العقرب العجوز المبرمج

mody كتب:: أدهم مين..؟؟
انا مودى

ايه ياعقرب
مش حاسس ان كرسيك سخن شوية

- انا كل واحد يقابلنى فى الكليه يقولى الناس اللى معاكم فى
المنتدى بيحبوك اوى . انا مش عارف ايه الصراحه
و الغريب فى الموضوع ان كل اللى بيسال خرج عن اطار
الاسئلة التقليديه
و بدا يسال الاسئله الجميله !

لقيت نفسى فاضى..قولت أتسلى على العقرب شوية

- بتحبنى فعلا !

واليك التالى :
1. أكيد بتحب الغناء..ايه أغنيتك المفضلة فـ 2009..؟؟

- من اخرها ... فضل شاكر
و بحبها بسبب حد كده عرفته قريب

2. ايه رأيك بشباب وبنات الجيل الحالى..؟؟

- بحس اننا تايهين شويتين

3. ايه الفريق اللى انت بتشجعه حاليا..؟؟

- بشجع النادى الاهلى

4. ايه الفرحة اللى مش قادر تنساها..؟؟ اجبارى

- ممكن تكون اما نجحت فى الاعداديه
و لما اخدت مركز اول فى التمثيل و انا فى تانيه ثانوى

5. البحر من وجهة نظرك..بيمثلك ايه..؟؟

- انا بخاف من البحر جدا
بس بقى يمثل لى المعسكر الجامد
اللى بنروحه كل صيف انا و زمايلى

6. الدولة اللى نفسك تكون مصر زيها..؟؟

- اتمنى نكون زى اليابانيين . بس فى العمل بس

واشمعنى اخترت الدولة دى..؟؟

- اليابانيين ناس متقدمين بيعملو بجد و بيحبو العلم
و بداو من الصفر ووصلو لاعلى المراكز العلميه !

7. مين أكتر عضو انت شايفه بقى يشتغل كتير ف المنتدى..؟؟

- دعاء و نور
و
نور و دعاء

8. مين هوه حيوانك المفضل..؟؟وليه..؟؟

- عمرى ما فكرت يكون ليا حيوان مفضل يا مودى

و بعدين انت بتقول مين ؟
و دى اداة السؤال عن العاقل !

9. تعمل ايه: لو شفت واحد بيغرق أدامك وانت مابتعرفش تعوم....
تخاطر بحياتك وتنقذه..والنجاح مش مؤكد..؟؟
وللا تسيبه يغرق..وتقول كلب وراح..؟؟

هازعق باعلى صوتى و احاول اخلى الناس تيجى و تحاول
تساعده

10. تقدر تقول ايه هيا نقطة ضعفك..؟؟

- ممكن تكون انى اوقات ببقى مش واقعى
تقدر تقول عايش فى الاوهام

11. اعتذار الرجل للمرأة ذل وللا احترام للذات..قول وجهة نظرك..؟؟

- احترام و مليون احترام

12. وجه نصائح تحب تقولها لخمس أعضاء ف المنتدى..؟؟

- نور :- حاولى ما تزعليش من الناس بسرعه و طولى بالك
الطائر الحزين :- يجب ان تتخلى عن خجلك و تنطلق لتصرح بافكارك
امنيه :- حاولى تدى للبرمجه اهتمام اكبر .
مودى :- شد حيلك و ذاكر صدقنى الثانويه العامه فرصه !
رؤول : حاول ان تعمل فى صمت

13. هل الحب انتصار للقلب أم هزيمة للعقل..؟؟

- ايه السؤال الغير منطقى ده
بس احتياطى
الاجابه طنطا

14. هل تعترف بالصداقة بين ولد وبنت..؟؟

- لا توجد صداقة بين الولد والبنت
بس انا اقصد هنا صداقة بمعناها المعروف !
و ليست الزماله العاديه

15. ايه رأيك ف أدهم فارس..؟؟

قول كل حاجة عجبتك فيه..واللى ماعجبكش.....بدون مجاملة خالص
العقرب معروف عنه انه صريح ومش بيجامل

ادهم فارس

- انسان قوى الشخصيه!
- واضح كمان انه مثقف شويه
- و شكله كده كان دمه خفيف شويه

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

يللا ياعم أى خدمة..أسئلة ببلاش أهى

- انا هعيط من الكرم ده كله !

عشان ماتقولش لحد بس ان مودى حارمك من حاجة

مش هقول

سلاااااااااااااااااااااااااااام

طحنوك ياصحبى ع الكرسى
انا كنت داخل ناوى اسال
بس اسال ايه ياعم دا انت اطحن خالص
طيب تحب اسالك من اسالتى اللى انت عارفها

هههههههههههههههههههه

اسيبك ع الكورسى مطحون كفايا قوى ومش هسالك متخفش

future man كتب:: طحنوك ياصحبى ع الكرسى

شوفت اللى حصل !

انا كنت داخل ناوى اسال
بس اسال ايه ياعم دا انت اطحن خالص

لالالالالا لو عاوز تسال اسال !

طيب تحب اسالك من اسالتى اللى انت عارفها

سورى فيوتشر ! . انا ما بخافش

هههههههههههههههههههه

مش حلوه بتضحك ليه !

اسيبك ع الكورسى مطحون كفايا قوى ومش هسالك متخفش

شكلك خايف !

لا انا مش بخاف من حد العقرب العجوز المبرمج - صفحة 4 Icon_evil

ازيك ياعقرب منور الكرسى انا قلت ادخل اسلم وبس

وهخلى الاسئله على الاعضاء امممممممم

mody كتب:: لا انا مش بخاف من حد

طالع لى !

كنزى كتب:: ازيك ياعقرب منور الكرسى انا قلت ادخل اسلم وبس

وهخلى الاسئله على الاعضاء

-- و انتى يا كنزى منوره الدنيا بحالها
و ياريت لو كنتى عاوزه تسالى عن اى حاجه تقوليها

!
دى فرصه

اي يا اخ مودي صباح الفل يا ريس
ادهم مين والناس نيمين
طب مودي مين بقي
انا ادهم
علي رأي احمد حلمي في كدا رضا انا كنت معدي يباشا قلت اتنطط عليك شويه
طب انا كنت معدي يا عقرب قلت اجي احييك بكام سؤال كدا قبلة وداع قبل متفارق

1- ما معني ان تكون قياديا
2- اذا عاد بك الزمن مرة اخري للوراء وخيروك تبقي طفل ولا تكبر تاني
3- مين اكتر واحد بيديك اسئلة صعبه هنا غيري
4- انا حاسس انك بتتعصب احينا من بعض الاسئله دا قوة شخصية ولا العكس مع السبب
5- ياريت تقول لمودي يخف عننا وبعيدن انا في حمايتك بمبدأ الصحوبيه
قولو ميزعلش انا بهرج كلنا اخوات
خلينا نشوفك ياريت تطول القعده شويه

Adham Fares كتب:: اي يا اخ مودي صباح الفل يا ريس
ادهم مين والناس نيمين
طب مودي مين بقي
انا ادهم

هههههههههههههههههههه
على فكره يا ادهم مودى ده راجل سكره
انت بس تلاقيك ما تعرفهوش و كده

علي رأي احمد حلمي في كدا رضا انا كنت معدي يباشا قلت اتنطط عليك شويه
طب انا كنت معدي يا عقرب قلت اجي احييك بكام سؤال كدا قبلة وداع قبل متفارق

ماشى يا ادهم و انا ان شاء الله هجاوب

1- ما معني ان تكون قياديا

- ممكن تكون انى اقدر اوجه الناس اللى شغاله تحت ايدى
او مساعدين ليا و ادى لكل واحد المهمه اللى تناسبه
و فنفس الوقت كل واحد يحس انه الافضل و انه الاهم فى
كل العمل كله
غير كده اوضح للناس انى مجرد واحد زيى زيهم
و كونى قائد او مدير عليهم ماهو الا عمليه روتينيه
و هى اختيار احد الاشخاص لتولى مهمة ما لسبب ما
غالبا يعلمه مدير النظام كله
لو لوجود صفات فيا كقيادى لابد ان تكون فى الانسان القيادى

اتمنى اكون جاوبت الاجابه اللى تنتظرها
و ممكن يكون الكلام صح و ممكن يكون غلط

بس دى وجهه نظرى الخاصه !

2- اذا عاد بك الزمن مرة اخري للوراء وخيروك تبقي طفل ولا تكبر تاني

- اكبر تانى

3- مين اكتر واحد بيديك اسئلة صعبه هنا غيري

- هو انت بتسال اساله صعبه ؟
- بس ممكن يكون عاشق الظلام و الطائر الحزين
لانهم اصدقائى فى البلد

4- انا حاسس انك بتتعصب احينا من بعض الاسئله دا قوة شخصية ولا العكس مع السبب

- ما افتكرش انى انا اللى اقدر احكم على حاجه زى دى
بس انا اما باتعصب ده بيكون شىء طبيعى لانى بحس
انى فشلت انى اوصل لك افكارى مثلا !
و مش عارف فى حاله زى دة بيكون التعصب
قوة شخصيه ام ضعف شخصيه و هروب

5- ياريت تقول لمودي يخف عننا وبعيدن انا في حمايتك بمبدأ الصحوبيه

- هههههههههههههههه
مودى ده راجل سكره . لو اتعاملت معاه هتعرف
انه دماغه عاليه جدا

قولو ميزعلش انا بهرج كلنا اخوات
خلينا نشوفك ياريت تطول القعده شويه

انا موجود لحد ما كل الناس تخلص الاسئلة بتاعتها
و اهلا بيك يا ادهم

و لو عندك اى سؤال
انا موجود و باذن الله اجاوبك

سلام

اخوك
محمود

ازيك يااعقرب

ربنا يقويك على الاسئله دى

انت فعلا انطحنت

بس انت ادها clap2

ودى شويه اسئله خفيفه كده

- بتحب الكليه وايه مدى علاقتك بيها؟؟

- اكيد لما بقيت فى الكليه اصحابك اتغيروا......
شايف اى صداقه بتدوم الى فى الكليه ولا الى كانوااصحابك فى الثانوى؟؟

-اقرب صديق ليك حاااليا من الكليه ولا بره؟؟

- امتى تقول على علاقه حب انتهت من حياتك ان هى حب حقيقى؟؟

- لما تيجى ترتبط ان شاء الله ببنت الحلال الى تطلع عنيك boxing

لازم يكون مابينكم علاقه حب

ولا مجرد انك هتكون معجب بيها وبس؟؟

the angel كتب:: ازيك يااعقرب

- اهلاااااااااااااااااااااااااااااااااااااااااااااااااا
اذيك يا انجل فينك فينك و الله
بقالك كتير مش بتدخلى . يارب يكون المانع
كان خير

ربنا يقويك على الاسئله دى

- يارب

انت فعلا انطحنت

- كله بيدخل يسال و يجرى يا انجل

بس انت ادها

- الى حد كبير

ودى شويه اسئله خفيفه كده

- و مالو

- بتحب الكليه وايه مدى علاقتك بيها؟؟

- انا بكره الكليه فى كل حاجه
باستثناء زمايلى اللى قريبين منى فى الكليه و القعده
اللى بنقعدها فى الكافيتيريا و الجنينه
و فيه ناس عرفتهم كده و طلعو ناس كويسين جدا
مبسوط انى اعرفهم
و طبعا بحب المنتدى ده
غير كده علاقتى بالكليه متوتره

- اكيد لما بقيت فى الكليه اصحابك اتغيروا......
شايف اى صداقه بتدوم الى فى الكليه ولا الى كانوااصحابك فى الثانوى؟؟

- انا شايف ان الصداقه للى فى الثانوى هى اللى دامت و هتدوم
لانهم من بلدى و اهلى يعرفوا اهلهم و كلنا اهل فى بعض
و قعدنا مع بعض كتير و كنا مع بعض فى كل المراحل

لكن طبعا فيه صداقة فى الكليه بتبقى اجمل صداقه
بس دى بتبقى نادره شويه انها تدوم لان غالبا
كل واحد بيبقى من بلد بعيده عن البلاد اللى فيها زمايله
و طبعا الدنيا بتخلى كل واحد فى وادى

-اقرب صديق ليك حاااليا من الكليه ولا بره؟؟

- من بره الكليه

- امتى تقول على علاقه حب انتهت من حياتك ان هى حب حقيقى؟؟

- يعنى اما احس انها وقتها
غيرت فيا حاجات كتير . فيه عواطف و مشاعر كتير اوى ممكن يكون
من الصعب على اى حد انه يوصفها لكنه بيحس بيها
لما اكون فعلا اتغيرت علشانها
لما احاول ابقى احسن الناس علشان اعجبها
لما الافى روحى بقى كل هدفى انى اشوفها ادام عيونى
لما اسهر الليل بفكر فيها . و لو نمت احلم بيها
لما يكون كل همى انى اشوفها و اكمل معاها حياتى

افتكر انه ده اللى خلانى احس انها كانت حب حقيقى

لكن الكلام اللى قولته ده كله كان من ناحيتى انا بس !
يعنى انا حبيتها حب حقيقى !
هى . ما افتكرش انها تعرف يعنى ايه حب !

- لما تيجى ترتبط ان شاء الله ببنت الحلال الى تطلع عنيك
لازم يكون مابينكم علاقه حب
ولا مجرد انك هتكون معجب بيها وبس؟؟

ياااااااااااااااااااااااااااااااااااااااااااه . لسه المشوار طويل
بصى هى ان شاء الله باذن الله مش هتطلع عينى و لا حاجه
و انا بقى ان شاء الله هغير مفهوم الناس بحالها عن الجواز
المهم

مش لازم ابدا يكون فيه بيننا علاقة حب و لا اى حاجه
الحكايه كلها انى فيه صفات معينه انا حابب انها تكون فى الانسانه
اللى انا عاوز اكمل معاها . بمجرد ما اشوف الانسانه دى او حد
بقولى عليها و احس انها فعلا مناسبه
هتقدم لها . و اعرفها اكتر و اكتر
و اكيد لو فيه توافق يبقى هنكمل مع بعض ان شاء الله
و لو فيه ناس بتسمى ده زواج الصالونات او الجواز التقليدى
فانا مع الجواز التقليدى
المهم انى الاقى الانسانه اللى بتفهمنى

و الحكايه اللى انا حكيها دى لو المشوار اللى انا فيه حاليا
ما تمتش لا قدر الله !

حوده

بجد انت مش شايف انك مدي البنات
اكتر من حقهم اوي

بتتكلم عنهم كتير اوي بجد ومش عارف ليه

أكيد كل واحد مننا نفسه يرتبط بواحده ويجد البنت اللي
بيحلم بها

بس مش عارف انت مالك بجد

ممكن توضحلي شويه

بس مش عاوز كلام جرايد (اصل البنات جنس لطيف وكذا وكذا
كلنا عارفين الكلام ده)
انت من جواك ايه

نخش في المهم بقي

انت ليه رشحتني انا ابقي مدير معاك علي المنتدي

اسباب اختياراتك ليا

انا شايف اني من ساعه بقيت مدير ما عملتش حاجه مهمه اوي
تقدر تغير في المنتدي

انت ايه رأيك

تقدر تقولي ايه اللي نقدر نعمله يخلي الطلاب في علوم
يسارعوا بالدخول علي المنتدي

اسهل عليك شويه

الجانب العلمي يبقي عامل ازاي ومحتاج انت ايه عشان
نطوره

وده علي فكره هيبقي موضوعي للنقاش مع طاقم المشرفين في
الاجتماع القادم

سلامي

A_ELROKH

الطائر الحزين كتب:: حوده

نعم

بجد انت مش شايف انك مدي البنات
اكتر من حقهم اوي

- انت اكيد ما تقصدش الكلمه دى بمعناها ده !

بتتكلم عنهم كتير اوي بجد ومش عارف ليه

أكيد كل واحد مننا نفسه يرتبط بواحده ويجد البنت اللي
بيحلم بها

بس مش عارف انت مالك بجد

- كلامك مش واضح ابدا !
قولى انا قولت ايه اداك الانطباع ده

ممكن توضحلي شويه

بس مش عاوز كلام جرايد (اصل البنات جنس لطيف وكذا وكذا
كلنا عارفين الكلام ده)
انت من جواك ايه

- انا مش محتاج اقول كلام جرايد . و مش ضرورى انك تقتنع برايى
لسبب واحد بس . هو ان ده رايى انا و ما فرضتهوش عليك او على اى حد !

نخش في المهم بقي

- امال اللى فات ده كان ايه !

انت ليه رشحتني انا ابقي مدير معاك علي المنتدي

اسباب اختياراتك ليا

- انت بتحب المنتدى و نشيط . غير كده الاعضاء بيحبوك فى المنتدى
و ليك شعبيه كبيره . و الاتصال هيكون معاك سهل لانك زميلى

انا شايف اني من ساعه بقيت مدير ما عملتش حاجه مهمه اوي
تقدر تغير في المنتدي

انت ايه رأيك

- انت بتحاول بقدر الامكان تساعد فى النهوض بالمنتدى بموضوعاتك
بتنبيهاتك
بمواضيعك المساعده لكل الناس علشان تعرف تتعامل مع المنتدى
و كده اعتقادك مش فى محله

تقدر تقولي ايه اللي نقدر نعمله يخلي الطلاب في علوم
يسارعوا بالدخول علي المنتدي

- نعمل دورات فى اى مجال من مجالات الحاسب الالى

اسهل عليك شويه

الجانب العلمي يبقي عامل ازاي ومحتاج انت ايه عشان
نطوره

- زى ما قولت فوق

وده علي فكره هيبقي موضوعي للنقاش مع طاقم المشرفين في
الاجتماع القادم

- الاجابه .. طنطا

سلامي

سلامى انا كمان

A_ELROKH

احلي حاجه فيك انك

فهلوي كلام ماليش دعوة

كبير يا معلم

وبخصوص الدورات في الجانب العلمي
انا كنت اكلمت فيها قبل كده مع زائر وفيوتشر

وان شاء الله نتفق مع بعض ونعمل دورات كويسه

سلامي يا كبير

ازيك ياعقرب
ايه اخبار الكرسي معاك

كنت عايزه اسألك شويه اسئله كده ع الماشي

1 - العقرب شايف نفسه ازاي ؟ وياتري ايه النظره اللي تحب الناس ينظروا للعقرب بيها؟
2- شيء غالي ومهم في حياتك ؟ ايه هو الشيء اللي لوضاع منك تبكي عليه ؟
3- ما هو السؤال اللي اتمنيت ان حد يسأله ليك ولم يوجه لك حتي الان ؟
4- ماهو الشيء الغامض بحياتك ؟
5- اذا كان الحب ضروري في حياتك كل انسان فماذا يمثل بحياتك "الحب بصفه عامه" ؟
6- التضحيه كلمه وارده في حياه اي انسان لو ضحيت تضحي من اجل من ؟ وتصل الي اي مدي ؟
7- ما هو مبدأك بالحياه ؟ وما هي اكثر حكمه التي تؤمن بها ؟
8- مين قدوتك بالحياه ؟ ولو حبت انك تكون قدوه لحد في يوم ماذا تفعل ؟
9- ايه رايك في العام بكل ما يحدث فيه من طفرات التغير المذهل في كل شيء ؟
10- ايه المواقف اللي لو مريت بيها تحس بالاحاسيس الاتيه احساس مرعب - احساس مزعج -مؤلم - مؤسف -قاسي - احساس ممل ) ؟
11- ماهي نقطة ضعفك ؟ وما تقولش دا سر.
12- لو انسان غالي عندك اوي خدعك ايه هيكون رد فعلك ؟ ولو رجع لك بدموع التماسيح ياتري تسامحه ؟
13- ما هو السؤال اللي كنت تتمني ان حد مش يسأله ليك ؟
14- ايه شكل وجوهر الانسان او الانسانه المتدين من وجه نظرك ؟
15- ايه هي رسالتك بالحياه ؟
16- ثقتك بالناس بتيجي بسرعه ولا بعد فتره طويله ؟ بعد تحديد اجبتك هل ده عيب ولا ميزه ؟
17- كان بيتذاع برنامج وزاره ماتمت في رمضان اللي فات لو رشحوك تبقي وزير تختار وزاره ايه ؟ وليه الوزاره دي بالذات ؟ وايه اول قرار هاتخده ؟
18- ما ريك في الكلمات الاتيه : (

الغرور
–النفاق –الصداقه –الوفاء –العدل - الامانه -الاخوه - الخداع - الجمال - الطبيعه - الرجل - المرأه - الحريه - الظلم - ضعف الشخصيه )
19- اخر سؤال

لو رجع بيك الزمن للخلف تحب تغير ايه ؟

منتظره اجابتك

زائر

اسالتك جامده جدا يا ضوء
الله يعينك يا عقرب
بجد انا اللي منتظره الاجابات بفارغ الصبر
وبجد منور الكرسي

الطائر الحزين كتب:: احلي حاجه فيك انك

فهلوي كلام

ما كانش ده بقى حالى يا عم احمد
ده انا غلبان !
و بجد انا رديت عليك بهدوء . انا كنت هتعصب

كبير يا معلم

وبخصوص الدورات في الجانب العلمي
انا كنت اكلمت فيها قبل كده مع زائر وفيوتشر

ربنا يسهل الاحوال

وان شاء الله نتفق مع بعض ونعمل دورات كويسه

سلامي يا كبير

سلامى يا باشا

ضوء المكان كتب:: ازيك ياعقرب

اذيك يا ضوء المكان . اسمك جميل على فكره

ايه اخبار الكرسي معاك

الكرسى تمام وواضح ان الناس بتعزنى اوى

كنت عايزه اسألك شويه اسئله كده ع الماشي

و انا هاجاوبك ان شاء الله

1 - العقرب شايف نفسه ازاي ؟ وياتري ايه النظره اللي تحب الناس ينظروا للعقرب بيها؟

- بصى يا سيدتى . انا شايف نفسى شاب دمه خفيف بيحب الحياه و بيحب الهزار
و بيحب الامور تكون سهله . شايف انى انسان مليان طموحات و احلام و اهداف كبيره جميله
عاوز احققها . شايف انى بحب الظهور و الشهره عندى ممكن تكون هدف فى اوقات كتير
و حاسس انى طيب جدا و باسامح بسرعه و حاسس انى مخلص جدا و اللى يثق فيا
بكون معاه كويس جدا . واثق انى موهوب فى التمثيل و الارتجال !

- انا احب الناس يشوفونى على انى واحد طيب ناجح و قبل ده محترم
احب ان الناس تحس انى انسان خفيف و طيب و بيحب الخير للغير و برده اتمنى ان الناس
تنظرلى بنظره الانسان المكافح اللى كان عنده حلم و تعب جدا لحد ما حققه

2- شيء غالي ومهم في حياتك ؟ ايه هو الشيء اللي لوضاع منك تبكي عليه ؟

- حب الناس و و خاصة حب اصدقائى !
الشىء اللى لو ضاع منى هبكى عليه ممكن يكون طموحى و احلامى .
اوقات كتير جدا طموحاتى بتخلينى احس انى اهم واحد .
اوقات كتير جدا بحس ان مجرد التفكير فى انجاز الاهداف . نجاح

3- ما هو السؤال اللي اتمنيت ان حد يسأله ليك ولم يوجه لك حتي الان ؟

- ما حدش قالى انت حاسس انك هتبقى ايه فى المستقبل !

4- ماهو الشيء الغامض بحياتك ؟

- حبى

5- اذا كان الحب ضروري في حياتك كل انسان فماذا يمثل بحياتك "الحب بصفه عامه" ؟

- الحب فى حياتى من اهم الحاجات اللى البنى ادم محتاجها علشان يكمل حياته
و يعيش حياه طبيعيه متزنه . لو كانت الدوافع هى الاهم فى دفع الانسان تجاه تحقيق اهدافه
فممكن نعتبر الحب اهم دافع من الدوافع . حبى لاى شىء هو اكبر محفز ليا انى احافظ على الشىء ده
فما بالك اذا كان الشىء ده هو حب !

6- التضحيه كلمه وارده في حياه اي انسان لو ضحيت تضحي من اجل من ؟ وتصل الي اي مدي ؟

- انا اضحى من اجل اهلى . و افديهم بروحى

7- ما هو مبدأك بالحياه ؟ وما هي اكثر حكمه التي تؤمن بها ؟

- انى اضع باحلام كبيره اوى و اسعى فى سبيل تحقيقها و غالبا ببقى مبسوط
بالجزا اللى باحققه منها لانى غالبا ما بحققهاش كلها زى ما حلمت بيها !

- بتعجبنى الحكمه اللى بتقول :- حب ما تعمل حتى تعمل ما تحب

8- مين قدوتك بالحياه ؟ ولو حبت انك تكون قدوه لحد في يوم ماذا تفعل ؟

- هو مش حد معين لكن فيه ناس عاوز ابقى زيهم فى حاجات كتير
منهم
اخوبا اللى اكبر منى على طول . و خالى

- لو حبيت اكون قدره لاى حد هاحاول اكون احسن حد و فيا افضل صفات
هو يحلم انها تكون فيه !

9- ايه رايك في العام بكل ما يحدث فيه من طفرات التغير المذهل في كل شيء ؟

- ههههههههههه . انا اصغر بكتير من انى اقول رايى فى العالم . بس هكلمك على العالم
بعينى اللى انا شايفه بيها
العالم ده بدا فعلا يصبح قريه صغيرة الهيمنه للدول الكبرى على الدول الناميه
اصبح بيخلق نوع من الاحتلال الفكرى . و ما اسوا ان احد يحتلنا احتلال فكرى . و لما بيحصل ده
بنعيش منفصلين . طباع و عادات عربيه شوقيه جميله و فكر اجنبى غامق و قدوات غريبه الاطوار
اصبحنا نشوف العالم بصور اضيق
انا حاسس ان العالم بينتهى خلاص .و حتى لو ما انتهاش بحرب كبرى . هينتهى باحتلاق فكرى
و هيكون فعلا العالم قريه صغيره . بس افتكر انها هتبقى بفكر واحد بس !

10- ايه المواقف اللي لو مريت بيها تحس بالاحاسيس الاتيه

احساس مرعب :- لو شفت حد متعور جامد
- احساس مزعج:-لو حسيت بالخوف من شىء و مش قادر اصرح
احساس مؤلم: - لو اتعورت و كل ما ابص للتعويره الاقيها كبيره
احساس مؤسف :- لو حسيت انى ضايقت حد بدون قصد !
احساس قاسي :- لو شوفت حد مظلوم
احساس ممل:- لو حسيت انى باكرر شىء باستمرار

11- ماهي نقطة ضعفك ؟ وما تقولش دا سر.

- ممكن تكون انى بقلق من حاجات كتير اوى من غير لزوم

12- لو انسان غالي عندك اوي خدعك ايه هيكون رد فعلك ؟ ولو رجع لك بدموع التماسيح ياتري تسامحه ؟

- هزعل جدااااااااااااااااااااااااااااا و هندم على اخلاصى و حبى ليك
و لو رجع ليا . اكيد هاسامحه لكن عمرى ما هرجع معاه زى زمان!

13- ما هو السؤال اللي كنت تتمني ان حد مش يسأله ليك ؟

- ماكنتش عاوز حد يقولى ايه مواصفات شريكة حياتك . علشان كل ما حد يسالنى و اقوله
يقولى يا عم انت فاكر نفسك مين . و يستكتر عليا المواصفات مش عارف ليه !

14- ايه شكل وجوهر الانسان او الانسانه المتدين من وجه نظرك ؟

- الانسان اللى بيراقب ربنا فى افعاله ده اهم شىء

15- ايه هي رسالتك بالحياه ؟

- اتعلم و افيد اهلى و بلدى و احاول اسيب من بعدى جيل و نشأ صالح
يكون نافع لدينه و لوطنه

16- ثقتك بالناس بتيجي بسرعه ولا بعد فتره طويله ؟ بعد تحديد اجبتك هل ده عيب ولا ميزه ؟

- انا ثقتى فى الناس بتيجى بعد فتره طويله .
انا شايف انها ميزه

17- كان بيتذاع برنامج وزاره ماتمت في رمضان اللي فات لو رشحوك تبقي وزير تختار وزاره ايه ؟ وليه الوزاره دي بالذات ؟ وايه اول قرار هاتخده ؟

- انا عمرى ما تابعت البرنامج ده بس هاجاوب

امسك وزارة التعليم العالى
علشان ده الجامعه اللى المفروض انها بتطلع الناس اللى هتشتغل و تبنى البلد
و اول قرار هاخده ان الجانب العملى ياخد اكبر حيز من اهتمام المشرفين على التعليم فى اى كليه !
علشان اقدر اطلع جيل قادر على التعامل مع مطالب الحياه فى شتى انحائها !

18- ما ريك في الكلمات الاتيه : (

الغرور:- ساعات بحس انه مهم لزرع الثقه فى النفس .
–النفاق:- صفة من اسوا الصفات اللى ممكن تتواجد فى البنى ادم و غالبا ما بيتكشف الانسان ده .
–الصداقه :- شىء ضرورى جدا و هام فى حياتنا . و بيسهل علينا حاجات كتير ممكن نتعب بسببها لو لوحدنا
–الوفاء :–صفة لازم تكونموجوده فى كل الناس علشان تستمر الموده بينا فى حياتنا
العدل :- صفة ياريت تكون موجوده فى اى انسان بيحكم بين الناس
الامانه :-صفه لازم تكون موجوده فبنا كلنا . و شىء مهم برضه فى حياتنا
-الاخوه :- من اجمل الاحاسيس اللى ممكن البنى ادم يحسها
الخداع :-صفة سيئه اتمنى بيستعملها الانسان الجبان الضعيف
الجمال :- نعمه جميله و لازم اللى عنده الهبه دى يحترمها و يشكر ربنا عليها
الطبيعه: - اجمل اماكن الواحد ممكن يشوفها لو هو حزين !
الرجل :-صفة جميله و من تتواجد فيه الصفه دى بيكون الحد اللى يعتمد عليه فعلا . غير كده مخلوق بيحب الهيمنه
المرأه: - مخلوق لطيف جدا و هو الجزا الحلو فعلا
الحريه :- هدف اى حد انه يكون عنده الهبه دى !
الظلم :- الاحساس بيه مشكله و الوقوع فيه مصيبه
ضعف الشخصيه:- نقمه يجب ان يتخلص منها صاحبها

19- اخر سؤال
ياريت !

لو رجع بيك الزمن للخلف تحب تغير ايه ؟

يااااااااااااااااااااااااااااااااه

هغير حاجات كتير اوى

هغير الكليه اللى انا فيها دى
هغير بعض الناس اللى اعتبرتهم اصدقاء و دمرو حاجات فى حياتى
هغير بعض الطباع اللى شايف انها مضايقانى كتير
هحاول اقلل شويه احلام اليقظه اللى عاملالى مشاكل و تصادمات مع الواقع!

شكرا ليكى يا ضوء المكان !

و لو عندك اساله تانى . اساليها

نبض القلب كتب:: اسالتك جامده جدا يا ضوء
الله يعينك يا عقرب

- الصراحه الاسئله كانت صعبه و مرهقه !

بجد انا اللي منتظره الاجابات بفارغ الصبر

- و انا كمان !

وبجد منور الكرسي
- اقل حاجه عندى !

زائر

اهلا اهلا اهلا ب المعلم

انا راجعلك مخصوص والله

اولا : جزء شخصي احب اعرفه عن نفسي

عايزك تقول للناس انت اول ما شوفت مني الرساله الخاصه ازيك وابعتلي ايميلك فاكر ولا مش فاكر ؟

قول للناس ايه شعور ساعتها

و قول برضوا لما نزلت اول موضوع ليا فاكر ؟ والطائر دخل فيا شمال فاكر ؟ اانا فاكر كان شعور ايه ساعتها

وقولي الموقف اللي غير الكلام اللي انت قولته فوق دا عني

انا عارف انك صريح اوي اوي

وبتحب الناس اوي

والله اعلم انا بعزك اد ايه خصوصا بشويه حاجات انا عارفها عنك والناس متعرفهاش

واحب اقولها علي الملاء يا جماعه بجد الشخص الوحيد اللي عارف انه يعرف عني حاجات كتير اوي

بالرغم من اني محكيتلوش علي حاجه بس هوه عرفها صدفه وغصب عنه هوه العقرب و مرضيش يعرفني انه يعرف حاجه

يعني واد كفاءه بس انا مبحبش اقوله كدا عشان هو ميتغرش بس او يخليه علي كدا دايما و هوه حاليا مستغرب من كلامي لانه اول مره يشوف الكلام دا مني

ع العموم نكمل

انا عارف ان عملت حاجه تدايقك جامد اوي

بس قولي موقف تاني عملته دايقك مني غير الموقف اللي ف بالك

قولي كدا

ايه مميزاتي ؟

وايه عيوبي

و قولي نصيحه

قولي علي اكتر تعليق عجبك مني بما انك بتقول اني ظريف

قولي احسن موضوع تفتكر اني نزلته وعجبك ايه

قولي علي العضو المثالي ف المنتدي لانه بدأ يتغير العضو المثالي ف وجهه نظري

قولي كدا امتي عجبك رأيي بما انك بتقول ان ارأي كلها كويسه

فاكر العضو سعد الجزار

تعرف اني لما بعدت عن المنتدي وبصيت ب منظور اوسع

عرفت اننا ظلمنا العضو دا وعاملناه بطريقه استفذاذيه جدا ب الرغم من اننا اللي عاملناه بطريقه استفذاذيه ؟

ولو تبص علي الردود بتاعه كل الاعضاء هتلاقيها كلها متقاربه وقليل اوي لما بتلاقي عضو يعارض رأي الاعضاء ؟

انا مش بدافع عنه بس بقول الحق بالرغم من اني مقابلتش سعد دا حتي يومنا هذا

تقدر ك مدير للمنتدي تبعت رساله خاصه ل سعد تقوله يرجع المنتدي واننا بنحترم رأيه مهما كان طالما لا يجرح اي عضو ؟

المنتدي نام ف فتره كبيره اوي اوي اوي

واتخذتوا شويه قرارات متضاربه جدا جدا جدا و قولتو كلام ومتنفزش

وخطوات غلط

ما علينا نكمل

قولي كدا شويه حاجات

بما انك صريح

اكتر حاجه بتدايقك فيا

قولي رأي ليا معجبكش

واطلب مني طلب وانا هطلع جدع وانفزهولك الا اني اعمل معاك واجب

ف عرض النبي انا اتهريت واجبات منك

سلام

اولا

مرحبا برجوعك يا سويت وياريت تفضل معانا وترجع زي الاول

ولو لدقايق بسيطه معانا بالمنتدي

لانك تعتبر من اظرف وافضل الناس بالمنتدي فياريت ترجع معانا
وما تخيبش وجهة نظري فيك

ثانيا

بجد انا اسف يا عقرب لو كانت الاسئله زعلتك

بس انا فعلا كنت قاصد انرفزك

وكسبت الرهان

بس بجد انا اسف

وانا طبعا ليا يوم اللي هاجي علي الكرسي وعارف انك هطلع روحي

سلام يا كبير

SWEET RAPTURED LIGHT كتب:: اهلا اهلا اهلا ب المعلم

- اهلا بيك يا محمد .

انا راجعلك مخصوص والله

- و انا مبسوط جدا انك دخلت و سالتنى

و ياريت تستمر معانا تانى فى المنتدى

اولا : جزء شخصي احب اعرفه عن نفسي

- ماشى و ماله ... زميلى برضه

عايزك تقول للناس انت اول ما شوفت مني الرساله الخاصه ازيك وابعتلي ايميلك فاكر ولا مش فاكر ؟
قول للناس ايه شعور ساعتها

- ما كنتش حابب انى اتعرف عليك الصراحه . و خاصة انك

كنت عمال تهزر و تهرج اوى و مزودها حبتين . فقولت مين الواد ده

و عاوز ايه منى !

و قول برضوا لما نزلت اول موضوع ليا فاكر ؟ والطائر دخل فيا شمال فاكر ؟ اانا فاكر كان شعور ايه ساعتها

- الفتره دى ما كنتش بدخل فيها على المنتدى . بس مره قابلك الطائر

و كنا قاعدين قعده حلوه . و قالى فيه واحد كده رزل اسمه سويت

و بيخبط فى المنتدى و بتاع و عمال يعمل مشاكل و حاجات غريبه كده

فطبعا انا كنت داخل يعدها و انا منك مخنوووووووووق اوى

وقولي الموقف اللي غير الكلام اللي انت قولته فوق دا عني

- مواقفك الحلوه يا محمد و الله كتير

انت بنى ادم جدع و اهم حاجه فيك انك بتقدر الصداقة

و ده بيبان فى حاجات كتير اوى

و لما اتصلت بيا فى البيت اول مره شوفت فيها الطائر

ده معناه انك واحد كويس فعلا عاوز يعرف ناس جديده

و بيسال عنهم

انا عارف انك صريح اوي اوي

وبتحب الناس اوي

والله اعلم انا بعزك اد ايه خصوصا بشويه حاجات انا عارفها عنك والناس متعرفهاش

واحب اقولها علي الملاء يا جماعه بجد الشخص الوحيد اللي عارف انه يعرف عني حاجات كتير اوي

بالرغم من اني محكيتلوش علي حاجه بس هوه عرفها صدفه وغصب عنه هوه العقرب و مرضيش يعرفني انه يعرف حاجه

يعني واد كفاءه بس انا مبحبش اقوله كدا عشان هو ميتغرش بس او يخليه علي كدا دايما و هوه حاليا مستغرب من كلامي لانه اول مره يشوف الكلام دا مني

ههههههههههههههههههههههههههههههههههههه

ايه الكلام الجامد ده . انت جيبت الكلام ده منين !؟

بس انت ما تعرفش عنى كتير يا محمد !

ههههههههههههههههههههههههههههههههههههههه

مش عارف اقول ايه بس .

شكراااااااااا

ع العموم نكمل

انا عارف ان عملت حاجه تدايقك جامد اوي
بس قولي موقف تاني عملته دايقك مني غير الموقف اللي ف بالك؟

لما كنت فى الكافيتيريا المره اللى قبل النهارضه دى و كل واحد

تقابله تقوله ده العقرب . و انا اقولك يا محمد انا مش معرف الناس

دى انى على المنتدى ده اساسا

و تقوم انت تهرج برضه و تقول !

غريب و الله

ههههههههههههههههههههههههههههه

و فيه موقف كمان كده بس ده فى السكرت بقى

قولي كدا

ايه مميزاتي ؟

- جدع اوى

صاحب صاحبه

ظريف

بتفهم فى حاجات كتير

بتعرف تتعامل مع الناس

وايه عيوبي؟

- اوقات بتصر على رايك . مع انه ممكن يكون غلط

بتهرج فى اوقات ما ينفعش فيها التهريج

بتحب المقالب

و قولي نصيحه

- ركز فى دراستك اكتر .

قولي علي اكتر تعليق عجبك مني بما انك بتقول اني ظريف

- اما انا كنت منزل موضوع فى قسم الطبيخ

فى منتدى القوارير

انت قولت . يا ابله عقروبه

كنت عاوز اعرف طريقة عمل

الماشنكاح المقلى

قولي احسن موضوع تفتكر اني نزلته وعجبك ايه

مواضيعك الحلوه كتير !

قولي علي العضو المثالي ف المنتدي لانه بدأ يتغير العضو المثالي ف وجهه نظري

عضو مثالى واحد تحديده هيبقى صعب اوى

بس فيه ناس كتير جدا جامده اوى

بس العضو المثالى عموما . هو اللى بنحس بوجوده باستمرار

و بنحس انه فى كل الاقسام له بصمات مميزه له

قولي كدا امتي عجبك رأيي بما انك بتقول ان ارأي كلها كويسه

- ارائك عن الارتباط و كده معظمها بيعجبنى

فاكر العضو سعد الجزار

- سعد انسان كويس جدا و صديق شخصى ليا

تعرف اني لما بعدت عن المنتدي وبصيت ب منظور اوسع

عرفت اننا ظلمنا العضو دا وعاملناه بطريقه استفذاذيه جدا ب الرغم من اننا اللي عاملناه بطريقه استفذاذيه ؟

- انا عارف ان سعد انسان كويس و انا اعرفه فى الكليه

و هو انسان مثقف اوى على فكره

و متزن جدا

بس ممكن تكون طريقتة فى النقاش هى

اللى خليتنا نحس انه صعب اوى

ولو تبص علي الردود بتاعه كل الاعضاء هتلاقيها كلها متقاربه وقليل اوي لما بتلاقي عضو يعارض رأي الاعضاء ؟

- اممممممممممم

انا مش بدافع عنه بس بقول الحق بالرغم من اني مقابلتش سعد دا حتي يومنا هذا

تقدر ك مدير للمنتدي تبعت رساله خاصه ل سعد تقوله يرجع المنتدي واننا بنحترم رأيه مهما كان طالما لا يجرح اي عضو ؟

- لو سعد عنده الرغبه انه يرجع المنتدى انا اتصل بيه ي مش بس

ابعت له رساله

و هعمل ده كعضو عاوز المنتدى افضل و انشط مش ك مدير !

المنتدي نام ف فتره كبيره اوي اوي اوي
واتخذتوا شويه قرارات متضاربه جدا جدا جدا و قولتو كلام ومتنفزش
وخطوات غلط
ما علينا نكمل
قولي كدا شويه حاجات
بما انك صريح
اكتر حاجه بتدايقك فيا

- انك اوقات بتحب المقالب و دى حاجه ممكن تضايق اوى

و انا الحمد لله جربت مقالبك!

قولي رأي ليا معجبكش

- حاليا صعب اوى افتكر الراى تحديدا

بس اكيد كان عن المقالب

واطلب مني طلب وانا هطلع جدع وانفزهولك الا اني اعمل معاك واجب
ف عرض النبي انا اتهريت واجبات منك

هههههههههههههههههههههههههه

سلام

سلام

الطائر الحزين كتب:: اولا

مرحبا برجوعك يا سويت وياريت تفضل معانا وترجع زي الاول

ولو لدقايق بسيطه معانا بالمنتدي

لانك تعتبر من اظرف وافضل الناس بالمنتدي فياريت ترجع معانا
وما تخيبش وجهة نظري فيك

كلامك مظبوط يا طائر و ياريت سويت
يرجع المنتدى تانى و يشارك معانا

ثانيا

بجد انا اسف يا عقرب لو كانت الاسئله زعلتك

بس انا فعلا كنت قاصد انرفزك

وكسبت الرهان

هو انتو كنتو متراهنين عليا !
مااااااااشى

بس بجد انا اسف

وانا طبعا ليا يوم اللي هاجي علي الكرسي وعارف انك هطلع روحي

انت حبيبى

سلام يا كبير

سلام يا صغير

ازيك ياعقرب

مساء الفل

انا جيت ومعايا ليك شويه اسئله لطيفه يارب تعجبك

1- انت عايز تبقي ايه في المستقبل ؟
2- ليه عايز تغير الكليه ومش بتحبها مع انك عايز تشتغل في الحاسب ؟
3- ماذا تعني لك الحريه الشخصيه ؟
4- لو ماكنتش العقرب (محمود) تختار تكون مين ؟ ليه الانسان ده ؟
5- ايه اللي عملتو وندمت عليه جدا ؟
6- موقف مريت بيه ونفسك يتكرر تاني ؟
7- ايه رايك في الصداقه بين البنت والولد ؟ لو اخترت بنت تكون صديقه العقرب ها تكون مواصفاتها ايه ؟
8- كل انسان ممكن يكتشف حقيقه مره في حايته . ايه الحقيقه المره اللي مر بيها العقرب ؟
9- امتي تضحك وعنيك مليانه بالدموع ؟
10- تقول ايه لحد جرح او كسر قلب العقرب ؟
11- لو حسيت انك وحيد ممكن تعمل ايه ؟
12- ما هو اصعب الم بيمر علي اي انسان ؟
13- اجمل شئ في الاسلام ؟
14- بنعيش الايام دي عصر البحث عن الماده انت بتبحث عن ايه ؟
15- ياتري الظروف ممكن تتحكم في حياه الانسان بنسبه كام في الميه ؟
16- لو تحب توجه نقد لحد دلوقتي هاتوحهه لمين ؟ وايه السبب ؟
17- ايه هي نظرتك للجامعات المصريه حاليا بكل اللي فيها (البنات-الشباب-الدكاتره.............الخ) ؟
18- ايه رايك في بنات العصر ؟
19- الي اي مدي ممكن العقرب يسامح فيه حد غلط في حقه ؟
20- ايه هي اسعد لحظات حياتك ؟ وبتقضيها فين ؟
21- لو حسيت انك مقصر في حق ربنا بتعمل ايه ؟ لو عصيت ربنا بتعمل ايه ؟
22- لما بتبقي لوحدك بتفكر في ايه ؟
23- ايه اكتر حاجه بتشغل تفكيرك ؟
24- ايه رايك في المقوله دي "عيش ندل تموت مستور" ؟
25- ما معني الاتي (الصبر-الخوف-القلق-الحلم-الدموع-الليل-الموت) ؟

اقولك كفايا عليك كده

منور الكرسي يا ابو حنفي

الناس مقطعينك هنا ياراجل

انا جي علي حسك بس شكلك بتؤدي في الردود

تمام يا ريس

ممكن اقطع انا كمان
اهو انا اولي بردو هقطع بدالي انا ومنصور وبوحه