عشان انت مصرى

عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى

عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك

ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله

بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق

هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت

عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف

بعد الى انا سمعته
تحيا جمهوريه مصر العربيه
يعيش بابا حسنى وماما سوزى
بالذمه حد يقدر يقول غير

ههههههههههه
ياعينى عليك ياتايجر

دا كلة هيحصلك بعد اما تتجوز

بس قصيدة جميلة وفعلا هى دى الحقيقة

مش انت اللى مصرى؟؟؟ جتك القرف
هههههههههههههههه

الله يسمحك

جميل ياتايجر

القصيده حلووووووووووووووه وتنقد الواقع فعلا
بس ليا تعليق احنا اللي عملنا كده مش حد تاااااااااني
الواااااااااقع ده للاسف احنا اللي عملنا بحاجات كتييييييييييييييير اووووووووووووي
اهمها سلبيتنا

لوجى قالت بالذمة حد يقدر يقول غير
وملحقتش تكمل ياعينى تلاقى امن الدولة خدها دلوقتى
هههههههههههه
ويا دعاء شايفة دى نهاية اى واحد يجوز لازم تبقى حياتة كدا
ويا سمسة الله يسامح اللى خلانا كدا (واية اخبار البوفية ^_^)
ويا ضوء كلامك صح ربنا لما اتكلم على فرعون قال (فاستخف قومه فاطاعوه انهم كانوا قوما فاسقين) يعنى لولا ان قومة كانو ناس معندهمش اردة مكنش عمل فيهم كدا وزى ما بيقولو يا فرعون اية فرعنك ملقتش حد يلمنى

عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى

الحمد لله الذي لا يحمد على مكروه سواه

شكرا يا تايجر