mrmroo
عضو ذهبي
عدد الرسائل : 195
العمر : 35
تاريخ التسجيل : 04/11/2008
 | موضوع: صلاح جاهين عجبى!!!!!!!!  الخميس يونيو 11, 2009 1:39 am | |
| لمحبى الرائع صلاح جاهين حبيت انقلكم بعض من رباعياته لتستمتعوا بيها معى وعجبى!!!!!
ياللي انت بيتك قش مفروش بريش
تقوي عليه الريح .. يصبح ما فيش
عجبي عليك حواليك مخالب كـــــبار
و ما لكش غير منقار و قادر تعيش
عجبى!!!!!!!!!
سمعت نقطة ميه جوه المحيــــط
بتقول لنقطه ما تنزليش في الغويط
أخاف عليكي م الغرق .. قلـــــت أنا
ده اللي يخاف م الوعد يبقي عبيط
عجبى!!!!!!!!
بحر الحياه مليان بغرقي الحياه
صرخت خش الموج في حلقي ملاه
قارب نجاه .. صرخت قالوا مفيش
غير بس هو الحب قارب نجاه
عجبى!!!!!!
فارس وحيد جوه الدروع الحديد
رفرف عليه عصفور وقال له نشيد
منين .. منين.. و لفين لفين يا جدع
قال من بعيد و لسه رايح بعيد
عجبى!!!!!
كرباج سعاده وقلبي منه اجلد
رمح كأنه حصان و لف البلد
و رجع لي نص الليل و سألني .. ليه
خجلان تقول انك سعيد يا ولد
عجبى!!!!!
كان فيه قمر كأنه فرخ الحمام
علي صغره دق شعاع شق الغمام
أنا كنت حاضر قلت له ينصرك
إشحال لما حتبقي بدر
عجبى!!!!!
يا مشرط الجراح أمانة علـــيك
و انت ف حشايا تبص من حواليــك
فيه نقطة سوده في قلبي بدأت تبان
شيلها كمان .. و الفضل يرجع إليك
عجبى!!!!!!
تسلم يا غصن الخوخ يا عود الحطــب
بييجي الربيع .. تطلـــع زهورك عجب
و انا ليه بيمضـــي ربيع وييجي ربيع
و لسه برضك قلـــبي حتة خشب
عجبى!!!!!!!!!
قلبي عليل يا ناس و في الكاس دواه
مديت له إيدي شربت م اللي حــواه
جنبي الشمال خف .. اليمين اتــــوجع
و إيه يداوي الكبد م اللي كــــواه
عجبى!!!!!!
.. دي مزكرات و كتبتها من ســنين
في نوتة زرقا لون بحور الحنيـــن
عترت فيها .. رميتها في المهمـــلات
وقلت صحيح أما صحيح كلام مخبولين
عجبى!!!!!
دخل الشتا وقفل البيبان ع البـــيوت
وجعل شعاع الشمس خيط عنكبوت
وحاجات كتير بتموت في ليل الشــتا
لكن حاجات أكتر بترفض تمــوت
عجبى!!!!!
الدنيا من غير الربيع مـــيته
ورقة شجر ضعفــانه و مـــفـــتــته
- لا يا جدع غلطان تأمل وشوف
زهر الشتا طالع فــــــــي عز الشـــــتا
عجبى!!!!!!
 | |
|
زائر
زائر
| | موضوع: رد: صلاح جاهين عجبى!!!!!!!! الخميس يونيو 11, 2009 1:45 am | |
| يا مشرط الجراح أمانة علـــيك
و انت ف حشايا تبص من حواليــك
فيه نقطة سوده في قلبي بدأت تبان
شيلها كمان .. و الفضل يرجع إليك
جميل جدا يا قمر
|
|
ضوء المكان
عضو ملكي
عدد الرسائل : 1201
العمر : 35
تاريخ التسجيل : 06/11/2008
| | موضوع: رد: صلاح جاهين عجبى!!!!!!!! الخميس يونيو 11, 2009 6:08 am | |
| بحر الحياه مليان بغرقي الحياه
صرخت خش الموج في حلقي ملاه
قارب نجاه .. صرخت قالوا مفيش
غير بس هو الحب قارب نجاه
عجبى!!!!!!
الله عليكي مرمرو
صلاح جاهين ده رااااااااااااائع وعظيم
شكرا ليكي
| |
|
mrmroo
عضو ذهبي
عدد الرسائل : 195
العمر : 35
تاريخ التسجيل : 04/11/2008
| | موضوع: رد: صلاح جاهين عجبى!!!!!!!! الجمعة يونيو 12, 2009 1:28 am | |
| شكرا نبض وضوء لمروركم على الموضوع
اتمنى تكونو استمتعتوا | |
|
