حتي ابليس هاجر من مصر !!!

على باب سفارة كندا.. لمحت ابليس و ف ايده استماره..

بقول له على فين.. قاللي بص .. يا هجره يا اعاره..

يا عم زهقت.. كفرت .. الاقيش معاك سيجاره..

انا انتهيت خلاص .. لا نافع وسواس ولا خناس

ولا ليا عيش وسط الناس..

دي عالم مجرمين.. عندكوا فائض ف الفساد..

في كل البلاد..

ومش محتاجين شياطين .. مليش عيش ف دي البلاد..

....

بقالي سنين عاطل .

و انتوا بتعرفوا تقلبوا الحق باطل..

و تسلكوا القاتل .. و تمشوا ف جنازة المقتول..

ومفيش مشاكل..

يا عم ده انا بقيت أوسوس بالمقلوب..

و أقول للحرامي .. كفايه بقى .. توووووب..

انت ايه . لوحدك هاتعمل كل الذنوب..

و أنا ابليس أشتغل واعظ .. ولا كمساري ف اتوبيس..

يا عم ده انا زمان

كنت استنى حد ينسى يسمي وهو بياكل لقمته..

دلوقتي كل اكلكم ملوث .. و بصراحه الواحد خايف على صحته..

ده مفيش ضمير اساساً عشان اموته..

و كل واحد بمزاجه .. خربانه ذمته..

يا عم ده كل حاجه اتسرقت..

وكده الاجيال الجديده م الحراميه اتظلمت..

يا راجل ده من كتر ما لطشت معايا..

خرجت ف مظاهره مع الناس اللي بتقول كفايه..

و برضه ......... مفيش فايده.

زائر

هههههههههههههههههههههههه

تصدق والله عندك حق

يعني احنا في رمضان اهو

والمفروض الشياطين مسلسله

بس فيه ناس عايزه تتسلسل هي كمان والله

ربنا يستر علينا

شكرا ليك يا قيصر

هههههههههههههههههههههههههه

ياه

الدنيا باظت أوي كده

بس بجد حلوه

ألف شكر ياقيصر

زائر

والله ويمكن اكتر يا ابراهيم

انت شكلك غايب عن البلد بقالك كتير

عارف ما ننكرش ان فيه ناس كويسه

بس الوحشين بقوا اكتر

وغطوا عليهم

ربنا يستر

شكرا لأبراهيم ونبض علي المرور

هههههههههههههههههه

موضوع جميل جدا

شكرا ليك احمد باشا

شكرا ليك يا عقرب
وحمد الله علي سلامتك يا باشا

ههههههههههههههه
والله عندك حق ياقيصر

شكرا ليكي يا سمسمه علي المرور