حبة نكت من طرف نووووووور

غبي مات نزل عليه 62 ملائكة اثنين يحاسبونه و60 يقنعوه انو مات



مسابقة بين برازيلى و المانى و صعيدى الى هيطلع 100 سلمة و يقتل الوحش و يتجوز الأميرة له 1000000 جنيه طلع البرازيلى 30 سلمة و مات والألمانى 40 سلمة و كسرت ساقه و الصعيدى طلع كل السلالم و قتل الأميرة و تزوج الوحش


مرة واحد احول بيتفرج على فيلم عاطفى بدل مايعيط ريل


مساطيل مش عارفين يعملوا ايه قرروا يتخيلوا نفسهم سجاير و يحاولوا يطفوا السيجاير دى واحد راح تحت المية وقال تيش انا اتطفيت ووااحد جاب الشبشب وضرب على دماغة و قال انا اتطفيت وفى واحد رما نفسه من البلكونة نزل على واحد تانى مسطول قال ...احرقونا بقا


البوليس عمل كبسة على شوية شمامين و لفت نظره ان فيهم عيل صغير قوي واخد ركن لواحده وعمال يسحب , فقام مقرب منه و سأله: و الشمام الصغير اسمه ايه؟ قام الواد رد عليه و قاله : كنتلوب يا باشا


مرة 2 بلدياتنا كانوا ماشيين فى الصحراء طلع عليهم اسد راح واحد رمى عليه طوبه وقعد يجرى وبعدين بص وراه لقى زميله واقف ومبيجريش فقاله انتى مبتجريش ليه قاله واجرى ليه هو انا اللى ضربته


مرة واحد أعمى وواحد عبيط حبوا يفتحوا مشروع فلافل فالأعمى بيرمى الفلافل بره الطاسة والعبيط يقول تييييش


سألوا مصرى ليه الشعب المصرى يحلف كثير؟ قال طب و الله العظيم دى أشاعه قسماََ بالله إفترى على الطلاق بالثلاثه كدابين


مرة اتنين اصحاب بيقولو ابعض تصدق انا الخدام بتاعى غبى اوى فالتانى قالوه لا ده انا الخدام بتاعى اغبى فقالوه الاولانى تعالى نشوف فجه الاول ونادى الخدام بتاعه وقالوه خد الربع جنيه ده وروح اشترى ليه عربيه مرسيدس والتانى نادى الخدام بتاعه وقالوه روح النادى وشوفنى هناك ولا لآ فراحوا الخدامين و اتقبلو فى السكه فواحد منهم قال للتانى تصدق الراجل اللى انا بشتغل عنده غبى اوى تصور بعتنى اشتريله عربيه و ما يعرفش ان النهارده الاحد والمحلات قافلة فالتانى قاله لا ده انا بشتغل عند واحد اغبى من بتاعك تصور بعتنى النادى اشوفه هناك يعنى مش قادر يرفع سماعة التليفون و يسأل على نفسه


مرة واحد شاف زوجته بتخونه فقال لها ما شاء الله النهاردة بيتخونيني و بكرة سجاير

واحدة كل لما القطر يعدى جنب البيت الدولاب يفتح لوحدة زهقت راحت جابت النجار قالتلو شوفلك حل فى الدولاب كل لما القطر يعدى يفتح لوحدة قالها طيب انا هادخال الدولاب واشوف كدة اية بيحصل جوزها جة حس بتخبيط فى الدولاب فتحة لقى النجار قالة بتعمل اية عندك قالة مش هاتصدقنى لو حلفتللك مليون يمين انى مستنى القطر


ايه اول حاجه بيعملوها الصعايده اول ما بيصحوا من النوم؟
كل واحد بيروح علي النكته بتاعته




مره واحد صعيدي راح لدكتور وقاله :يا دكتور انا كل يوم بحلم ان في مطشات لفرق كتاكيت ومش عارف اعمل ايه فراح الدكتور قله:خد الدوا ده وانتا مش حتحلم بيه فقاله:لا والنبي يا دكتور علشان النهائي بكره



واحد باشا الزمن دار عليه وافتقر حب يشتغل اشتغل بتاع فجل وجرجير وقف فى السوق وهو لابس الطربوش وبيقول فجل يا حوش جرجير يا كلاب


فى يوم المراة العالمى اجتمع 3 ستات واحدة امريكية والتانية فرنسية والتالتة صعيدية , قالوا لازم نحبب رجالتنا فينا ونعرفهم قيمتنا فاتفقوا محدش فيهم هيقوم بواجبات البيت لمدة اسبوع ويتقابلوا بعدها يعرفوا النتيجة . بعد اسبوع ..........
الامريكية : اضربت عن شغل البيت ومشفتش حاجة اول يومين لكن بعد كدة جة صالحنى واتاسفلى .
الفرنسية : اضربت عن شغل البيت ومشفتش حاجة اول يومين لكن بعد كدة جة وجابلى ورد وقالى انا هاعمل كل حاجة .
الصعيدية : اضربت عن شغل البيت ومشفتش حاجة اول يومين لكن بعد كدة ابتديت اشوف بعنيا اليمين شوية بشوية



مرة واحد فلسطينى وواحد اسرائيلى واحد عربى محبوسين فى اسانسير واحد مع بعض
فا الفلسطينى قال : انا افتح الباب وانط احسنلى اموت شهيد احسن من اموت جمب اسرائيلى
الاسرائيلى قال: انا احسنلى اموت مخنوق ولا انتحر وفلوس التامين تضيع على ولادى
فسالوا العربى هاتعمل ايه
قال: مش عارف بس حددوا بسرعة علاشان عايز ادخل الحمام



حرامى دخل شقة ليسرقها فالقى واحد ومراتة فسال مراتة اسمك اية قالتلو مديحة قالها انا مش هقتللك علشان اسمك على اسم امى الله يرحمها وسال زوجها اسمك اية قلو ابراهيم وبيدلعونى بيقوللى يامد يحة

ست بتقول لبنتها فزورة: مين هو اللى من 4 حروف وبيشتغل عندنا ؟؟
قالتلها : بابا


بابا نويل بيوزع هدايا على الاطفال فى راس السنة وشاف بنت حلوة عندها 25سنة فاعطى لها هدية فقالت لة شكرا بابا نويل قلها نويل بس بلاش بابا


واحد صعيدى قاعد بيتغدى جنبه 3 بلاليص مش المهم اكل الاول وبعدين دخل على التانى وهو بيفتح التالت طلعله شيطان بيقوله حرام عليك قول بسم الله صدرى اتهرى



بلدياتنا نجح في انتخابات مجلس الشعب، ففي اول جلسة قاعد جنب واحد افندى فالأفندى عزم عليه بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا

هههههههههههههههههههههههههههههههههههههههه

نور والجديد

كلهم زي الفل

بلاش بابا خليها نويل بس

هههههههههههههه

انت بتقول فيها يا مودى والله فعلا الموضوع نووووووووووووووووووور

لدرجة ان الكهربا قطعت فى البلد

عمو سويت عندنا
يامرحبا يامرحبا

بجد بجد فينك ياابنى

ياريت ترجع تشارك تانى يا سويت والله المنتدى ناقصك
وبعدين انا مش لاقية حدارخم علية

مساطيل مش عارفين يعملوا ايه قرروا يتخيلوا نفسهم سجاير و يحاولوا يطفوا السيجاير دى واحد راح تحت المية وقال تيش انا اتطفيت ووااحد جاب الشبشب وضرب على دماغة و قال انا اتطفيت وفى واحد رما نفسه من البلكونة نزل على واحد تانى مسطول قال ...احرقونا بقا






ههههههههههههههههههههههههه

النكته دى مالهاش حل يا نور


بجد جاااااااااااااااااااااامده جدا

ههههههههههههههههههههههه

حلوين اوي يا نور


وفي حاجة غريبة ايه دة سويت جه تاني

شكرا عقرب بس مالهاش حل لية
متاكد انك دورت فى سلاح التلميذ كويس

وشكرا سهر على المرور

شكرااااااااااااا ليكى يانور

شكرا لميس ونبض


ومادو ومودى اكشن تانى مرة