مادو

موضوع: مادو الثلاثاء مايو 05, 2009 7:49 am

مادو

علي

كرسي الاعتراف

قوانين كرسي الاعتراف

موضوع: رد: مادو الثلاثاء مايو 05, 2009 7:51 am

منور يا برنس الكرسي

وقعت ومحدش سمي عليك

اسيبك للي هيحصلك وارجعلك بعد عودة جهازي بقي

موضوع: رد: مادو الثلاثاء مايو 05, 2009 1:39 pm

ايه يا عم طائر

المفاجآت دى

قريبى بقى

بس

ربنا يستر

موضوع: رد: مادو الثلاثاء مايو 05, 2009 10:24 pm

اهلا اهلا اهلا اهلا بالباشا

فالاول كده

عرفنا بنفسك ..
اسمك
و سنك
و مكان اقامتك
و هوايااتك
و مواهبك
و ميولك
و امنياتك ...... ؟

موضوع: رد: مادو الثلاثاء مايو 05, 2009 10:36 pm

اهلا بيك يا مادو امانشوف انا يانت

زائر

منور والله يا مادو

ونرجعلك بعد ما تجاوب ع العقرب

موضوع: رد: مادو الثلاثاء مايو 05, 2009 11:31 pm

اقتباس :

اهلا اهلا اهلا اهلا بالباشا

اهلا بيك يا عقرب

اقتباس :

عرفنا بنفسك ..

انا احمد باشا الرخ

19 سنه

من سرس الليان

بحب كرة القدم

اقتباس :

و امنياتك ...... ؟

واتمنى طبعا ان اكون موفق فى شغلى

اخرج من الجيش

وبعد كده بقى نكمل نص دينا

والولاد يطلعوا كده نابغه

ويكون ليهم شان بالمجتمع

اقتباس :

اهلا بيك يا مادو

اهلا بيكى يا ضوء

براحه علينا بقى

اقتباس :

منور والله يا مادو

ده نورك يا نبض

اقتباس :

ونرجعلك بعد ما تجاوب ع العقرب

ادينى جاوبت

موضوع: رد: مادو الأربعاء مايو 06, 2009 1:20 am

منور والله يامادو

ربنا معاك
هههههههههههههه

هجهزلك الاسئلة وارجعلك

موضوع: رد: مادو الأربعاء مايو 06, 2009 2:17 am

ده نورك يا دعاء

انا مستنى

موضوع: رد: مادو الأربعاء مايو 06, 2009 5:30 am

انا جييييييييييييييت

ومعايا الاسئلة

أكتر موقف محرج حصللك

أغرب إحساس عيشتو سواءً كان مفرح أو محزن

أصدق إنسان قابلتو في حياتك

أكتر ما يزعجك بالمنتدى

تؤمن بان الصراحة المفروض استخدامها في كل المواقف ولا بعض المواقف المحددة تحتاج للمجاملة ؟

احداث حصلت ليك فى حياتك يمكن كانت محزنة بس أعطتك دروس فى الحياة؟

ماهو أكثر شيءتخشــاه بالحياة ؟

كفاية عليك كدة

موضوع: رد: مادو الأربعاء مايو 06, 2009 5:46 am

مادو

يامرحبا يامرحبا

منور يامادو

هجبلك اسئله وارجعلك

موضوع: رد: مادو الأربعاء مايو 06, 2009 5:59 am

اقتباس :

انا جييييييييييييييت

اهلا وسهلا

أكتر موقف محرج حصللك

والله وانا فى الابتدائى

كنت قاعد طبعا فى الفسحه ولسه عيل بقى مسكت الحبر بتاع القلم وقعدت الون على السيراميك بتاع المدرسه وانا قاعد لاعليا ولا بيه لاقيت المديره ورايا

تعالى بقى ده انت مش عارف ايه اللى هيحصلك
وفى الطابور بتاع الفسحه خدت 6عصيان لا حول ولا قوة الا بالله

المحرج ان كان اخويا الكبير معايا وطبعا قال للى فى البيت

وخدت علقه كمان

أغرب إحساس عيشتو سواءً كان مفرح أو محزن

والله لما خلصت لان كان فى ناس كتير عرفتها فى فتره الدراسه
وللاسف مبقاش حد يسال دلوقتى

فحزين طبعا

أصدق إنسان قابلتو في حياتك
اممممممممممممممم

الطائر

هو ليه بعض المواقف كده بس طبعا
اخويا بقى
لا وصريح زياده عن اللزوم

أكتر ما يزعجك بالمنتدى

ان الناس تكون زعلانه منى

تؤمن بان الصراحة المفروض استخدامها في كل المواقف ولا بعض المواقف المحددة تحتاج للمجاملة ؟

بعض المواقف ممكن المجامله فيها
على حسب الشخص اللى قدامك

احداث حصلت ليك فى حياتك يمكن كانت محزنة بس أعطتك دروس فى الحياة؟

فى ناس من اصحابى كنت فاكرهم كويسين وكنت بحكيلهم على حاجات كتير

لكن للاسف مطلعوش زى ما كنت متوقع منهم

اتعلمت ان اعرف الناس كويس قوى قبل ما اديهم اسرارى

ماهو أكثر شيءتخشــاه بالحياة ؟
الفشل

كفاية عليك كدة

هههههه
ماشى

موضوع: رد: مادو الأربعاء مايو 06, 2009 6:01 am

نبدا بقى

1.موقف حصلت مضحك
2.وموقف عمرك ما هتنساه
3.وايه هو حلم طفولتك

4.درس الدنيا ادتهولك وعمرك ماهتنساه ابدا مهما مر العمر؟

5. فن النسيان سعاده.........ما الذى تتمنى نسيانه؟؟

6- اصعب قرار اخدته كان ايه ؟؟ وليه شايف انه صعب؟؟

7. حكمتك في الحياه ؟

8.هل حققت هدفك بالحياه حتى الان؟

9.هل ندمت على قرار اتخذته فى حياتك؟

10.هل انت قد المسؤليه؟

11.هل تشعر بالملل؟

12.هل تتقبل النقد الصريح جدا؟

كفايه عليك كده

موضوع: رد: مادو الأربعاء مايو 06, 2009 6:21 am

.موقف حصلك مضحك

وانا فى الثانوى
كان عندانا استاذ الانجليزى وكان الناس كلها مخنوقه منه
وفى يوم اتنين من زمايلنا خلوه بيكتب على السبورة راحوا راميين ديناميت عليه
بص وراه وقال مين اللى عمل محدش رد
قال المجموعه اللى ورا دى تقف
طبعا الطائر كان معانا
مين اللى عمل محدش راضى يقول
قالوا قدامكم بكرة لو مقلتوش على اللى عمل هنرفدكم
الطائر قالنا انا وكام واحد هنروح بكرة للمدير ونقوله على اللى عمل قلتله ماشى
عملت حركه نداله طبعا ومروحتش
ودبسته
بحجه ان انا تعبان

2.وموقف عمرك ما هتنساه

فى الابتدائى

كان اخويا الكبير معايا
كنت فى سنه اولى لسه
وبعد حوالى شهر من دخولى المدرسه قبلتى اخويا فى الفسحه وقاللى متيجى نمشى يا ابنى بلاش

يا عم يالا هو حد شايفنا

بيضحك عليا

واحنا مروحين يا معلم لاقيت عمى رايح فين انت وهو تعالى

روحنا البيت عندنا وراح ضربنى قلمين

جاى يضرب اخويا ملقهوش وراه

بندور عليه لاقيته راح المدرسه

3.وايه هو حلم طفولتك
ان اكون ناجح فى حياتى

4.درس الدنيا ادتهولك وعمرك ماهتنساه ابدا مهما مر العمر؟
لا لاثق فى اى شخص بسهوله
5. فن النسيان سعاده.........ما الذى تتمنى نسيانه؟؟
لا مش متذكر دلوقتى

6- اصعب قرار اخدته كان ايه ؟؟ وليه شايف انه صعب؟؟

لا مفيش

7. حكمتك في الحياه ؟
كما تدين تدان
8.هل حققت هدفك بالحياه حتى الان؟
نصف المشوار
9.هل ندمت على قرار اتخذته فى حياتك؟
لا الحمد لله
10.هل انت قد المسؤليه؟
الحمد لله
دلوقتى قدها وقدود

11.هل تشعر بالملل؟
احيانا
12.هل تتقبل النقد الصريح جدا؟
لو كان بناء اتقبله بصدر رحم

زائر

ايه يا مادو

هي الناس اللس عندكوا دي مش كانت بتبطل ضرب فيك

مش كانوا لاقيين غيرك ولا ايه غشان يضربه فيه

بس شكلهم كده مفيش حد طايقك

ايه ده يا بني

مستحمل ازاي

موضوع: رد: مادو الأربعاء مايو 06, 2009 6:31 am

هههههههههههه

الصغير بقى
بس

لانى مكنتش بسمع الكلام

كنت عندى قوى

زائر

كنت عندي

يعني الحمد لله دلوقتي ربنا
هداك وبقيت تسمع الكلام

ولا بتسمع الكلام اللي ع مزاجك بس

موضوع: رد: مادو الأربعاء مايو 06, 2009 6:35 am

اقتباس :

ولا بتسمع الكلام اللي ع مزاجك بس

لا بسمع

مش مستعد

لايام زمان

زائر

كويس ان الناس تتعلم
من اخطائها
بس العند فعلا حاجه رخمه اوي

وانا مشكلتي اني عنيده جدا جدا جدا جدا

بس مع ماما بس

بس بيكون ع سبيل الهزار ورفع الضغط

غير كده
no

عفوا انا لسه بدور ع اسئله

موضوع: رد: مادو الأربعاء مايو 06, 2009 6:42 am

فعلا العند مش كويس

خلاص يا ريت

لما تجيب الاسئله

لاحسن الموضوع يتقلب شات

زائر

خلاص
عشان محدش يزعل ويقول اني بقلبه شات

المهم انا جبت شويه اسئله كده ع الماشي

1_ ياتري فيه امنيه كان نفسك تحققها وقدت الامل انك تحققها؟

2_بتحب اي نوع من الورد؟
وتهدي لمين اجمل ورده؟

3_ايه رأيك في الندم؟وياتري جربته قبل كده؟

4_ممكن ترتبط ببنت حبيتها وعرفتها ولا هتقول
ما ارتبطش ببنت مشيت معاها؟

5_لو البنت اللي هترتبط بيها فيها الصفات دي
"واضحه جدا وبسيطه جدا وطيبه جدا"
تنصحها بانها تكون زي ما هي كده ولا تقولها عايزك كده بس من غير جدا
" واضحه وبسيطه وطيبه"

6_لو غلطت في حق حد وجيت تعتذر لاقيته بيقولك
"مش متعود افتكر لك غير الحاجه الحلوه بس وانه مش زعلان منك"
هيكون ايه احساسك تجاهه ورأيك فيه؟

7_ايه هي اجمل صفاتك؟ وايه هي الصفات اللي مش بتحبها في شخصيتك ونفسك تغيرها؟

8:ايه الحاجه اللي دايما قلقاك؟

9:في زمن البحث عن الماده عما تبحث انت؟

10:مين الانسان اللي من فتره طويله مش قابلته ونفسك تشوفه؟

كفايه كده عليك

موضوع: رد: مادو الأربعاء مايو 06, 2009 7:34 am

1_ ياتري فيه امنيه كان نفسك تحققها وقدت الامل انك تحققها؟
الامنيه ان اكون ناجح فى حياتى
والحمد لله بعض منها اتحقق وان شاء الله نكمل المشوار

2_بتحب اي نوع من الورد؟
الورد الاحمر
تعبر عن الحب..الصلة القريبة من الروح..الشجاعة..الجرأة
اسمع عنها كده

وتهدي لمين اجمل ورده؟
لمراتى فى المستقبل

3_ايه رأيك في الندم؟وياتري جربته قبل كده؟
والله الندم ده شىء انسانى بيحصل لما نحس ان احنا
عملنا شىء مكروه

لا مجربتوش

4_ممكن ترتبط ببنت حبيتها وعرفتها ولا هتقول
ما ارتبطش ببنت مشيت معاها؟
والله ما دام انا حبتها وعرفتها وعرفت اخلاقياتها
لا يوجد ما يمنع انى ارتبط بيها

5_لو البنت اللي هترتبط بيها فيها الصفات دي
"واضحه جدا وبسيطه جدا وطيبه جدا"
تنصحها بانها تكون زي ما هي كده ولا تقولها عايزك كده بس من غير جدا
" واضحه وبسيطه وطيبه"

لازم طبعا تكون واضحه جدا معايا
بسيطه
طيبه جدا

6_لو غلطت في حق حد وجيت تعتذر لاقيته بيقولك
"مش متعود افتكر لك غير الحاجه الحلوه بس وانه مش زعلان منك"
هيكون ايه احساسك تجاهه ورأيك فيه؟

هكون فى قمه الخجل

رايى فيه ان انسان كويس قوى
ويكون صديقى بجد وزى اخويا

7_ايه هي اجمل صفاتك؟ وايه هي الصفات اللي مش بتحبها في شخصيتك ونفسك تغيرها؟

اجمل صفاتى الطيابه وقلبى ابيض

الصفات اللى عايز اغيرها انى بزعل بسرعه قوى

8:ايه الحاجه اللي دايما قلقاك؟
لتانى مره بقول الفشل

9:في زمن البحث عن الماده عما تبحث انت؟

عن النجاح فى حياتى

10:مين الانسان اللي من فتره طويله مش قابلته ونفسك تشوفه

ههههههه

بنت اختى

موضوع: رد: مادو الأربعاء مايو 06, 2009 7:56 am

اهلا اهلا اهلا ماااااااااااااااااادو

منور والله الكنبة
هاروح اجيبلك الاسئلة واجى انتظرنى
ويييييييييييييييييييييييييت مىىىىىىىىىىى
يعنى انتظرنى بالانجليزى

موضوع: رد: مادو الأربعاء مايو 06, 2009 9:46 am

احمد باشا
صديقى و زميلى

انا اكيد اسالى هتختلف عن الغير .. انا اعرفك من زمان
و كنا مع بعض فى الثانويه العامه ..
المهم

1- العقرب بتاع الثانوى اختلف عن العقرب بتاع الكليه ؟
2- لو فيه اختلاف هيبقى للاسوا و لا للاحسن ؟
3- كنت تتوقع انى هدخل علوم .. و لا كنت معتقد انى هادخل كليه تانيه ؟
4- ايه رايك لما كنت بقلب حصة الفيزياء تهريج و هزار و كوميديا .. انا كنت عسل صح
؟
5- ايه رايك فيا و انا حارس مرمى فى اخر مره لعبنا فيها فى النادى ؟
6- اول جون دخل فينا فى اول ماتش اللى سويت جابه فيا .. كان غلطة مين فيا ؟
7- العقرب فى المستقبل هيبقى حد ناجح ... و لا اى كلام ؟
8- انا حاسس انى هبقى من اغنى 10رجال فى مصر ... اصرف نظر و لا انت ايه رايك ؟
9- ايه وجة الشبه بين العقرب و الطائر ؟
10 - ايه وجة الاختلاف بين العقرب و الطائر ؟
11- اجمل موضوع قريته فى المنتدى .. كان بتاع مين و اسمه ايه ؟
12- ايه القسم اللى بتحب تشارك فيه باستمرار ؟
13- عاوز نرجع شات للمنتدى و لا لا ؟
14- نفسك تشوف مين من اعضاء المنتدى ؟
15 - عاوز ترجع تدرس تانى ؟؟
16 - ايه اللى عاجبك فى المنتدى هنا ؟
17 - امتى حسيت بذكائك ؟
18 - امتى حسيت عكس السؤال اللى فات ؟
19- اخر مره بكيت .. كانت امتى ؟
20 - تفتكر مين اللى هيفوز بالدورى الموسم ده ...؟؟

اكيد هاسالك تانى

اجمل الامنيات

اخوك محمود

موضوع: رد: مادو الأربعاء مايو 06, 2009 10:48 am

الكنبه منورة باصحابها يا نور

هههههههههههه

1- العقرب بتاع الثانوى اختلف عن العقرب بتاع الكليه ؟
الصراحه انت زى ما انت خفه الدم الهزار
انسان محترم وطيب

يعنى متغيرتش كتير

2- لو فيه اختلاف هيبقى للاسوا و لا للاحسن ؟

اعتقد انه للاحسن
لان كل ما بنكبر بنتعلم حاجات كتير
ولو فى اخطاء زمان بنحاول نتفاداها دلوقتى
فاعتقد ان التغيرللاحسن

3- كنت تتوقع انى هدخل علوم .. و لا كنت معتقد انى هادخل كليه تانيه ؟
الصراحه لا يا عقرب

انا كنت شايف ان انت هتدخل هندسه او ممكن تجاره

لانك كنت شاطر

4- ايه رايك لما كنت بقلب حصة الفيزياء تهريج و هزار و كوميديا .. انا كنت عسل صح

هههههههههههه

ودى حاجه تتنسى يا راجل

دى كانت الابله .......هطق منك

بس الحصه كانت بتبقى زى العسل فعلا يا حوده والله
كنا باينى بنروح عشان نضحك

ايام بقى

5- ايه رايك فيا و انا حارس مرمى فى اخر مره لعبنا فيها فى النادى ؟
لازم يعنى

اقول على الهوا

لا انت بتقف جون حلو
وعندك رشاقه ............

بس فى اليوم ده كنت متالق جدا

تقريبا مدخلش غير 5اجوان

هههههههههه

لا انت فعلا كنت كويس
6- اول جون دخل فينا فى اول ماتش اللى سويت جابه فيا .. كان غلطة مين فيا ؟
غلطتك يا معلم

نسيت ولا ايه

7- العقرب فى المستقبل هيبقى حد ناجح ... و لا اى كلام ؟
اعتققد ان انت هتبقى ان شاء الله حد كويس وناجح فى حياتك

8- انا حاسس انى هبقى من اغنى 10رجال فى مصر ... اصرف نظر و لا انت ايه رايك ؟
هههههههه

لا اصرف نظر

9- ايه وجة الشبه بين العقرب و الطائر ؟
اولا الهزار......... بتموتوا فى الهزار
ثانيا............ خفه الدم
ثالثا..........الذكاء
رابعا........اهلاويه

وده اللى غايظنى

خامسا......انتوا الاتنين بالذات حاسس ان انتوا هتبقوا حاجه كبيره فى البلد
اكبر راسين فى البلد

سادسا وده الاهم............الكرم؟؟؟

10 - ايه وجة الاختلاف بين العقرب و الطائر ؟
بص يا سيدى

انا بشوف ان الطائر جاد شويه
بياخد الامور فى اغلب الاوقات بجديه شويه

اعتقد ان انت متكلم عن الطائر
ممكن فى حاجات تانيه
انا مش واخد بالى منها

11- اجمل موضوع قريته فى المنتدى .. كان بتاع مين و اسمه ايه ؟
اذا اردت فاطمه فلا بد ان تكون عليا

بتاع حور الدنيا

12- ايه القسم اللى بتحب تشارك فيه باستمرار ؟
والله بصراحه الالعاب

13- عاوز نرجع شات للمنتدى و لا لا ؟
لا

14- نفسك تشوف مين من اعضاء المنتدى ؟
هههههههههه

مودى

15 - عاوز ترجع تدرس تانى ؟؟
دلوقتى اقولك يا ريت

16 - ايه اللى عاجبك فى المنتدى هنا ؟
ان الاعضاء بتحب بعضها

فى مواضيع بتنزل فى الاقسام انا شخصيا ممكن استفاد منها

وفى قسم الالعاب الواحد بيهزر شويه

بيريح دماغه
بيسلى نفسه

17 - امتى حسيت بذكائك ؟
فى يوم كده وانا صغير عملت ناصح

وقولت لازم اعمل الفيشه بتاع التليفون
روحت مطلع الطرفين السلك بتاع التليفون بدل ما احطها فى فيشه التليفون

حطتها فى فيشه الكهرباء

مش عارف

لاقيت الدنيا ضالمه

شعرى ابيض

وحاجات غريبه بقى

18 - امتى حسيت عكس السؤال اللى فات
فى امتحان الفيزياء

19- اخر مره بكيت .. كانت امتى ؟

ماتش 6_1بتاع الاهلى

بيبو وبشير بيبو والجون

20 - تفتكر مين اللى هيفوز بالدورى الموسم ده ...؟؟

سؤال صعب يا عقرب

بس اعتقد فى ظل اللى فيه الاهلى

الاسماعيلى ممكن بنسبه55%

والاهلى بنسبه45%

اكيد هاسالك تانى

مستيك
اجمل الامنيات
best wishes

اخوك محمود
حبيبى