ادخل واكتب حلمك وان شاء اللة افسرهولك

انهاردة يا جماعة جايبلكو موضوع الاول من نوعة فى كل المنتديات
كل واحد هيكتب الحلم الى هو حلمة وعايز يفسرة وان شاء اللة هنفسرهولة الموضوع بجد يا جماعة
وطبعا هيكون معانا دكتورة نفسية وهى اختى هتساعدنى
بس مش عايز بقى الاحلام العبيطة يعنى مثلا واحد يقولى انا حلمت انى بعوم فى بحر
دة اكيد عملها على نفسة وعلاجة انة يتغطى كويس
يلا سمعونى واشجونى
clap2

موضوع فعلا حلو اوى
بس اوعدك انى اول مااحلم حلم غريب وافتكرة هاقوللك
انا حلمت على فكرة قبل كدة باحلام غريبة بس كانوا بيقولولى انى مااحكيش علشان لو وحشة مش تحقق وكدة
عامة المهم
ان اختك دكتورة نفسيا بجد
كدة هنحتجلها كتير اوى

بلاش ارجوك

بلاش اية مش فاهم هو انا هديك حقنة

ههههههههههههههههههههه

فعلا سعد عنه حق بلاش احسن

لان التفسير الاول لاي حلم بتحقق
سواء كان تفسير الحلم ده صح او غلط

والله اعلم

"إن الرؤيا على رجل طائر ما لم تعبر، فإذا عبرت وقعت"

والمعنى: أن الرؤيا إذا كانت محتملة وجهين، فعبرت بأحدهما وقعت على قرب تلك الصفة، ويدل ذلك مثل رجل رفع رجله فهو ينتظر متى يضعها.

"الرؤيا على رجل طائر" أنها لا تستقر ما لم تعبر فكأنها كانت على رجل
الطائر فسقطت ووقعت حيث عبرت، كما يسقط الشيء الذي يكون على رجل الطائر
بأدنى حركة وهذا تشبيه تمثيلي ، حيث شبة الرؤيا بالطائر السريع طيرانه،
وقد علق على رجله شيء يسقط بأدنى حركة.

وهل إذا لم تفسر الرؤيا (وأقصد الرؤى المحزنة التأويل) لن تقع ؟

روى أبو رزين العقلي أن النبي صلى الله عليه وسلم قال:

الرؤيا جزء من أربعين جزءا من النبوة والرؤيا معلقه برجل طائر ما لم يحدث
بها صاحبها فإذا حدث بها وقعت فلا تحدثوا بها إلا عاقلا أو محبا أو ناصحا.

أخرجه الترمذي وقال حديث حسن صحيح

علشان كده بقول بلاش علشان محدش يندم .. مع احترامي لصاحب الموضوع

على فكرة فى ناس قالت ان مفيش علم اسمة تفسير الاحلام وناس حرمت اللى بيعملة الشيخ سيد
بس على العموم انا رايح انام ولو ربنا كرمنا بجاجة هبئى اقولهاك