من وجهة نظرك من هم أفضل أعضاء بالمنتدى؟

السلام عليكم ورحمة الله وبركاته
الأخوة الكرم ... في رأيكم من هم أفضل أعضاء بالمنتدى؟

بالنسبة لي في رأيي المتواضع:

عاطف ... بصراحه ممتاز في النقاش حصل علي تقدير 10/10
جولدن فلاور ممتازة أيضاً في النقاش حصلت علي تقدير 10/10
البلبل الشادي جيد جداً وحصلت بالنسبة لي علي تقدير 9/10
كنزي جيده جداً وحصلت علي تقدير 9/10
العقرب العجوز المبرمج حصل علي 8.5/10

التقديرات هي مجرد وجهة نظري الشخصية

زائر

كلهم تمام اخر حاجه معادا

دعاء النصابه

وسمسمه المفتريه

وسعد عشان بيزعل ناس كتير منه

هههههههههههههههههه
عارف يا سعد .. عمر ماحد غيرك يقدر يعمل الموضوع ده
و حتى لو انا جاتلى الفكره دى عمرى ما هعملها !

ثانيا
انت طبعا قولت انها من وجهه نظرك الخاصه .. يعنى ماحدش ابدا يقدر
يناقشك لانك قولت دى وجة نظرى الشخصيه
بس انا لاحظت انك بتقيم الناس على مهاراتهم فى النقاش
مع ان الانسان حاجات كتير اوى غير النقاش .. يعنى عمر ما كان النقاش هو
الجانب اللى على اساسه نقوم بتقييم حد .. ده مجرد رايى
و شكرا انى موجود فى افضل 5 من وجهة نظرك الخاصه

انت شخصيه غربيه اوى

انا ؟ !

تقصدينى انا يا لوجى ؟

لوجى كتب:: انت شخصيه غربيه اوى

أنا ياعم مش انت

[ندعوك للتسجيل في المنتدى أو التعريف بنفسك لمعاينة هذه الصورة]
ولكن ماهو وجه الغرابة

=============
في موضوع برده زي موضوعي بس الفرق اني حطيت اكتر من عضو .. مشفتش يعني تعليق سيادتك علي شخصية مودي كاتب الموضوع!!
[ندعوك للتسجيل في المنتدى أو التعريف بنفسك لمعاينة هذه الصورة]

ده اللي انتو شاطرين فيه ... تغيير مسار اي موضوع .. ايه دخل شخصية سعد بالموضوع ده!!!

السلام عليكم
يا شباب الموضوع عادى كالعادة سعد بيحمس او بيسخن الموضوع وبيمشى
بس معذرة يا سعد
وجه نظرك دى تخصك وحدك وعلى فكرة فيه اعضاء كتير جدا اكتر من ممتازة فى النقاش
بس السوال هنا؟؟؟؟؟؟؟؟؟؟؟؟؟؟؟
لحضرتك؟؟؟؟؟؟؟؟؟؟
انت بتقيم على اساس ايه النقاش والجدل؟
على اسا س مقدار التحاورات وعرض الاراء
والكلام الكتير اللى بنكتبه فى الردود
والذى معظمه لا يودى الى نتيجة مثمرة
ماذا تعنى بالنقاش من وجهة نظر حضرتك؟
انا ارى عامة ان النقاش
اولا ليس فرض اراء ولا نظريات
ثانيا التحاور الحضارى وعدم الاعتراض على اراء الاخرين
واحترام ارء الاخرين
ثالثا الحوار والنقاش الحقيقى والشخص الذى يحاورنى
استطيع ان اقول عليه ممتاز فى النقاش
من يستطيع ان يقنعنى بوجه نظره بدون ضغط او غيره
ممكن تكون كلمة واحدة تكفنى ان اقتنع
او تعبير من العضو
وكل عضو فيه ما يميزه عن الاخر بس
لا استطيع ان اقيم النقاش
لان كل انسان يختلف فى طريقة عرضه لرايه وفى اسلوب كلامه وقدرته على الاقناع
حتى لو كان كلامه هزار فهذا يعكس شخصيته
او جاد او غيره
مع ان ليك اراء جامدة
وحوارات ساخنة وجذابة بس مش بتعرف تختار عنوان صح لكلامك
او بمعنى عنوان موضوعك بيكون جذاب لانه مستفز
(يعنى ايه افضل اعضاء بالمنتدى)
كل اعضاء المنتدى هم المنتدى
ومفيش حد افضل من حد بس فيه تفاوت فى القدرات والاراء
وحتى دى ليست بعيب لان ممكن يكون العضو ليس هدفه الجانب الادبى او النقاش
ولكن يستطيع ان ينقاش او يحاور
مغذرة يا اخ سعد
بس اجعلنا نناقش قضايا و احوال مجتمع
لا نناقش فى افضل عضو او غيره
وطبعا دى من وجهت نظرىىىىىىىىىىىىىىىىىىىىىىى
اشكرك يا سعد
وارجو ان يسع صدرك لكلامى ولا ينفذ صبرك
وانا لا انقد موضوعك
بس احب ان ارى موضوعات لسعد اكبر واجمد من كدا
سعد يعنى نقاش وموضوعات ساخنة على ساحة المنتدى
لك منى سلامىىىىىىىىىىىىى
اعتذر على الاطالة

اهلا بالبلبل الشادي

بس معذرة يا سعد
وجه نظرك دى تخصك وحدك وعلى فكرة فيه اعضاء كتير جدا اكتر من ممتازة فى النقاش
أظن أنا قلت كده في البداية .. قلت وجهة نظري الشخصية إن دول الأفضل مش معني كده إن الباقي وحش
برده إيه اللي يزعل في كده!!

بس السوال هنا؟؟؟؟؟؟؟؟؟؟؟؟؟؟؟
لحضرتك؟؟؟؟؟؟؟؟؟؟
انت بتقيم على اساس ايه النقاش والجدل؟
على اسا س مقدار التحاورات وعرض الاراء
والكلام الكتير اللى بنكتبه فى الردود
والذى معظمه لا يودى الى نتيجة مثمرة
ماذا تعنى بالنقاش من وجهة نظر حضرتك؟
إنتي سألتيني وجاوبتي نفسك .. بس أنا ليه إجابة تانيه
النقاش من وجهة نظري هو عرض جميع الأراء دون المساس بصاحب الرأي .. ومن حق أي طرف الإعتراض ونقد رأي الطرف الأخر ومن حق أي طرف الدفاع عن رأيه بأي وسيلة دون تجريح أو تقليل من شأن الكاتب...
لكن هناك موضوعات لايوجد فيها الرأي والرأي الآخر مثل الموضوعات الدينية يجب عرض الدليل..
غير كده سكوته أحسن لأنه هيوصلنا لمرحلة الجدال وده اللي بيوصل أغلب الموضوعات الي مشاده كلامي والسبب عضو جاهل!!

مع ان ليك اراء جامدة
وحوارات ساخنة وجذابة بس مش بتعرف تختار عنوان صح لكلامك
او بمعنى عنوان موضوعك بيكون جذاب لانه مستفز
(يعنى ايه افضل اعضاء بالمنتدى)
انا مقلتش "يعني إيه افضل أعضاء المنتدي" عنوان موضوعي بسيط وواضح جداً أنا قلت " من وجهة نظرك من هم أفضل أعضاء بالمنتدي "
ايه بقي وجه الإستفزاز هنا ... انا إخترت أفضل أعضاء بحب أتناقش معاهم من وجهة نظري الشخصية وكل واحد أكيد ليه ناس معينه بيحب يتناقش معاهم .. انا اخترت مثلا عاطف رغم إنه قال علي رأي من آراي مهزلة أنا مزعلتش لأن ده حقه إنه ينتقد رأيي طالما مجرحش فيه

كل اعضاء المنتدى هم المنتدى
إيه علاقة ده بسؤالي؟!

ومفيش حد افضل من حد بس فيه تفاوت فى القدرات والاراء
كلامك متناقض يابلبل ... وبعدين انا قلت أفضل من ناحية النقاش كنوع من التفاوت

وحتى دى ليست بعيب لان ممكن يكون العضو ليس هدفه الجانب الادبى او النقاش
ولكن يستطيع ان ينقاش او يحاور
هو انا منعت حد من النقاش ...

معذرة يا اخ سعد
بس اجعلنا نناقش قضايا و احوال مجتمع
لا نناقش فى افضل عضو او غيره
وطبعا دى من وجهت نظرىىىىىىىىىىىىىىىىىىىىىىى
ان شاء الله

اشكرك يا سعد
وارجو ان يسع صدرك لكلامى ولا ينفذ صبرك
وانا لا انقد موضوعك
بس احب ان ارى موضوعات لسعد اكبر واجمد من كدا
سعد يعنى نقاش وموضوعات ساخنة على ساحة المنتدى
لك منى سلامىىىىىىىىىىىىى
اعتذر على الاطالة
ان شاء الله بس بدون خناقات

بذمتك انت بطبق النقطة دى

اقتباس :: دون تجريح أو تقليل من شأن الكاتب...

دا انت بتمشى تحكم على الناس راجع مواضيعك كدا هتلاقى اتهمت دا بالجهل والتانى انة متسرع والتالت مش عارف اية

Tiger كتب:

بذمتك انت بطبق النقطة دى

اقتباس :: دون تجريح أو تقليل من شأن الكاتب...

دا انت بتمشى تحكم على الناس راجع مواضيعك كدا هتلاقى اتهمت دا بالجهل والتانى انة متسرع والتالت مش عارف اية

اذيك ياتايجر........
رغم إني عارف ومتأكد ان بعض الأعضاء هيعلقوا علي الجمله دي طبعا انت كنت منهم ياتايجر وخلاص الموضوع تحول من صوره لأخري بس ده قدر موضوعاتي
ياتايجر: في قاعدة شرعية قانونية بتقول " علي المدعي عبء الإثبات " .. وانت ادعيت دور بقي في موضوعاتي وردودي وحطها كدليل إدانة ضدي ( انا مقلتش لحد انت جاهل ولاعمري ذكرت كلمة متسرع )
وعلي ما أعتقد كانت حاجه واحده بس وكانت في حق نسيبه لما قلتلها انتي لسه صغيره وانا إعتذرتلها في رساله خاصة ونسيبه مشكورة قبلت إعتذاري رغم إن سياق كلامي مفيهوش أي تقليل من شأن نسيبه في ردها..
لكن انا لو مسكت لكل واحد هطلع بلاوي من المنتدي .. انا عارف كل رد إتقال في موضوعاتي والموضوعات اللي اتناقشت فيها ... وبرده مش انا اللي أعمل كده
علي العموم شكراً تايجر باشا

يا سعد شهرة سيادتك فى هذا المجال مش مستهلة بينة وبدل انت فاكر كل رد اترد فى موضوعاتك كويس فاكر رد سما لماجبتلك ردودك على كل واحد فينا كان فى نفس الموضع اللى انت قولت فية لنسيبة انك صغيرة واعتقد بردة فى نفس الموضع اتهمتنا بحاجة بس انا مش فاكرة واكيد فاكر معركتك الشهرة مع تلموذ نفس النظام وهكذا دوليك [ندعوك للتسجيل في المنتدى أو التعريف بنفسك لمعاينة هذه الصورة]
ههههههههههههههههه
والله انت حبيبى بجد

وده الدليل ياتايجر علي إعتذاري لنسيبة وكان ردها قمة في الأدب والإحترام

[ندعوك للتسجيل في المنتدى أو التعريف بنفسك لمعاينة هذه الصورة]

ياباشا انا مصدقك من غير اى دليل انا واثق فيك

Tiger كتب:: يا سعد شهرة سيادتك فى هذا المجال مش مستهلة بينة وبدل انت فاكر كل رد اترد فى موضوعاتك كويس فاكر رد سما لماجبتلك ردودك على كل واحد فينا كان فى نفس الموضع اللى انت قولت فية لنسيبة انك صغيرة واعتقد بردة فى نفس الموضع اتهمتنا بحاجة بس انا مش فاكرة واكيد فاكر معركتك الشهرة مع تلموذ نفس النظام وهكذا دوليك [ندعوك للتسجيل في المنتدى أو التعريف بنفسك لمعاينة هذه الصورة]
ههههههههههههههههه
والله انت حبيبى بجد

أولا ياتايجر انا مفيش خلاف أو زعل بيني وبين حد ثانياً انت بتدعي شيء معين وبعدين تقول بدون بينه ...
بخصوص رد سما أظن أنا رديت عليه وتلموذ برده رديت عليه والحمد لله مغلطتش فيه ... طالما كلامك مرسل بدون دليل
انا هدور علي الدليل بنفسي ... ومع ذلك مش هعتبر الموضوع ده تصفية حسابات لأني عمري مازعلت من حد في المنتدي بل علي العكس ببقي مبسوط جداً لما يبقي في نقاش جاد زي نقاشي مع عاطف
إنتظرني ياتايجر باشا

عدنا لتايجر اللي تاعبني
=============
ده كلام سما:
--------------------------
انا ليا تعليق مش على الموضوع
بس على طريقه تعامل الاخ سعد مع الاعضاء
الكلام اللى انت بتعملوا دا مش ينفع
انت لو عضو رد رد مش يعجبك بتغلط فيه ودا مش ينفع
والله لو مش عاجبك رد متعلقش عليه
مش تنتقد صاحب الكلام
احنا بقالنا حوالى سنه واكتر مع بعض على المنتدى دا عمرى ما شوفت عضو
استهزاء برأى عضو من الاعضاء
كل الاعضاء هنا اخوات لما ميعجبنيش رد
بحترم صاحب الرأى لانه كل واحد حر فى رأيه
مش معنى انك صاحب الموضوع يبقى انت صاحب الرأى الراجح
وان المفروض كلنا نقول عليه حاضر
لو حد رد رد مش يعجبك الافضل ليك انك متردش بدل ما تجرح فى حد
زى ردك على كلام نسيبه وتايجر وتلموذ
------------------------------

وده ردي عليها :
-----------------------------

طيب ياسما لو سمحتي ممكن تعملي موضوع تاني وتنتقديني زي ما انتي عاوزه ..
مش عارف انتي داخله فيه شمال ليه ... علي العموم ياستي كل اللي قلتيه ده
افتراء ومش حقيقي

-----
الكلام اللى انت بتعملوا دا مش ينفع
هو انا عملت ايه؟؟
---------
انت لو عضو رد رد مش يعجبك بتغلط فيه ودا مش ينفع
اظن ده محصلش والاعضاء شاهدين .. وقلت ان مش زعلان من تايجر والراجل قال رأيه وانا قلت رأيي .. انا زعلان من غلق الموضوع فقط والموضوع اتفتح والموضوع انتهي
---------
والله لو مش عاجبك رد متعلقش عليه
اظن الكلام ده مش ليه للناس اللي ردت في غير الموضوع بتعليقات ملهاش لازمه ومخالفه للقوانين -- راجعي موضوع اللي اوله شرط اخره نور البند 2
-----------
مش تنتقد صاحب الكلام
محصلش في حياتي اني انتقدت صاحب موضوع
-----------
احنا بقالنا حوالى سنه واكتر مع بعض على المنتدى دا عمرى ما شوفت عضو
استهزاء برأى عضو من الاعضاء
برده انا مستهزأتش برأي حد .. وبعدين لو علقت علي رأيه برده رأي مقابل رأي ...عادي يعني
----------
كل الاعضاء هنا اخوات لما ميعجبنيش رد
بحترم صاحب الرأى لانه كل واحد حر فى رأيه
مين قال اننا مش اخوات وانا بحترمكم جميعا بل علي العكس اقرب ناس ليه اللي بتوجهني وانا مبسوط من كلامك ده
-----------
مش معنى انك صاحب الموضوع يبقى انت صاحب الرأى الراجح
وان المفروض كلنا نقول عليه حاضر
محدش قال كده والموضوع ده لو راجعتيه خير دليل في ناس مقتنعه زي ساسو ونور وسويت واحمد وانا
وفي غيرهم مش مقتنعين بكلامي زيك وانا مسلم وعاطف ونسيبه
----------
لو حد رد رد مش يعجبك الافضل ليك انك متردش بدل ما تجرح فى حد
زى ردك على كلام نسيبه وتايجر وتلموذ
اظن الكلام ده ليهم مش ليه .. اما موضوع التجريح انا مجرحتش في حد وانا مستعد اتحاسب علي كل كلمه غلط واعتذر عنها كمان لكل واحد
-----------------------------------------------------

كلام تلموذ وردي عليه:
------------
أنا بجد لو مش مشغول ف الامتحانات انا كنت عرفتك مين تلموذ
والله ياتلموذ وبدون تريقه -- انا اتشرف بمناقشتك.. بحترم الشخص الواثق من قدراته

بس هو واضح كده انك أول مره تشارك ف منتديات او اول مره تدخل ع النت
في دي بقي طلعت غلطان انا بشارك في المنتديات من 4 سنين ومؤسس لمنتدي من سنتين اعضاءه اقترب من 100 الف
وبدخل علي النت وانت عمرك كده 12 سنه

انا ممكن أرد عليك بأسلوبك
وأئولك انك مبتعرفش تكون اجتماعي ومتغطرس شويه وشايف نفسك حبتين وفاكر نفسك حاجه
لكن انا مش كده ومش هتبع اسلوبك ف الحوار الباطل بتاعك ده
جزاك الله خيرا ..ده مش اسلوبي .. كل إناء ينضح بما فيه .. وانت كده ارتحت وكويس انك فضيت اللي جواك

بس كنت عاوز اعرفك اني فعلا كنت بحترمك ف الكليه
وليه كنت ؟ كلامك ده والله حببني فيك اكتر .. ومأثرش فيه خالص

لكن للاسف انت المفروض ودي نصيحه اخويه بجد والله المفروض تنزل تتعامل مع الناس كده وتشوف اسلوب التعامل ازاي
معاك حق في النصيحة .. بس انت متعاملتش معايه .. مش شايف ان حكمك قاصر شويه؟؟

ممكن تاخد درس
ممكن تعتمد علي نفسك
ممكن تتبع دروس التنميه البشريه
انا بقرأ في التنمية البشرية من 3 سنين .. وبقيت مبسوط جدا لما لقيت القسم ده موجود قلت ناس بتفهم يعني ايه الرأي الاخر .. بس انا شايف انك مستحملتش كلمه قلتها علي ردك !!

ممكن تدور ع النت
بص دي مشكلتك انت
وانا لو لئيت دروس هبعتهالك
اكون سعيد جدا وفي انتظارك
اما بالنسبه لردي البارد زي ما سعتك تكرمت ووصفته كده
فدا لانك مفهمتش معني الجمله الي انا ئولتها
انت خالفت القوانين مش انا .. راجع البند رقم 2 كويس جدا

وانا مستغرب ان المشرفه ع القسم ده ليه محذفتش الموضوع اساسا مش لمحتواه لا
بل لان سعد هو الي حاطه
ليه يابني هو انا وحش للدرجه دي
(هو اي حد يحط موضعو نقول امين)
جزاك الله خيرا علي التلميح
المشكله ف الناس الي ردت اساسا
كانت وجهة نظري فيك
كنت افضل انها تكون بيني وبينك بس هنقول ايه غير .. جزاك الله خيراً
وياريت متزعلش لان خت عنك فكره انك بتحب كده
بحب ايه مش فاهم
===============

عارف السبب إيه بقي ياتايجر الرد ده:
-------------------------
والله حاجه عجيبه نادرا لما بشوفها في المنتديات .. ياجماعه اللي معندوش رد السكوت له افضل
---------------
ردك ياتلموذ فقعلي مرارتي!!
------------------
من الاخر كده ... ياريت نلتزم بالقوانين وتحديدا البند رقم 2 .. ورجاء محدش يرد الا علي الموضوع علشان نبقي منظمين
------------------
2- عندَ طرحْ موضوعْ للنقاشْ الردودْ لابدُ أنْ تكونْ بطبيعة الحالْ تحوي .. نِقاشْ , إِبداءُ رَأي , وِجَهة نظرْ
تِأيِيدْ أو مُعَارضه وهكذا .. والبعد عن السطحية بتِلك الردودُ البَارِده التي لا تُثري المُوضوعْ
لأنَهُ فِي حَالْ إنِ ْوجِدتْ سَيكونُ مَصِيرُها الحذفْ ..
فَـ الرَجاء الإهتِمامْ بِهذِه النُقطَه كَثِيراً..
-----------------------

ياريت ياأخ تايجر تطلع غلطاتي

بسم الله الرحمن الرحيم
انا بالنسبه للموضوع ده مش شايف سعد عمل حاجه كبيره
الراجل قال من وجهه نظره الشخصيه
عادى يعنى
ومافيهاش حاجه لما يقيم الاعضاء
وبعدين هو حدد
العضو مثلا وليكن عاطف
فى النقاش عجبه
فده رايه
وبامانه انا حسيت انكو بتهجوه عشان مواضيع فاتت
والموضوع ده مافهوش اى حاجه خالص
ومافهوش حاجه تزعل
اى حد من الاعضاء من وجهه نظره
شايف ان فى اعضاء مميزه
وحتى لو رجعتو اسئله كرسى الاعتراف بتاع عقرب
كان بيسالوه من هم افضل الاعضاء فى وجهه نظرك وهو رد
وتقريبا قال نور ودعاء وفى كذا حاجه معينه
يعنى مثلا
مين انشط عضوه
هو قال نور
انا مش متذكر فعلا بس الاسئله تقريبا معظمها بتبقى كده
وعادى ماحدش اتكلم
واخيرا
فعلا المووع مافهوش اى حاجه
والراجل مغلطشى

ياجماعة الموضوع مش مستاهل كل ده السؤال عادى وعلى فكرة لما بيبقى فى حد على كرسى الاعتراف بسالوه مش عارف مين احسن عضو واسم احلى عضو و العضو اللى مش عارف ايه .... الخ الراجل سال سؤال اللى عايز يشارك يجاوب مش عايز خلاص مش تقلبوها معركة بقى وفى وجهة نظرى افضل اعضاء المنتدى
عاشق الارسنال وراؤول عشان صاحبى
والسلام ختام

السلام عليكم

يا جماعه الموضوع واخد اكبر من حجمه [ندعوك للتسجيل في المنتدى أو التعريف بنفسك لمعاينة هذه الصورة]

أنا مش شايف سعد غلطان دلوقت خالص

عنوان الموضوع
من وجهة نظرك من هم أفضل أعضاء بالمنتدى؟

ايه الصعب فى فهم العنوان ؟؟؟؟ [ندعوك للتسجيل في المنتدى أو التعريف بنفسك لمعاينة هذه الصورة] كل عضو عنده 3 خيارات

إما العضو يدخل يشارك لو عنده مشاركه يقول رأيه

اما العضو يتفرج ويخرج وخلاص

إما العضو يشتكى للإداره لو الموضوع فيه حاجه غلط او الموضوع مش فى مكانه الصحيح

غير كدا مش من حق حد يرد عشان يبقى اسمه رد وخلاص زى ناس كتير فى المنتدى

بدون ذكر اسماء بيردوا اى ردود وخلاص واهوا بالمره مشاركاتهم تزيد

مش احسن من المواضيع التافهه اللى ماليه المنتدى لأ ومحطوطه فى قسم النقاش الجاد

هتتجوز مين؟؟ هتتجوز منين ؟ هتتجوز بكام؟؟؟؟؟ عايزها بيضه ولا سمره ؟؟؟؟؟؟

يا جماعه شوفوا الاقسام بتاعة المنتدى ؟؟؟؟؟ المنتدى اسمه it - club

مع ان الاقسام العلميه فيه بتنش!!!!!! واحلى اقسام شغاله الالعاب الكتابيه والتهانى والهزار والهىء والمىء

على فكره دى الحقيقه عاشق وانا من افضل الاعضاء

عشان لا بنحش ولا بنضيف مواضيع

وانا مشرف اوطنه

والله بجد

هو يقصد احنا افضل الاعضاء بس بالعكس يعنى

انما احنا لاافضل الاعضاء ولا غيره

ههههههههههههههههه

هههههههههههههه

حراااااااااام عليك يا سعد اجرى وراك فى كل المنتدى كدة يعنى
تعبتنى ياابنى والله
كل شوية كدة

عامة
انا هقول رايى بصراحة
وهاحلف القسم قبل مااقولة علشان هتحاسب علية
بسم الله الرحمن الرحيم

انا شايفة يا جماعة ان سعد ما غلطتش بجد عادى منزل موضوع عادى جدا
ممكن اى حد ينزلة وهو قال عنوان الموضوع من وجهه نظرى يعنى اختلاف اراء
ومش معنى ان اختار ااعضاء يبقى الباقيين كخة لا طبعا بس هو دا راية
واحنا ياجماعة فى منتدى حوراى يبقى لازم نحترم اراء التانين
وكمان على راى سعد ما مودى كان عامل للعقرب اشمعنى ما حدش اضايق
كمان على راى الاخ رائول والاخ العاشق الى بحترمة جدا

ما كنا بنسال فى كرسى الاعتراف عادى ومش كنا بنضايق
فانا رايى ان سعد عادى مش غلط ومش قال حاجة تزعل وياريت ننسى الى فات ونعامل كل انسان باللى بيعملوا دلوقتى

فانا رايى بجد ان سعد عادى تمام فى الموضوع دا عادى
هو بس عيب سعد انة ساعات مش بيعرف يوصل الى عاوزة بطريقة تتناسب مع الى بيتكلم معاة
فعلشان كدة كتييييييير بيتفهم غلط
فياريت يا جماعة نوسع الجمجمة شوية ونكبر علشان ااحنا هنا فى منتدى حوارى ومفروض كل واحد يحترم راى التانى
وشكرا سعد على الموضوع وموضوعك راااااااااااائع كالعاااااااااااااااااااااادة

ليا نقطة بس اسال عاطف عليها
اية الهىء والمىء
والله ضحكتنى بيها
عاطف انا سمعت عن مصادر لامن الدولة انهم هيصدروا الاسلحة بتاعتك
وعرفوا مركزك فين بالظبط حاول تستخبى اليومين دول والله

وسلام يا جماعة اارجو ان يكون كلامى خفيف عليكم

والله العظيم معاك حق ياعاطف

فعلا الاقسام العلميه

بتهش وتنش

ومواضيع الالعاب والهىء والمىء كتير

وللاسف انا مابدخلشى ارد الا فى الالعاب بس ده ليه لان المنتدى كله كده اساسا

وبجد انا لو حسينت ان حد عايز يتعلم من المنتدى لكنت حاولت اعلم الناس الى اعرفه

بجد بس للاسف فى كلمه مره قالها امير الزمان كله بيجامل كله

يعنى فى ناس ممكن تجامل عضو ورد عشان ماتزعلوش مع ان ده غلط

وبرده انا واحد من الناس دى وبذكر نفسى بس بامانه دلوقتى مابقتشى اعمل كده

ومائه مره عملنا اجتماعات وحولنا نغير انما يبقى الوضع كما هو عليه

مافيش حاجه بتتغير

المنتدى هو هو

نخليه ترفيهى احسن

اية يااخ رائد دا خل فينا شمال كدة بالراحة على نفسك شوية guns

ماحدش يحوشنى لو سمحتم boxing

طيب ما بدل ما نتكلم كدة نفكر تانى ونقلبة علمى تانى بدل ماانت وامير اسهل حاجة
الهروب ومش بتدخلو ا
ومافيش حاجة بتتعدل من اول مرة
ومش طلعنا القمر اول ما شافناه
لا تعبنا كتير علشان نطلعة
فاهمنى

اهلا نور فينك من بدرى انا قلت هخش هلاقيكى هنا انا عارف ان الحاجات دى ما تفوتكيش احنا عارفين ان اراءك رنانة
وانا كمان بحترمك والله الاحترام متبادل يعنى

على فكره سعد غلطاان من ساسه لراسه

!!!!!!!!!!!!!!!

ويستاهل كل اللى يجراله clap2

.
.
.
.
.

.

.
.

لانه نسى يذكر بقيت المميزات اللى فيا واكتفى بالنقاش بس laughing

!
!
دا كلام ؟؟؟

شكرا عاشق انا هنا ااهو

ومميزات ااية يا عاطف انت بتحلم ولاااية يياابنى دا كتب اسمك غلطة
كان عايز يكتب نور الكهربا قطعت راح كتب عاطف بدالها
اجرى نام اجرى
قال مميزات قال
هههههههههههههههههه

بهزر يا عاطف اوعى تتضايق