السلام عليكم

موضوع: السلام عليكم السبت يونيو 13, 2009 5:02 am

بسم الله الرحمن الرحيم
الجملة دى فكرتنى باول موضوع كتبتة هنا فى المنتدى كنت بردة بقول بسم الله الرحمن الرحيم وكنت فرحانة اوى لانى كنت حاسة
اانى داخلة مكان للنقاش ومكان محترم اعرف اتبادل فية رايى بحريتى ومن غير ما حد يفرض راية عليا وفعلا والله مش هانكر كان فعلا منتدى رائع فوق الكلمة كنت بقول رايى بحرية تامة وكان الناس فية بتحترم بعض
وراى بعض وحتى لما كان بيبقى فية كلام خارج نطاق الموضوع كان كلام تحس انة جاى من اخوك فكنت تتقبلة وكنت تحس انة هزار عادى مش يجرح وكنت تضحك علية مش تبكى منة
زى ما بيحصل دلوقتى
وكانت زى ما بيقولوة الحياة وردى فى وردى وكنا بالرغم من اننا اعضاء قليلين بس كنا بجد زى الاخوات واكتر
لاغيت مااعرفش اية الى حصل بالظبط بس يمكن لان دايما السفينة الى من غير هدف وبتبقى ماشية كدة فى البحر لازم اكيد بيجى يوم وبتتخبط فى اى حاجة
واحنا كنا ماشين كدة من غير اى هدف وخلاص
وربنا يعلم انا كان نفسى جدا ان المنتدى يبقى احسن منتدى لدرجةانى دخلت فى منافسة فى الكلام بينى وبين دكتورعمر وقلتلة لا هيبقى احسن منتدى وهو يقولى انا مش داخة علشان انا عاوز اتجوز وخايف اخشة انا بجد ساعتها حسيت اد اية انة بيستقل بينا اوى وقلت مابينى ومابين نفسى دا دكتور وبيقول كدة امال زمايلى الصبيان الى فى المنتدى بيفكروا ازاى فى بنات المنتدى و فى الى بيحصل فى المنتدى بالظبط وقلت لا بردة مااظنش بس للاسف دكتور عمر عندة حق اوهوالى بجد هارفعلوا القبعة على منتدى كمبيتولتى الى عملة بجد
وربنا يساعدهم ويطورة اكتر واكتر ويفيد الناس
المهم
انا يمكن ياجماعة كنت بهزر فى بعض الاوقات بس يعلم ربنا انى لما كنت بهزر كنت بفتكر انى بهزر مع اخواتى زى ماتقولوا كدة طيبة حبتين وفاكرة ان الناس من جواهم حلو لكن الدنيا اثبتتلى العكس وطلع كلام ناس هو الى صح جدا كانوا قايلنى ان مش كل الناس هتفتكر انك بتقولى كدة بنية قلب لانهم مش يعرفوكى فى الحقيقة وان فية ناس مريضة فى قلبهم وعقلهم ويفتكروا اى حاجة تانية
عامة انا كان ردى انا الحمد الله معروفة جدا من زمايلى البنات والى يعرفونى من الاولاد والحمد الله انا مش بحب اتكلم عن نفسى بس لو فية حد منهم هنا فى المنتدى هو الى ممكن يقول مين نور بالظبط فى الحقيقة كشخصيا وككل حاجة وانا واثقة فى نفسى الحمد الله
انا مش كنت اتخيل عمرى انى هاخد القرار دا وانا فعلا كنت واخداه امبارح بالليل وقلت للعقرب بس هوالى قالى لا واستنى وكدة بس انا بجد يا جماعة صعبت عليا نفسى اوى من الردود الى شفتها بجد يارتنى ما كنت دخلت الموضوع دا بس عادى ممكن يكون ربنا الى عمل كدة
علشان اعرف الناس بالظبط كويس وافوق من طيبتى وهبلى دا بقا شوية
وبجد انا متشكرة جدا لكل الى قال عليا اى حاجة اذا كانت حلوة او اذا كانت وحشة بردة
وبجد كان نفسى تفهمونى صح لكن معلش بقا حصل خير
وانا قضيت فعلا احلى الاوقات هنا ياعقرب بس انا بردة ليا كرامتى وشخصيتى الى ما اسمحش لاى حد مهما كان انة يدوس عليها
وبجد ياعقرب انت عارف انك اخ عزيز عليا وكان نفسى والله اكمل بس معلش ما قدرتش ياريت ما تضايقش
معلش انى طولت عليكم
بس اهو اخر مرة بقا استحملونى
وياريت اى حد قلتلة فى اى مرة اى كلمة تزعلة ياريت يسامحنى ومش يزعل منى
يالا يا جماعة سلام عليكم واشوفكم على خير ان شاء الله وادعولى فىحياتى ان ربنا يكرمنى ان شاء الله
سلاااااااااام

موضوع: رد: السلام عليكم السبت يونيو 13, 2009 5:39 am

لا يا نور
انا مقدرة زعللك

بس مش لدرجه انك تسيبى المنتدى

وانا بجد من اول ما شفتك
انا ما كلمتكيش اه غير قليل
بس انتى انسانه جميله اوى من جوه وبره

وطيبه جدا واى حد يكلمك يحس انه يعرفك من زمان
وخليكى متسامحه
وزى ما قولتى للدكتور عمرو
لازم تثبتى انه احسن منتدى
وانتى المشرفه خلي مخك كبير
وماتزعليش لمجرد كلام

منهم

احنا هنا كلنا بنحبك

وكلنا بنحبك هنا فى المنتدى

والمندى بجد بجد من غيرك ظلمه اوى اوى
ما ينفعش تسيبى المنتدى

انتى عرفا سويت بهزر والله
وسعد
ومش قصدهم اى حاجه عنك
بتكلموا كالعاده فى المطلق
انتى حسيتى ان هما بيتكلموا عنك
بس صدقينى بتكلموا فى العموم
وانا والله بحترم كل ارئك
ومواضيعيك

وما فيش حد يقدر يقول حاجه عنك
معلشى هما اخواتك برضه ماتزعليش
بجد هانزعل اوى اوى لو سبتى المنتدى
يا نور

زائر

نور
الكل عارف طيبه قلبك
وعارف اخلاقك كويس جدا
وكلنا بنحبك اللي عارفك شخصيا واللي عرفك
من خلال المنتدي عرف اد ايه انتي انسانه
جميله وحبوبه
وكما قلبك ابيض وهو شيطان ولعب بيكوا
فمش عايزين نديه فرصه انه يهد العلاقه
الجميله اللي بينا عشان حاجه باقل تسامح منا
الامور هتعدي والمركب هتمشي
فياريت
يكون قرار انك تسيبي المنتدي ده
لمجرد انفعال في الموقف بس
لان المنتدي ما ينفعش يكون من غير نور
بخفه دمها وارائها المؤثره ومواضيعا الجميله
ده غير طبعا طيبه قلبها اللي مهما اتكلمت عنها
مش ممكن هديها حقها
فاحنا كلنا اخوات وياريت والله لو هدينا ووقفنا مع نفسنا كده
اكيد هنحس ان الموضوع بسيط جدا بشويه تسامح مننا
وانشاء الله تكون سحابه صيف وتعدي

خلاااااااااص يا قمر
سيبك من موضوع سيبان المنتدي ده
رجااااااااااااااااااااااااااءا

موضوع: رد: السلام عليكم السبت يونيو 13, 2009 6:19 am

عجبك كدا يعنى صحيتى الناس كلها مخضوضة دلوقتى فية 6 فى المتواجدو ن الان داخلين عشان يقولو ان المنتدى يضلم من غير نور السلام عليكم Icon_biggrin

انتى ممكن تكونى معترضة على حجات فى المنتدى زى ما انا معترض واى حد معترض بس زى ما قولتلك اقبل كدا لو تفتكرى متحليش مشكلك بالهروب لان لو دلوقتى عشان حد زعلك سبتى المنتدى طيب لو انتى فى الشغل هتسبية برضة ولو مجوزة هتسيبى البيت ولو ولو لو كل مكان حد هيزعلك فية هتسبية مش هتلاقى مكان غير اوضتك تقعدى فيها ثانياً مينفعش وانتى عضوة فى الادارة وتعمل كدا لان المفروض انتى واحدة من اخذى القرار فى المنتدى دة يعنى الموضوع اللى انتى هتسيبى المنتدى عشانة دا اصلاً فى القسم اللى انتى بتشرفى علية يعنى انتى كنت ممكن تقفلية او تحذفى الردود اللى انتى شايفة انها مش كويسة وان شاء اللى حصل فى النقاش الجاد دا مش هيحصل تانى وانا رغم انى مكنتش حبيب ان امسك المنتدى بس انا خلاص
همسك المنتدى بس ياريت الناس كلها تساعد وانتى ترجعى عشان تمسكى قسم الالعاب الكتابية السلام عليكم Icon_biggrin

موضوع: رد: السلام عليكم السبت يونيو 13, 2009 6:59 am

اوباااااااااااااااااااااااااااااااا

نور تسيب المنتدى

يبقى نقفله بقى

لا يا نور مش متعودين منك على كده

نور ديما بتواجه وبتصبر وانتى مش عضوه عاديه علشان تنسحبى كده انتى احد كيانات المنتدى

كلنا منتظرينك لاننا عاوزين نعمل شىء بجد ونواجه الحاله الغريبه اللى في المنتدى

يمكن يكون بعضنا انشغل بس هنجاول نتواجد ونشارك ونساهم في عدول المنتدى لمجرى سليم
ان شاء الله

وانتى معانا

منتظرينك

موضوع: رد: السلام عليكم السبت يونيو 13, 2009 7:23 am

يا نوووووووووووووووور احنا كلنا اخواتك وبنحبك

واحنا بجد عارفين طيبه قلبك وكمان عارفين ان اللي قلبه طيب بيزعل بسرعه ويصفي بسرعه
بس الهروب من المشكله ده مش حل دا ان كان فيه مشكله اصلا
كبري دماغك والموضوع اللي يعجبك ردي عليه واتناقشي فيه وقولي رايك مفيش حد يقدر يمنع حد انه يقول رايه

ياريت يا نووووووووووووووووووور مش تسيبينا
فين قدراتك الجباره في الرد Very Happy

احنا كلنا بنحبك وبنحب طيبه قلبك وخفه دمك
منتدي من غير نووووووووووور = غرفه معتمه مش فيها ذره نور

موضوع: رد: السلام عليكم السبت يونيو 13, 2009 7:45 am

نور انتي مش سهل كده انك تسيبي المنتدى
انتي غاليه علينا اوي واكيد مش محتاجه نقولك الكلام ده
ياريت ترجعي في قرارك ده
بجد المنتدى من غيرك مش هيبقى حلو

موضوع: رد: السلام عليكم السبت يونيو 13, 2009 8:06 am

زائر الليل كتب:

انا مش لاقى كلمة اقولها اكتر من كلمة زائر الليل دى

انتى فعلا احد كيانات المنتدى

ياريت
نشوفك من تانى

و باذن الله الفتره اللى جايه
المنتدى هيكون افضل
باذن الله

موضوع: رد: السلام عليكم السبت يونيو 13, 2009 8:25 am

لا يانور
مبنفعش تمشى كده
والله يانور انا لما لشتركت على المنتدى ده
اكتر حاجه حبتها هى العضوه نور
وكنت شايفه انها المنتدى كله

تيجى فجاه كده وتمشى
مينفعشى
مش علشان موضوع نقاش( بصرف النظر عن الى حصل فيه)
تتخلى عن المنتدى بالسرعه دى

فكري يانور
وانا متاكده انك هترجعى تانى

انا بجد بقلهالك من قلبى
انا حبيتك اوووي
ومش متخيله المنتدى
هيبقى عامل ازاي منغيرك
وخصوصا فى الفتره دى

موضوع: رد: السلام عليكم السبت يونيو 13, 2009 7:59 pm

بجد والله مش لاقيه كلام اقوله
اكتر من اللى اتقال

بس بجد مستغربه ان انتى بتقولى كده
فاكره لما كنتى بتقولى مش هسبكم وقاعدلكم
راح فين الكلام ده

لما شفت الموضوع قلت اكيد مش نور اللى منزلاه
وان انتى سبتى المنتدى يبقى ملناش لازمه بقى ان احنا نكمل احنا كمان فيه

ويالا ارجعى علشان تايجر يمسكك قسم االالعاب بحاله
يالا ياعم محدش قدك
قسم الالعاب
ههههههههههههه

موضوع: رد: السلام عليكم السبت يونيو 13, 2009 8:32 pm

نور جزء اساسي من المنتدى
يعني جزء لا يتجزأ منه
اتمنى انك تتراجعي عن القرار ده
واتمنى اننا كلنا تسود بيننا روح المحبه والاخاء
انا مش قادره اصدق اسبوع واحد متابعش المنتدى فيه يحصل ده كله
مره تانيه اتمنى تسود بيننا روح المحبه والاخاء

اولا انا بشكر كل الى دخلوا واتكلموا

وبجد يعلم ربنا انى بعز المنتدى دا جدا ونفسى اخدمة باى طريقة والله
وانا كان مضايقنى طريقة التعامل والنقاش بس فية
بس عامة ادينابنحاول نغيرها زى ما بيقولوا
وتانى بشكركم جدا
وبجد شكرا جدا
يا تولين انتى وعاشقة وامنية وسمسمة ونبض وضوءوجولدن وعقرب وتايجر وزائر
وربنا يعلم معزتكم انتوا والمنتدى ازاى
وربنا يسهل ونعرف نغيرة يارب للاحسن دايما يارب

نور اوعى تسيبى المنتدى

واتعودى ان المكان اللى تكونى فيه ويحصل فيه اى مشكلة مش الحل انك تنسحبى من المكان دة لان لو على كدة كان كلنا انسحبنا من اى مكان نكون فيه يانور مدام انتى بتعملى الشئ دة اخلاص لله فقط خلاص متشغليش بالك باى شئ يحصل وفيدى المنتدى واستفيدى منه كمان

واحنا يانور اتعودنا كلنا على وجودك بالمنتدى ومينفعش المنتدى بدون نور حبيبتنا

وعلى العموم الاختلاف فى الراى لا يفسد للود قضية كل واحد ليه رايه مقتنع بيه ومريحه كمان

خلاص بقى مش هنعمل مشكلة

وياريت بقى المنتدى يتعدل الفترة الجاية ويكون احسن من كدة
وجزاكم الله خيرا