يااااااااااااااه فاكرين دي يا جماعه ؟!!

حد يجماعه فاكر واحنا صغيريين لما كنا بناخد مصروف نص جنيه و كنا نروح المدرسه نجيب بيه ازازه حاجه ساقعه و كيس شيبسى

طب حد فاكر لبان على بابا لما كنا كلنا جايبين الالبوم و بنشترى اللبان و نقعد نجمع صور الحراميه الى دماغتها طالعه من الزير و نبدل الصور مع بعض عشان نكمل الالبوم وكان الواحد بيبقى نفسه يكسب اوى وكانت الجوايز طقم كوبيات شاى او كوره كفر او شطرنج او مكاوه

طب حد فاكر لما كنا بنرجع من المدرسه بسرعه عشان نلحق الفيلم الابيض و الاسود الى كان بيجى الساعه 1على القناه الاولى و نبقى قرفانين يوم الاربع عشان مش هيجيبوا فيلم و هيجيبوا الحلقه الاخيره من مسلسل

طب حد فاكر يوم الجمعه لما كنا بنصحى من صباحيه ربنا قبل اى حد فى البيت ونفتح التليفزيون ونقعد نستنى برنامج سينما الاطفال ونبقى منشكحين موت واحنا قاعدين بنتفرج

طب حد فاكر لما كنا بنرجع من المدرسه و نبقى عايزين نخلص الواجب بسرررعه اوى عشان محدش يغلس علينا و يسبونا نتفرج على مسلسل 7 و ربع بتاع القناه الاولى ومكنش حد فينا بيتفرج على المسلسل بتاع الساعه 6 الى بيجى عالقناه التانيه

طب حد فاكر كابتن ماجد لما كان بيقعد يشوط الكوره فاربع خمس حلقات و احنا قاعدين منشكحين اوى ومستنين الى هيحصل ولا حد فاكر مازنجر وفاتن و ابو الغضب

طب حد فاكر قبل رمضان لما كنا نقعد نعمل زينه رمضان مش الجلاد و الدباسه لا لا لا ورق الكراريس الى كنا بنظبطوا بالمقص و نلزقه على الحبل بعجينه نشا وميه ويسلام على اول يوم رمضان لما نخرب الشارع بمب وحد فاكر الصواريخ مش الصفره لا لا لا الى كانت طويله و معموله من ورق كراريس برضه

طب حد فاكر ساعة الفطار فرمضان لما كنا نبقى قاعدين نفطر ومش مركزين مع حد عشان مشغلين القناة الاولى و مبسوطين اوى عشان هنتفرج على سلاحف النينجا وفرام و شنخر ومنخر وتخلص نئوم نقلب بسرعه على القناه التانيه ليييييييييه بئه ؟؟؟ عشان مسلسل البورنجر وريتا الشريره و كنا كلنا بنحب الواد الاحمر قوى

طب بوجى وطمطم قبل الفطار فرمضان بعد ما بنكون جايين من المدرسه ولا حد فاكر ماما نجوى وبؤلز ولا حد فاكر كارتون كعبول وفوازير نيللى ولا فوازير فطوطه الى كنا كلنا مدميننها ولا مسلسل الف ليله وليله بتاع رمضان

طب حد فاكر ليله العيد لما يوم الوقفه نخش نستحمى ونضرب الترنج الجديد بتاع الوقفه و نيجى بليل نطلع اللبس الجديد ونحطه جنبنا عالسرير ونبقى مستنيين الصبح يطلع بفارغ الصبر عشان نقوم نلبس اللبس الجديد و ناخد العيديه من قرايبنا وكل متاخد العيديه من حد تقعد كل شويه تطلع العيديه وتشوف المبلغ كله وصل كام

طب حد فاكر بستك بستك بستك نو شوكلاته جيرسى هناكلوا الجو ولا حد فاكر اللبان السحرى دوق دوق دوق الضنضورمه ا لا لا لا له طب حد فاكر بسكوت بمبو المدور الى عليه شكولاته ولا البوذو الى كان ببريزه وكنا بنشتريه عشان نكسب جواه بلونه ولا دراكولا وهيلا هوب ولا حد فاكر بسكوت الشمعدان و المسابقات بتاعته لما كنا نجيب الالبوم ونقعد نشترى ونجمع ونلزق ونبقى مهتميين بالموضوع اااخر حاجه وواثقين اننا هنكسب

طب حد فاكر الكازوز بتاع الحاجه الساقعه والمسابقات بتاعت العجله ومكنش حد بيلاقى الجدون و كان فى تكسب واحده حاجه ساقعه تانيه وكنا مقضينها كازوز وواثقين اننا لازم نكسب وكنا نخليهم فى البيت يجيبوا الجبنه النستو الى بتكسب مش فارقه سينا من سونيا المهم الى عامله مسابقه وجواها استيكرات وكانت الاكتر بتبقى طعمه

طب حد فاكر لما كنا نروح المدرسه و نفتح كيسة السندوتشات نتكدر اووووى لو لقينا ساندوتشات جبنه نستو ولا جبنه بيضه ونفرح اووى لو لقينا معانا سندوتشات لانشون

طب حد فاكر اول يوم لما نرجع من المدرسه وننزل نجيب الكراريس و الجلاد مش البلاستك الى بيدخل بسهوله لا لا لا الفرخ الكبير الى بيتقطع و يتلزق بسلوتب وبعد ما نخلص نقعد نعمل الواجب فى كراريس الواجب عشان فى كراريس تانيه بتاعت الحصه و ماده العربى كان بيبقى ليها بتاع عشرتاشر كشكول مش عارف واحد للتعبير وواحد للاملاء و واحد للقراءه

طب حد فاكر اخر يوم فى الامتحانات كنا بنرجع البيت عاملين ازاى و يدوب نحط المقلمه و نسرح فى الشوارع نديها كوره وبلى و استغمايه وسبع طوبات وطير وعنكب شد واركب و ميلموناش من الشارع الا بليل

طب حد فاكر الناس الرخمه الى كنا كل ما نلعب كوره يطلع يقولك لو جت هنا هقطعلكوا الكوره ديه ولا اللعب عند بيتك يا بنى منك له بدل ما ارش ميه

طب حد فاكر لما كان حد يجى يصحيك للمدرسه الصبح كنا بنبقى متكدرين اد ايه ونفسنا ننام اوى خصوصا فى الشتا وبعد ما نصحى نبقى نفسنا فعشر دقايق نوم كمان قال يعنى دول الى هيظبوظلنا بقيت اليوم

طب حد فاكر طبور المدرسه لما محدش فينا بيبقى واقف مركز ولا فاهم حاجه اساسا بس واقفين غصم واقتدار وخلاص و ساعة تحيه العلم لازم حد يستظرف فى النشيد ويقعد يقول زبادى زبادى او حماتى حماتى بدل بلادى بلادى

طب حد فاكر برامج تاكسى السهرة و بانوراما فرنسيه ومسلسل هرقليز وزينا الى كانوا بيجوا عالقناه التانيه الساعه9 و كنا بنعشقهم بالرغم من الهجايس الجامده الى فيهم وكنا منفوتش ولا حلقه

طب حد فاكر لما كنت تخلص السنه وتدى الكتب بتاعتك وسلاح التلميذ لابن الجران او حد من قرايبك الى اصغر منك بسنه

طب حد فاكر المسطره المشرشره الى فيها سمك وميه و الاستكيرات الى كنا بنلزقها عالكشاكيل و القلم الرصاص الى بيتبرى لما يدوخنا وكنا بنزقطط اد ايه لما يتعملنا نجمه فى الكراسه ونمشى نتعايق بيها فى الفصل وسط العيال ولما يجى يعاقبونا يقولك اعمل الواجب الى مكنش حد فينا بيحبه اساسا 5 مرات و 7 مرات

ياااااااااااااااااه كانت ايام جميله اوي والله يا جماعه
ومسلسل سر الارض وعالم الحيوان
ياه وحاجات كتير اوي جميله
وعايزنا نرجع زي زمان قول للزمان ارجع يا زمان وعجبي

منقووووووول

الله عليك يا عم احمد و الله

انت بجد جبت كل الذكريات

موضوع جامد زى كل مواضيعك يابنى

ياسلام عليك ياقيصر

طيب حد فاكر الكاراتيه
اللى كان بشن او بريزه
هههههههههههههههه

والله انت ابن حلال

انا بما انى رايح الجيش كل يوم قبل ما انام

افكر فعلا واحنا صغيرين كنا بنعمل ايه وايام زمان

وكنت بتخانق مع مين والعب مع مين واضرب مين وكده يعنى

ومن كام يوم كده قولت لازم اكتب الحاجات دى

والحمد لله كل حاجه كتبتها فى الاجنده عندى

بس فعلا كانت ايام حلوة والكلام اللى انت كتبه فعلا

يمكن يكون كله كان بيحصل

والمسلسلات وغيره وهرقليز وزينا دول كانوا عشقى الاول والاخير

وهما عندى على الجهاز دلوقتى

قلبت عليا المواجع يا قيصر

كفايه كده لاحسن هعيط

شكرا لعقرب وسمسمه ومادو
ونورتوا الموضوع بجد
وعيط يا مادو ايه المشكله انا عنيا دمعت والله اصلها كانت ذكريات حلوة اوي بجد ومكنش الواحد شايل هم اي حاجه خالص والدنيا كانت حلوة ولذيذة

لكن دلوقتى هنشيل هم الجيش وبعد كده الاسره وغيره وغيره
بس هيه دى سنه الحياه

لازم تعشها بحلوها ومرها

هههههههههههههه

بجد قلبت عليا الحجات اللحلوة

مش عارف

ليه إفتكرت الموقف ده

مش عارف وأنا تقريباً في 3 إبتدائي كان عقرب في خمسة

وكان رايح هوه وأحمد أخويا يلعبوا وماخدنيش معاهم وعقرب خبى الشبشب بتاعي علشان ماجيش

وكان عقرب بعدها رايح درس

رحت أنا لما لقيت الشبشب رميت الجزمة بتاع العقرب في الطين وماحدش رايح لأي حته

وانا المسيطر

كانت حاجة ايه

سكر

ههههههههههههههه

ياااااااااااااااااااااه

ايام زمان

ياريت الايام دى ترجع تانى

كنا بناخد نصف جنيه مصروف وكنا بنبقى مبسوطين اوووي

معانا نصف جنيه

وكنا بنجيب الى احنا عايزينه

وبنحوش منه كمان

لكن دلوقتى

تدى لاخويا الى فى خمسه ابتدائى جنيه

ومش عجبه

ياخد الجنينه من ماما

ويروح لمرات عمى ياخد منها كمان جنيه

وياريت يبقى عجبه

والله كانت ايام

جميله اووووي

لا وايام الامتحان والدتى كانت تدينى جنيه
وتقول هات لك حاجه ساقعه وكيس بسكوت
ده انت بتتعب
قال بتعب قال

ههههههه

هههههههههههههههههه
لا كانت تدينى الجنيه
وتخلى خالتى تيجى
تبص علينا
وطبعا خالتى كانت بتجيب الحاجه الساقعه والببسى
وكنت بحوش الجنيه

زائر

هههههههههههههههههههه

بجد يا قيصر موضوع في غاية الروعه

وفي لحظه حسيت اني رجعت سنين عمري كلها

وافتكرت كل حاجه

اللي كنت عايزه انساه
واللي تاه في زحمة الناس والحياة

الف الف شكر ليك يا قيصر
ودايما متميزه موضوعك

ههههههههههههههههه

منورة يا عاشقه

وفعلا كانت حاجه حلوة اوي

شكرا ليكي يا نبض

ومنورة الموضوع

بقى كده يا هيما
تعمل كده ف العقرب حبيبك ؟

استضافوا واحد بلدياتنا في برنامج الكاميرا في الملعب
سألوه:- بتشجع مين؟
قالهم:- المقاولين العرب
قالوله:- بتحب مين في المقاولين العرب؟
قالهم:- الجماعة بتوع المحارة .

ها ها ها ها ها

مش ممكن .. جامده جدا

زائر

ميرسي كتير يا قيصر
-----------------------------
ههههههههههههههههههههه

امشي بقي قولها في كل موضوع

ايه يا عقرب

قول جديد بقي

جديد بقى !

زائر

هههههههههههههههههههه
اه كده ممكن

هههههههههههههههههههههه

منورة يا نبض

زائر

ميرسي يا قيصر

وسوري لو كنت غيرت حوار الموضوع

so sorry

لأ ابدا عادي انا مش بزعل من الحاجات التافهه دي
الموضوع موضوعكوا وخدوا راحتكوا علي الاخر
عايزين تفتحوة شات انا موافق يااااااااااااااه فاكرين دي يا جماعه ؟!! Icon_biggrin

ههههههههههههههههه

ده تأليس ولا ايه

أنا مروح لسن تضربني ياعم

هههههههه

زائر

هههههههههههههههه

ما بتصدق انت

بس انت ليه مش بتشارك معانا
في الالعاب التانيه

ايه يا بني
انت من اسرة اي تي
يبقي معاهم ع الحلوه والمره

شارك شارك
يااااااااااااااه فاكرين دي يا جماعه ؟!! Icon_biggrin

خلاص اوك من عنيا الاتنين هبقي اشارك معاكوا في كل حاجه

زائر

في كل حاجه

يعني لما يعزمونا ع حاجه
تدفع معاهم
المشاركه اللي من النوع ده يعني

اوك