عدد الرسائل : 646 العمر : 34 تاريخ التسجيل : 26/12/2008
موضوع: سؤال ياريت تجاوبونى عليه الأربعاء مارس 11, 2009 1:02 am
السلام عليكم
ليا واحده صحبتى عندها مشكله وكانت بتسألنى قولت اسألكوا واشوف رأيكوا ايه صاحبتى دى متقدملها حد بس هى بتحب حد تانى والحد اللى متقدملها دا اهلها عارفينه كويس وموافقين عليه بس هى مش موافقه طبعا علشان زى مقولتلكم بتحب حد تانى والحد دا مش قالها حتى انه بيحبها بس هى حاسة ان فية حاجة بس هو مش اتكلم السؤال انتوا رايكوا ايه وتقنع اهلها ازاى وحتى لو رأيكوا تسيبها من اللى بتحبه ولو الانسان التانى كويس توافق انتوا مش شايفين انه فى ظلم للانسان دا لان هى اكيد مش هتنسى الشخص التانى بسهوله ولو اتخطبتله مش هتكون بتحبه
رايكم تعمل اية؟؟؟؟؟؟؟؟؟؟؟
العقرب العجوز المبرمج ادارة IT CLUB
عدد الرسائل : 6053 العمر : 34 تاريخ التسجيل : 19/11/2007
موضوع: رد: سؤال ياريت تجاوبونى عليه الأربعاء مارس 11, 2009 1:46 am
و الله يا كنزى الموضوع بجد صعب اوى
و انا مش عارف اقول ايه .
بس بيتهيا لى انها توافق بالانسان اللى متقدم لها ده طالما بنى ادم كويس و مناسب ليها
ده رايى
بس مش عارف بقى
و ان شاء الله خير
زائر زائر
موضوع: رد: سؤال ياريت تجاوبونى عليه الأربعاء مارس 11, 2009 2:19 am
هو فعلا الموضوع صعب جدا جدا جدا عشان كده لااااااااااااااااازم تصلي صلاه الاستخاره ده شيء اساسي في موضوع زي ده
انما من وجهة نظري انا والموضوع يتوقف ع طبيعه الشخص التاني "الحد" اللي هي بتحبه لو متأكده انه فعلا بيبادلها نفس الاحساس ومحرج انه يفاتحها ف الموضوع عشان مثلاما يخسرهاش والحد ده حاسه فيه بانسان جاد وجدير بثقتها فيه وانها لو استنته مش يخذلها فا انا شايفه انها تستناه حتي لو هواللي قالها تافق بس هي عارفه انه قالها كده عشان خايف يوعدها بحاجه ومش يقدر يوفي بيها وعشان مش يعمل مشاكل مع اهلها فبصراحه ده انسان مش يتعوض ابداااااااااااااااااااا وممكن تقنع اهلها انها عايزه تكمل دراسه وتعمل كورسات وتكمل وتشتغل لحد ما يجي حد كويس وهي ترتاح له
ويارب ربنا يوفقها ويجعل لهم خير في بعض ويجمعهم ع حبه وطاعته
ضوء المكان عضو ملكي
عدد الرسائل : 1201 العمر : 34 تاريخ التسجيل : 06/11/2008
موضوع: رد: سؤال ياريت تجاوبونى عليه الأربعاء مارس 11, 2009 4:47 am
الموضوع صعب جدا لان ده عمر وشريك حياه
هي لازم تفكر كويس بالقلب والعقل مع بعض ومدام الشخص اللي بتحبه مجاش يكلمها ويصارحها بمشاعره ليها اكيد عنده اسبابه وممكن مايكونش بيفكر فيها اصلا وهي اللي ممكن تكون وهمت نفسها وفي الحاله دي يبقي الحب من طرف واحد ودي في حد ذاتها كارثه رايي انها تدي نفسها فرصه تنسي الانسان ده ومش بسرعه تبدا مع حد تاني لازم فرصه تعيد حسابتها مع نفسها لان محدش هايعرف مصلحتها اكتر من نفسها
صلاه الاستخاره مهمه جدا في الموضوع ده وتسال ربنا طريق الخير ليها
ربنا يوفقها ويهديها للصواب
manal عضو ملكي
عدد الرسائل : 1069 تاريخ التسجيل : 04/12/2007
موضوع: رد: سؤال ياريت تجاوبونى عليه الأربعاء مارس 11, 2009 6:54 am
على فكرة يا ضوء ردك جميل اوى وعجبنى
هى فعلا لازم تفكر بعقلها مع قلبها
لان صدقينى احساسها ان هو بيحبها لوحده مش كفاية عشان يبقى رابط ليها ان هى تستناه
افرضى مثلا ان احساسها دا غلط تبقى خسرت انسان كويس كان متقدم لها
هتقولى لا دا واضح من تصرفاته هقول لك مش كفاية الشيطان كفيل بانه يهيأ لها التصرفات دى على انه بيحبها
فمن راى ان هى ماتربطشي نفسها باحساس ياصح يا غلط
غير طبعا انه لو جه قال لها ان هو بيحبها وعاوزها تكون شريكة حياته
فى الحالة دى تستناه سنة واتنين وتلاتة وعشرة وعمرها كله
بس طالما ما اتكلمشي يبقى ماتربطشي نفسها بيه
انا عارفة انه صعب بس لازم تحاول عشان ماترجعشي تندم
وماذا ينفع الندم بعد العدم
ونصيحة اخيرة تصلى صلاة الاستخارة ف اللى متقدم لها عشان لو خير ربنا سهل الامور لها مع الانسان دا
وربنا يقدم لها اللى فيه الخير
ويوعدها بالانسان اللى يريح بالها وقلبها ويكون بيحبها ويحافظ ويخاف عليها
حور الدنيا مشرفة
عدد الرسائل : 222 العمر : 36 تاريخ التسجيل : 06/01/2009
موضوع: رد: سؤال ياريت تجاوبونى عليه الأربعاء مارس 11, 2009 7:03 am
بصى ياكنزى
هى فعلا اهم شئ تصلى استخارة فى الاول وتسلم امرها لله بس لازم كمان تخلى فى بالها انها مش منحازة لطرف عن الاخر وتقعد مع العريس وتتكلم معاه فى وجود محرم ليها وتشوف ربما يعجبها اسلوبه وكلامه وتلاقيه شخص كويس وترتاحله وبصراحه دة رايى لان ممكن يكون الشخص التانى مش بيحبها او هى مش فى دماغه خالص وممكن كمان يتكون هى بتحبه بالشكل والمظهر لكن ما اتعاملتش معاه ولا عرفت طباعه ويمكن لو اتعاملت معاه تحس ان هو فيه حاجات مش عجباها ولما تقعد مع العريس التانى تحس انه احسن هى بس تسلم امرها لله وربنا يوفقها وتعرف ان الخيرة فيما يختاره الله
golden flower مشرفة
عدد الرسائل : 2517 العمر : 35 تاريخ التسجيل : 28/04/2008
موضوع: رد: سؤال ياريت تجاوبونى عليه الجمعة مارس 13, 2009 5:54 am
يا جماعه الموضوع صعب
مهي ممكن تفوق في اي لحظه وتكتشف ان الحب ده تلاشى زي السراب وتبقى ضيعت عمرها ووقتها في حاجه ملهاش لزمه
وممكن توافق وتظلم نفسها والشخص الاخر اللي متقدملها
بس هي المفروض تنسى الشخص اللي بتحبه لانه لو كان فعلا جاد مكنش هيفضل ساكت ده للي انا شايفاه
كنزى عضو ملكي
عدد الرسائل : 646 العمر : 34 تاريخ التسجيل : 26/12/2008
موضوع: رد: سؤال ياريت تجاوبونى عليه الجمعة مارس 13, 2009 6:21 am
والله كلام جميل شكرا للمرور
هى فعلا رفضت وانا كان رأي ليها انها ترفض علشان متظلمش انسان ملوش ذنب وكمان انها تنسى الشخص اللى بتحبه ودا علشان مصلحتها انا شايف انه لو بيحبها كان عمل خطوه جاده وحتى لو هى حسه انه بيحبها ليه ميكونش مجرد اعجاب وشويه ويروح بجد كانت صعبانه عليا اوى فعلا الموقف بالنسبالها كان رخم يارب محد فينا يقع فيه
ساسو مشرفة
عدد الرسائل : 507 العمر : 35 تاريخ التسجيل : 07/08/2008
موضوع: رد: سؤال ياريت تجاوبونى عليه الجمعة مارس 13, 2009 6:35 am
انا لو مكان صحبتك يا كنزى بكل صراحة لو حبيت انسان عمرى ماهتخطب لغيرو
لان الشخص التانى دة اية ذنبة اكيد هيتظلم معاها هى ترفض العريس دة وتدعى ربنا ان الشخص اللى بتحبة يكون من نصيبها على فكرة انا لية صاحبة نفس الموضوع دة بس هى كانت عارفة انو بيحبها وحصلت مشكلة وعندت معاة واتخطبت لغيرة عارفين عايشة اسوء ايام حياتها بجد تعبانة جدا ومش عارفة تتأقلم مع خطيبها وظالماة جدا معاها بس غصب عنها
ياريت صحبتك يا كنزى تدى فرصة لنفسها وتحاول تنسى الشخص اللى بتحبة رغم انو مستحيل بس تحاول