبقى ليها اسباب منها مثلا انه ماخلفش من مراته الاولى

وده صراااحه من حقه ومافيش حد يقول حاجه

بس بشرط يكون قايلها ومتفقين على حياتهم هتمشى ازاى بعد كده

لكن جواز من غير سبب وهى قيداله صوابعها العشرين شمع

يبقى هو الى غلطان ويستاهل الى يجراله Very Happy

وياسويت حكايه الجواز دى قسمه ونصيب

ليه بقى هنجرى وراااكم

احنا مش بنحس بقيمتنا غير لما تتحيلوا علينا مره واتنين وتلاته

زائر

واحنا مش بنحس ب قيمتنا غير لما تتحايلو علينا برضوا مره واتنين وتلاته واربعه

لما الاقي 4 زوجات كل واحده فيهم تتحايل عليا اكتر احس ب قيمتي اكتر

عمر ما كان الاحساس ب القيمه يا انجل ب المحايله ب الافعال

علي العموم لحد دلوقتي ملاقيتش كلام او وجهه نظر مقنعه

انا شامة ريحة شياط

اللي سايبة حاجة علي النار تطمن عليها يا بنات

تايجر قال[(]نهاية اى واحدة عقلة تفضل ان يبقى معروف ان جوزها فى يوم معين عند واحدة معينة احسن متغيب الاسبوع كلة مش عرفة هو بيروح فين ولا بيجى منين)
دى لو كانت عاقلة هتجنن على ايده وممكن تنتقم منه
(وان كيدهن عظيم)

--------------------------------------------------------------------------------
سويت قال:
واحنا مش بنحس ب قيمتنا غير لما تتحايلو علينا برضوا مره واتنين وتلاته واربعه
ياااااااه وانت مستنى ان الاربعة يحبوك لية وتحايلوا كمان
الحاج متولى حتى ولو كدة ممكن يغيروا من بعضهم وهتنهم مخانقات علطول وعلى فكرة الى يجوز على واحدة حتى لو الواحدة دى بتموت فية هتظل فاكرة انه بص لوحدة تانية ومش هتحبه زى الاول
يبقى مش هينول حب الاولى زى الاول واكيد التانية بردة و مش هتثق فية لانة ممكن يجوز تانى
مش مقتنع لسة
طيب انت تعرف حد مجوز اكتر من مرة وسعيد مش بعيد يكون اجنن انا بس خايفة عليكم منهن
بص يا سويت ابقى اجوز اربعة وهانبقى نشوف مدى السعادة والاستقرار ابقى قابلنى

زائر

تولين كتب:: بص يا سويت ابقى اجوز اربعة وهانبقى نشوف مدى السعادة والاستقرار ابقى قابلنى

ما هوه دا اللي هيحصل

واكتر كمان

انتي فكرك ان ساندي ب 4 بس ؟

يا بنتي ساندي ب جميع ستات الدنيا يا بنتي انتي فاكراها حاجه قليله ؟

عشان كدا اانا بقول لكل الشباب اتجوزوا 4 عشان محدش يبصلي ف رزقي

وخليكي محضر خير

سبحان الله مفيش ريحة شياط ولا حاجة انا باين كان بيتهيألى

لاء بجد بقي انت امرك غريب ما تقول انت موافق علي فكرة تعدد الزوجات ولا مش موافق

انا رأيى ان لو فية سبب مقنع يخليك تتجوز تانى يبقي دا من حقك ودا الشرع ومحدش يقولك كلمة
انما لو كدا منك لروحك ومجرد عند مثلاا وزوجتك متستحقش انك تتجوز عليها يبقي انت بتظلمها وبتظلم روحك من الاول انك اختارتها

زائر

انا عايز اعرف امتي تقولوا يتجوز عليها ؟

اسمها يتجوز تاني

وانتي ملكيش دور ف حاجه زي كدا

انا مش بفكر والله ف حاجه زي كدا ابداااااا

بس عايز اعرف ليه بتسموها دره

وبتكرهوها هيه والزوج لمجرد انه فكر انه يتجوزها

عمر ما واحده فيكم حطت نفسها مكان الزوجه اللي الزوج ناوي يتجوزها

اللي هيه رقم 2 ؟

كلكم بتشوفوها بمنطلق اني ابيقي رقم واحد واظل رقم واحد

يعني حاسس ان دي انانيه منكم

علي اساس انلما الواحدة فينا تبقي زوجة اولي ونفسها تفضل كدا تبقي انانية

وانت لما تتجوز واحدة وباختيارك وتتجوز عليها واحدة تانية بدون اي سبب مقنع دى
متبقاش انانية منك؟؟؟؟؟؟؟؟!!!!!!!!!!!!

منطق غريب

اما حكاية ان واحدة تقبل انها تبقي زوجة تانية
اولاا لازم تكون في شروط زى ان الزوجة الاولى تكون تعبانة او مش بتخلف او اسباب مقنعة مش تاخد واحد من بيتة واسرتة لمجرد انها تتجوز

زائر

تفتكري ان لمجرد ان الواحد يتجوز تاني يبقي دا خراب بيوت ؟

ايوة طبعاا بالنسبة للراجل فهو بيبنى حياة جديدة مع واحدة تانية

علي بقايا احلام الزوجة الاولي لانك لمجرد التفكير ف واحدة تانية يبقي هدمت احلامها

حتى لومعيشها ف قصر وموفرلها الماديات ومش مقصر معاها كل دا حاجة وانك بوظتلها حياتها حاجة تانية

لان مفيش واحدة بتتجوز غير لما تبقي مخططة لمستقبلها وحياتها وازاى هتحافظ علي اسرتها ولما تتجوز عليها يبقي انت بتقضي علي احلامها

وهيا دى بقي الانانية وخراب البيوت بجد

دا طبعاا لو انت بتتجوز لمجرد انك تتجوز فقط يعنى من غير اسباب
اما لو فية اسباب اعتقد ان اي واحدة هتبقي مقدرة ان دا نصيبها وربنا كاتبلها كدا

ربنا يخليكي لينا يا ساندي

ادي الكلام المقنع

احنا هنعينك المتحدث الرسمي للفتيات

زائر

اتكلتوا علي حيطه مايله

شكرااااااااااااااااااااااااااااااا

يا اخ سويت
فى الاول اايد ساندى اكيد
ثانيا
انت عايز تاخد حقك
لازم دادى واجبك الاول
يعنى انت مش موافق على الانفصال علشان الاولاد
طب ليه مفكرتش فى الاولاد والبيت قبل ما ترتبط بواحده تانيه
وبعدين الرجل من حقه يحب على زوجته وهيه مش من حقها تحب على زوجها؟؟؟
طبعا مش من حقها
عارف ليه
لان الست فعلا لما بتشيل المسوليه بتشلها بجد
وبضحى من اجل بيتها واولادها على حساب عمرها
فى الواقع
كم ست توفى زوجها واتزوجت بعده
قليل جدا
على العكس كم واحد توفت زوجته واتزوج كتييييييييييييييير جدا
كم واحدة انفصلت عنى زوجها وفضلت تربى اولدها
كم واحد انفصل واتزوج بعدها كم مرة
مع ان المراة عاطفيه اكثر من الرجل
بس الرجل اللى مش عاقل هوه اللى يفكر يهدم عمر وسنينميضمنش انه يعوضها
بس فى ايده يصلح الخطا
بس
الحق فيه رجاله صح
يعرفوا ازاى يخلقوا من زوجته اربعه فى واحد
وبرده فيه دور للزوجه
لازم تملى كل حياته وفراغه
وتحافظ على التجديد من نفسها
وتكون اكثر احتواءا له
بس ف الاول والاخر
بصراحه معتمد على ذكاء الزوجه
وعلى عقل الرجل
ومدى احتماله وصبره
المفروض يكون صبور شويه
مش من اول نزوه يرمى كل شى
سويت من الاخر
انت بتحلل شى
بس بطريقتك انت
مش بطريقة العصر والزمن
الزمن اتغير يا سى السيد سويت
اصحى احنا فى القرن 21
يا جماعه حد يصحيه