ماذا يمثل المنتدى بالنسبة لكم?

بأمانة شــديدة ومصــداقية مع النفس وحسب الأولوية من وجهة نظرك،،،

مـــــاذا يمثل المنتــدى بالنسـبة لك أو لكِ

- هل القصـد من تواجدك هو زيادة ثقــــــافتك والإرتقاء بهـــا ؟

- هل القصـد من تواجدك هو التســلية وتضييع الوقت ؟

- هل القصـد من تواجدك هو حُب الإســــــتطلاع والمشاركة بالمجاملات ؟

- هل القصـد من تواجدك هو إكتساب أصدقــاء جدد ؟

معظمنا حصلت له مشاكل وبعد لفتره عن المنتدي
مشاكل شخصيه مشاكل في المنتدي

بس في الاخر ما حدش قدر يبعد عن المنتدي
مهما كانت فتره البعاد
بس في الاخر رجعنا هنا واتجمعنا ورجعنا نقول أرائنا

احنا ليه كده احنا ليه بنرجع تاني
وايه سبب دخولنا علي المنتدي اصلا

الطائر

المنتدى

لية معزة خاصة عندى وبجد انا بحبة جدا لانى قضيت عليه احسن اوقاتى وكمان اتعرفت فية على بنات والله بقوا زى اخواتى دلوقتى وفرحانة جدا انى اتعرفت عليهم
وكمان فى عز الخنقة هنا اولما كانت تحصلى اى مشكلة ووابقى مضايقة جدا
والله المنتدى بكل الى علية هو الى كان بيطلعنى منها ويغير المود بتاعى
وكمان والله مش ضحك عرفت منة معلومات ان تكن قليلة فى الحجم لكن كبير فى مقدارها عندى
واتعلمت منة حاجات كتير
فى العلم
وكمان فى التعامل مع الناس برة فى الدنيا
وعرفنى انواع الناس الى فى الدنيا وازاى اعرف اتعامل معاهم
وكمان منة عرفت ناس محترمة جدا
وكمان منة عرفت ناس ربنا يعلم لوحدة معزتهم عندى ازاى وانى بحترمهم ازاى مهما حصل منهم
او مهما كان القدر مخبى اية هيفضل بردة معزتهم وذكراهم موجود
وكمان اتعلمت من اراء كل واحد هنا كذا حاجة وعرفت كذا حاجة جديدة
فبجد انا بحب المنتدى دا جدا ونفسى اقدملة كل حاجة تفيد الناس والله
كفاية انكم افتكرتونى فى عيد ميلادى بجد دا اكا ن احسن يوم احسن من صحابى الى قالولى كمان
ومتاكدة جدا انكم لو اى حاجة حلوة تانية حصلتلى هتفرحولى
او اى حاجة وحشة هتقوفوا جانبى

بجد انا رغيت كتير يا طائر بس بجد مش لاقية كلام اقدر اوفية للمنتدى دا والله
ويااااااااااااااااااااااااااااااااااااااااااااااااااااااااارب يخلينا المنتدى
ويكرم كل عضو فية ياااااااااارب ويحقق كل الامانى بتاعتة ياااااااااااااااااااااااااااااااااارب
ونتقابل كدة واحنا عندنا 60 سنة كدة ان شاء الله
وبردة
نتخانق
مع سويت وسعد

والعقرب يكون اترقى شوية
وبقى
ضفدعة

وموضوع رائع ياطائر

اخيرا حد رد عليا

thanks

نور

انا كنت خلاص فقدت الامل

وبجد كلامك حلو جدا وفعلا المنتدي ده غير مننا كتير زي ما خد من وقتنا كتير كلنا استفدنا منه
كلنا شوفنا اراء ومواضيع لناس وافكار لناس في غاية المال والروعه والثقافه
حاجات فادتنا كلنا وغيرت مننا ومن اسلوبنا حتي في حياتنا العاديه مع الناس نتيجه لاكتساب ثقافه جديده

علي قد ما هو منتدي صغير بالنسبه للشهره والحجم
علي قد ما هو كبير في قلوبنا كلنا
وفعلا زي ما قولتي اتعرفنه منه علي ناس محترمه جدا وبقوا من اقرب الناس لينا

صح كلامك يا طائر

والف مبروك لمصر وعقبال امريكا

عقبال امريكا

صحيح فين صورة (ندي)

جارى التحميل صورة حديثة ان شاء الله

فقدت الامل

هههههههههههههههه

لا ازاى موضوع رائع اوى طائر

والمنتدى كل انت قولته يا طائر

وكلام نور رائع

انا دخلت المنتدى كنت عاوزه استفيد

حاجه فى الحاسب

بس اما اندمجت فيه واتكلمت مع ناس

حسيت انى فى اسره وكلنا اخوات

فى الجاد والهزار

والثقه عندى زادت اوى

وعرفت ناس محترمه جدا جدا

وعرفت ثقافات كتير وعقول مختلفه عندى

وعرفت ان ولا كل الناس طيبه ولا الكل وحش

واتعلمت انى ارد بنفس طريقه الى قدامى علشان على الاقل يفهمنى

بس طبعا با حترام

واتعلمت ان عدم الحكم سريعا على الناس

وطبعا احترام رايى غيرى

لان ممكن يكون راى غيرى صح

وكمان فى قصص ومواضيع اكتر من روعه استفدت منها كتيراوى اوى اوى

شكر علي مرورك تولين

وكلامك كله جميل

يا رافعين من معنوياتي يا انا

(عاشقه علي كرسي الاعتراف)

انا بقى حبيت المنتدى ده اووووي

ومهما اشتكرك فى منتديات تانيه

بردو مش هلاقى احسن من روح الاخوه الموجوده هنا

هنا اتعلمت اقول راي من غير ما اخاف

وعرفت الاسلوب الى المفروض اتكلم بيه مع غيري

هنا اتعرفت على ناس كتير

حبتهم وحبونى

من هنا اتعلت حاجات كتيره عمري ما كنت اتعلمتها

لو مكنتش هنا فى المنتدى ده

سواء من مواضيع الاعضاء

او من آرائم

من المنتدى ده

عرفت الناس بتفكر ازاي

يعنى دلوقتى من طريقه كلام اى عضو

اعرف هو مين العضو ده من غير ما اشوف النيك نيم

وفى المنتدى ده بردوا كنت بضحك من قلبى بجد

برغم انى احيانا كنت بضايق جامد منه وكنت بقرر فى نفسى انى مدخلشى المنتدى تانى

بس بعد يومين بلاقي المنتدى وحشنى بجد فبدخل تانى

حاجات تانيه كتير اووووي بردو اتعلمتها

(لكن لا يتسع المقام لذكرها)

اولا ان بشكر الطائر ع الموضوع
المنتدى عامة بيمثل للجميع جزء منهم
اقصد اعضاء المنتدى
ولانى منهم فهو اكيد اصبح يمثل ا شى ليا
اين كان شى مفيد اولا
لانى كل راء انا عبرت بيه عن نفسى وعن شخصيتى
اكيد يمثل جزء منى
فالمنتدى كلمة بسيطة ف معنى كبير
مش مجرد كلام انا بقوله
انا عن نفسى استفدت حاجات كتير جدا
زيادة ف الثقافة او العلم او اكتساب اصحاب
او مهارات التحدث
الشجاعة ف اعطاء اراء ناقضة او مختلفة
بخلاف بقى الهزار او الضحك وغيره
احنا لو كنا حبينا المنتدى يبقى حبينا بعضنا
منتدى ما هو الا اعضاء
بيعرضوا افكار واراء
فيه تعارض ده صحيح بس مفيش حد بيخسر حد
فيه خناق حقيقى بس بنرجع نصالح بعض
يعنى المنتدى فيه روح التعامل
والمرح والزعل والحياة
يعنى المنتدى حياة مصغرة ع صفحة ويب
بس فيها افكار ومعانى كبيرة
المنتدى باعضاءه والناس المحترمة اللى فيه هية دى الناس اللى هنفضل فاكرنها مهما غابوا عنا
وحتى الناس اللى مش عاجبهم حال المنتدى بردوده حاسين ان المنتدى بيشكل شى فيهم
بس دوام الحال من المحال
علشان كدا كلنا يدا بيد نرقى مش بالمنتدى
لا بافكارنا بتعاملنا باراء تفيدنا
اراء بسيطة واراء اقناع مش اراء تعصب واحتكار للصح او الغلط
انا بشكر الطائر ع الموضوع لانه موضوع حيوى فعلا
وشكرا

اولا بشكرك يا طائر على الموضوع الجميل ده
ثانيا احنا فعلا محتاجين وقفه مع النفس وكل واحد يسأل نفسه
ما هي اسباب تمسكه وتواصله مع المنتدى
الحقيقه هناك اسباب كثيره جعلتني احب هذ المنتدى
منها النفاش الهادف قراءه الشعر المعلومات العلميه
تعرفت على صديقات رائعات للغايه

هل القصـد من تواجدك هو زيادة ثقــــــافتك والإرتقاء بهـــا ؟
نعم
- هل القصـد من تواجدك هو إكتساب أصدقــاء جدد
نعم
اود ان اذكر ايضا ان اشرافي على بعض الاقسام أفادني للغايه
حيث جعلني ملزمه بالقراءه في مجالات تخص هذا القسم
ايضا استماعي لاراء متعدده ووجهات نظر متضاده في بعض الاحيان يكون مفيد للغايه
و.............و................و..........
وحسب هذه الاهداف يقل او يكثر تواجدي بالمنتدى
اي حسب هذه المعايير يزداد تمسكي بالمنتدى

كلمه أخيره
اتمنى ان يتحلى منتدانا واعضاؤه بمزيد من سعة الصدر والتسامح واحترام الرأي الاخر
فاختلاف الرأي لا يفسد للود قضيه
اتمنى ايضا الا يتكرر ما حدث في الفتره الماضيه
وان شاء الله نحو مزيد من الرقي والتطور
شكرا للطائر

اهلا بيك من تانى يا طائر ... واحشنى يا راجل بجد
و ان شاء الله هتشوفنى قريب اوى عندكم

الموضوع ده فكرت فيه كتير اوى ... ايه الحكمه فى المنتدى ده بالذات
انا مشارك على منتديات كتير ... و يمكن قبل ما اشارك هنا كمان ..
...

المنتدى ده عامل زى مرايه لحياتى الجامعيه ...
كان عندى حاجات كتير جدا اتمنى ناس كتير تعرفها و تقراها
و تطلع عليها ... سواء كانت افكار ... او كتابات .. او معتقدات .. او امنيات
و لو حلوه الاقى الكل بيشجعنى و لو مش هى الصح ... بالاقى توجيه

اجمل ما فى المنتدى انه جمعنى مع ناس
من سنى - معايا فى نفس الكليه - تقريبا دراستهم نفس دراستى
و افتكر ان دى افضل فرصه انى اتكلم و اعبر عن نفسى و عن ارائى
شوفت موضوعات كتير هنا حلوه ... و قريت كتير فى منتديات تانيه
علشان الاقى موضوعات حلوه انزلها فى المنتدى عننا هنا

فيه ناس عرفتهم من المنتدى - مش هنساهم
و لولا المنتدى انا عمرى ما كنت هعرفهم و لا هيبقى ليا اى صله او اى علاقه بيهم

و رغم كل اللى قولته و كل اللى الناس قالته
فاكيد هييجى اليوم ... اللى هنرحل فيه عن المنتدى واحد واحد
و مش هيفضل منه الا مجرد ذكريات ...
زى ما كلنا هنسيب الكليه و الحياه الجامعيه ... و لكل واحد مننا هيبقى له الحياه الخاصه بيه
احنا اصدقاء اه ... اصحاب فعلا ... بس هى دى الحياه
هييجى اليوم اللى الناس هتنسى عضوية اسمها الطائر الحزين او العقرب العجوز
او سعد او نور او ناااااااس كتير اوى

لان احنا دلوقتى فى الجامعه ... فى الكليه ... متواجدين على المنتدى
بكره احنا باذن الله هنتخرج ... هنسيب الكليه ... هنسيب الجامعه
هنروح لحياه تانيه

و هيكون المنتدى ده مجرد ذكرى جميله ... نفتكرها كلنا ان شاء الله بكل خير
و نتمنى ان اى حاجه حلوه عملناها فى المنتدى هنا تكون فى ميزان حسناتنا
و لو كنا عملنا اى حاجه سيئه نتمنى ان ربنا يغفرهالنا

و ربنا يوفقنا كلنا فى حياتنا القادمه

اهنيك على الموضوع الجميل يا طائر

السلام عليكم و رحمة الله و بركاته

شكرا لتواجدكم جميعا

نحو منتدي افضل