حول مشاريع التخرج - الجزء الثاني

نصائح للعثور على أفكار لمشاريع التخرج:

- وسّع مداركك.
- لا تخشَ إعادة استكشاف الأفكار السابقة.
- فكر في احتياجاتك أنت.
- إعرض الأفكار على الآخرين.
- قَيِّم مشروعك عملياًَ.

وسّع مداركك
كلما
تنوعت معرفتك و زاد إلمامك بأمور البرمجة, كلما وجدت وفرة في أفكار
المشاريع. من تتخيل سيأتي بأفكار أفضل: الذي لا يعرف سوى ال #C و ال SQL
أم الذي قرأ عن ال Ajax أو ال Virtual Machines أو ال Distributed
Computing؟

اذهب إلى مواقع أبحاث الشركات التي تهتم بالعلم مثل Microsoft أو Sun أو Google أو IBM أو Intel.
لا تذهب فقط بنيّة البحث عن فكرة مشروع فالتعجُّل قد يحرمك من رؤية
الأفكار الجميلة حقا. بل اذهب بنيّة الأطّلاع و كأنك تأخذ جولة سياحية في
علوم الكمبيوتر. أنظر إلى المشاريع. زُر بعض الصفحات الشخصية للباحثين هناك. أنظر الى ما نشروا. تابع ال blogs. أبحث ببعض الكلمات المهمة في مواقع نشر ال Papers مثل Citeseer أو Google Scholar. أو اذهب لمراكز البحث في الجامعات الشهيرة
ربما
تجد فكرة مفتوحة تأخذها جاهزةً و ربما لا, ليس هذا المهم و لكن المهم أن
يتسع مجال تفكيرك و تجد تطبيقات كثيرة لل Software و ال Hardware كانت
غائبة عنك, و هكذا يمكنك الهروب من المشاريع النمطية التي يكاد يقوم بها
الجميع.
حتى لو شعرت أنه لم يبق متسع من الوقت للمعرفة فأقرأ. ربما ينفعك ولو يوم واحد من القراءة لتعرف مجالاً جديدا غنياً بالأفكار.

لا تخشَ إعادة استكشاف الأفكار السابقة

كثيرا
ما تكون النتائج أهم من الفكرة نفسها. كان العالَم مليء بمحركات البحث من
قبل Google ولم يمنعهم هذا من الأبتكار في نفس المجال. لم يكن ال iPhone
أول هاتف محمول ذكي و لم تكن ال #C صادرة قبل ال Java. لا تخف من الأفكار
القديمة و انظر الى مشروع سابق أو برنامج تستخدمه. و سل نفسك كيف أطوره.
كيف أتحاشى أخطاء من صممه. كيف أعيد اختراعه. معظم التكنولوجيا التي
نستخدمها من GUI أو لغات برمجة أو Office Applications مبنية على نفس
المباديء الموجودة منذ السبعينات أو الثمانينات و بها مجال واسع للتطور.
ربما يفيدك أن تلقي نظرة على الأبحاث المنشورة في تلك المجالات لتعلم
الأفكار الجديدة التي بُحثت و لم تطبق بعد أو لم تطبق بصورة كلية.

فكر في احتياجاتك أنت

ما
احتياجاتك كمبرمج؟ كمستخدم للإنترنت؟ كمستخدم عربي؟ كطالب؟ في حياتك؟ كيف
تنظم أفكارك؟ كيف تدير نسخ مختلفة من ال code عبر اعضاء الفريق الواحد؟
كيف تبحث عن المعلومات؟
لأننا مبرمجون, فإننا ننسى أن الSoftware يمكنه
أن يخدمنا, و ليس يخدم فقط ال users الذين نكتب البرامج لهم! فكر في مشروع
لاحتياجاتك أنت.

إعرض الأفكار على الآخرين

اجتمع
مع افراد الفريق في جلسات brainstorming وناقشوا كل الأفكار المتاحة (ولو
بدت في حينها سخيفة أو غير عملية). اعرضوا الأفكار على أصدقائكم و على
المعيدين. اطلبوا الأقتراحات لتحسينها. لو انتقد أحدٌ الأفكار اسألوا كيف
يمكنه أن يتلافى العيوب التي ذكرها. جرب أن تخلط أفكارا ببعضها (مثلا
برنامج Resolver خَلَط لغة ال IronPython بفكرة الجداول الألكترونية مثل ال Excel).

قَيِّم مشروعك عملياًَ

لا
تكتف بفكرة مجرّدة فتقول "سأقوم بمشروع عن كذا" فحسب. ارسم رسما تخطيطياً
للمشروع على ورق. تخيل أنه تم تنفيذ مشروعك و فكر في طريقة استخدام الناس
له. ( كما فعل Jeff Hawkins مصمم جهاز ال Palm حين كان يمسك
بلوح خشبي صغير كأنه كمبيوتر محمول ليجرب الطرق المخلفة للتعامل مع
الأجهزة. كان حينا يكتب عليه بقلم و حينا يتحدث إليه صوتيا و هكذا, ليعلم
أي من تلك الوسائل تبدو تلقائية و مريحة للمستخدم).
إذا كنت ستصمم
Compiler أو أداة برمجة فجرّب أن تكتب على الورق نماذج للcode باللغة
الجديدة. إذا كان ال GUI جزءا أساسيا في المشروع فلعله يفيدك أن تكتب
Prototype يظهر GUI كروكية ليراها باقي أفراد الفريق أو المشرفين.

لا تكتف بتقييم فكرة المشروع "سَمَاعيّا" بأن ترى وقع الفكرة على نفسك بل قيِّمها عملياً بأن ترى كيف ستبدو حين يتم تنفيذها.

الصراحة معلومات و خطوات رهيبة !!!!!!

شكر ا منال موضوع رائع وجة فى وقت تمام

والله يامنال انا اتذليت في المشروع بتاعي
مع ان الدكتور محمد عارفني كويس ومع ذلك تعبني جدا
رحتله ب 3 مشاريع رفضهم كلهم .. سيبته ومشيت المهم قعدت افكر طيب هعمل ايه وفاضل شهر بس وبقالي شهرين مش عارف اقابله كل ما قابله يقلي بعدين!!
رحتله تاني بقله يادكتور انا معنديش افكار جديده قالي فكر واتصرف
الهم جت فكره في دماغي وهي محرك بحث شبيه بجوجل
كنت انا وزميلي بس في المشروع ده وطبعا هو معتمد عليه علشان يتخرج
المهم قلتله علي الفكره عجبته جدا قالي اشتغل
قلتله عاوزين نقابلك علشان نحدد خطوات العمل قال ان شاء الله هقابلكم كل فتره
والحمد لله قابلناه وقت مناقشة المشروع
المهم صاحبي كان ابيض .. شرحتله المشروع كنظرة عامه قلتله سيبلي بقي الكلام الكبير
حظي المنيل ان كان بيناقشني 4 دكاترة و2 معيدين .. حسسوني انها رساله دكتوراه
طبعا كان منهم حبيبنا الدكتور اسامه وهو اللي ناقشني بدل الدكتور محمد
طبعا كنت متأكد انهم ميعرفوش خوارمية البحث ولا لغة بي اتش بي
طبعا استغليت النقطه دي لصالحي وقلت للواد صاحبي انا هبدأ الاول بحث انسيهم المشروع وانت قول اي حاجه ..
الهم بدأت اتكلم في حاجه خارج المشروع وهي تقنية البحث هههههههههه
طبعا هما مش فاهمين ان ده غير المشروع خالص
وفضلت ارغي 20 دقيقة متواصلة وهما متخيلين اني بتكلم في المشروع والكلام كان عاجبهم جدا!!
المهم قالولي طيب ممكن نشوف العملي قلتلهم ماشي
المهم الدكتور اسامه قالي وريني الكود وريته وبدأت اشرح جزء منه
قالي ممكن تسكت انت بقي ... سأل صاحبي بدأ يعك حاولت اسنده وارد مكانه
قاله انت عملت ايه في المشروع قاله ولا حاجه سعد اللي عامل!!
قله خلاص ماشي .. صاحبي قاله هسقط ؟
قاله متخافش
المهم طلعنا وانا ماشي طلع معيد نادالي قالي علي فكره مشروعك واخد اعلي درجه بين المشاريع المقدمة وانت جيبت 360 من 400
قلتله طيب واحمد ضحك وقال جاب 350 بصيت لأحمد وقلتله مبروك التخرج ياباشا
وعدت علي خير ... صدقوني خلو مشاريعكم في حاجه الدكتور ميفهمش منها حاجه خالص بحيث لما تعك يبقي مش عارف صح والا غلط

وشكرا منال علي موضوعك

حلو كتير الموضوع اوي اوي يا منال
بس انا عاوزة اسال سوال
مشروعي الترم الجاي وانا عملته عن الdata base
بس الفكره حساها شبه تقليديه ومش بترضي طموحاتي
ايه العمل
اغيره

سلام يا صاحبى

اولا منورة المنتدى يا نونا

اما بالنسبة لسؤالك

بصى انا فهمت من كلامك انك خلاص قررتنى هتعملى ف ايه ويعتبر الموضوع شبه خالص بالنسبة ليكى

بس لو انتى حاسة انك ممكن تقدمى حاجة احسن من المشروع دا

ليه ماتغيرهوش وتعملى الاحسن

بصى مشروع التخرج هتكتبى اسمك عليه وهيتنيه طول العمر عليه ومش هتقدرى تغيريه بعد كدا

فلو قدامك الفرصة ان تعملى مشروع احسن بامكانيات احسن

يبقى ليه ماتكتبيش اسمك على مشروع احسن

بس خدى بالك مش تختارى فكرة جميلة وصعبة عشان يبقى مشروع كويس
وماتقدريش تكمليه او تطلعيه بالشكل اللى انتى عوزاه

يبقى ما عملناش حاجة

لو عاوزة تغيري غيرى بس بفكرة كويسة وترضى طموحاتك وف نفس الوقت تقدرى تعمليها

وتطلعيها بالشكل اللى تتمنيه لمشروعك

اتمنى اكون افادتك بشئ

شكرا اووووي ليكي وكلامك ده حمسني اووي
خزاكي الله كل الخير
برافوووووو

معلومات جميله جدا يا منال
وانا هعمل بنصيحتك يا سعد وباذن الله هختار مشروع ميفهمهوش الدكتور

شكرا ليكم

معلومات جميلة يا منال
وسعد برده فكرته حلوة.......... حول مشاريع التخرج - الجزء الثاني 20839

ومش بعيد نعمل مشروع كبير يفيد ناس كتيرة..مش مجرد فكرة عشان نتخرج
انا لحد دلوقتى مش مصدق ان الفيس بوك كان مشروع تخرج لطالب ألمانى........ حول مشاريع التخرج - الجزء الثاني Icon_question

جميل جدا - مواضيع بجد قيمه
و ده وقتها