المواد و التسجيل

بسم الله الرحمن الرحيم

مساء الخير على كل الناس

طبعا يا جماعه كلنا الاسبوع ده روحنا الكليه علشان التسجيل
و طبعا كل اللى كان متصور حاجه بدا يشوف عكسها
لكن طالما هو ده الواقع .. و امرنا الى الله

احنا ممكن نعمل الموضوع ده ك ساحه نتناقش فيها بخصوص المواد
و التسجيل و كده ... و كده يبقى افضل ان كل واحد يبقى لوحده

انا شخصيا عندى استفسارات ياريت لو حد يعرف
ميعاد مادة
علم المعادن - و لو حد اخدها ايه نظام الماده ؟
كويسه و لا لا ؟

ياريت لو حد معاه الجدول يساعدنى ف الموضوع ده

عندى استفسار كمان
بخصوص مادة طرق رياضيه نازله مع دكتور اسمه جميل شلبى
ياريت يا جماعه لو حد يعرف حاجه بخصوص الماده او الدكتور يقولى

و شكرا ليكى

و يارت كلنا نساعد بعض

و باذن الله قريب جدا هيبقى فيه شبه مرجله تطويريه ف المنتدى ان شاء الله
و هتبقى بمساعدتكم انتم و انا و كل الناس معاكم ان شاء الله

شكرا لكل الناس
و اتمنى لو حد يعرف حاجه يقولهالهنا هنا

بجد موضوع حلو ياعقرب لان متيحره اوى فى مواد كتير
والمشكله ان المواد داخله تعارض فى بعض

انا على فكره سبتلك معادلات 2
مش هتسجلها ولا ايه
هههههههههههههه

المهم
طرق انا خدها الترم اللى فات مع د سليم
تقريبا كان اسمه كده
بس الماده فعلا كانت سهله جدا
وكانت واخده من كل المواد
يعنى واخده المتجهات من هندسه تحليله 2
وشويه نظريات حلو

انما معادن اصاحبى بقولو هى تقيله
بس مش بتنزل الا مع الدكتوره دى
بس ان شاء الله انا هسجلها

سؤالى دلوقتى
اسجل نظم تشغيل مع
د هانى
ولا اسجل نظم ملفات مع
د بسنت

معادن صح
عايزه حفظ كتير
وحضور مع الدكتوره دى
لانها بتاخد غياب كل محضره
وكل محضره بيبقى عليها درجات

ولو افتكرت حاجه تانيه هقولها

بالنسبه لماعدن ياعقرب

انا ان شاء الله ناويه اخدها الترم ده

بس الى اخدوها قالوا ان الماده محتاجه مزاكر

والحضور مهم جداااااا

لان الدكتوره بتاخد بالغياب جاااامد

وبالنسبه لطرق رياضيه انا اخدها الترم الى فات هى ماده سهله

بس الدكتوره ده اول مره اسمع عنه

بس عندى ملاحظه عاى المنتدى

المنتدى بقى غريب اوووى اليومين دول

لما اجى ابعت مساهمه

بيظهر ليا صفحه

مكتوب فيها هناك تصليحات من قبل ادراه منتدى احلى منتدى

وسيعود المنتدى خلال ددقائق

طبعا اعمل ريفرش للصفه واجى ادور على المساهمه ساعات الاقيها وساعات لا

والحكايه دى بقت بتحصل اكتر من ثلات او اربع مرات فى اليوم

اممممممممممممممممممممممممم

بصى بخصوص نظم التشغيل
صراحة اجنا اخدناها مع الدكتور هانى
و كان مسهلها اوى
و كان بيدينا منهج اقل من بتاع دكتوره بسنت لما كانت الماده بتنزل معاها

و ملفات برده بيتهيالى مش بتنزل الترم التانى
شكلك هتبقى مضطره تسجلى الاتنين !

بس هى نظم تشغيل نزلت اساسا الترم ده ؟

ايوه

اه نظم تشغيل
طلبنا انها تنزل
ونزلت مع الدكتور هانى
يوم الاحد تقريبا
الساعه 2الى 5
وفيه مواعيد مواد اتغيرد على فكره

بس احنا لو طلبنا ان نظم ملفات تنزل الترم التانى
مش منحقنا برده؟؟
علشان هيكون ترم تخرج

وكمان سئلنا فى حكايه اننا ناخد المدتين
قالو الاتنين تقال اوى انكم تخدوهم فى ترم واحد

فا مش عارفه اعمل ايه؟؟

وكان نفسي اخد معادلادت2
بس لما اتغير معادها
عملت تعارض مع مدتين تانين
فاجلتها هى للترم التانى
بس يارب تنزل مع
د امنيه

طيب ممكن حد يقولها معادن دى ميعادها امتى؟؟

محاضراتها يعنى

و بخصوص حكاية المنتدى دى يا عاشقه
ف انا مش عارف الصراحه
و ما حصلتش معايا

يا جماعه انا اخر مره كنت ف الكليه يوم الاحد

هو المواد مواعيدها اتغيرت بعد كده ؟
و لا لسه زى ما هى و لا ايه ؟

بص هجبلك المواعيد اللى مودها اتغيرت

واجيلك

معادن
يوم التلات من
11 ل 12 ونص

هتسجل حاجه مع
د نبويه

حتى الان مش هسجل حاجه مع الدكتوره نبويه

انا ف الرياضه كنت هسجل
معادلات 2
و طرق
و ميكانيكا

بس كنت عاوز اعرف عن طرق خصوصها بالدكتور اللى نازل بالماده

و معادن دى كنت عاوز اخدها مع موجات
لانى متاخر ف المواد اللى تخدم التخصص خالص

لكن انتى قلقتينى بحكاية المواد اللى اتغير مواعيدها دى !

انا محتاس
اعمل ايه

ولا حاجه

هو ايه اللى ولا حاجه يا عاشقه ؟

متعملشى حاجه يعنى

هى هتتحل لوحدها

هههههههههههههههههه

طيب

على فكره ده كان سؤال ليك

انا هسجل مع نبويه
بحوث عمليات

مش هتكون محتاس اكتر منى
كنت عايزه اسجل ال 22 ساعه الترم ده
علشان استريح الترم التانى
انما بالعافيه17 ساعه اللى عرفت اجمعهم
وعلى فكره كمان
معادلات 2
ومكانيكا معارضين فى المعاد
معادلات يوم الاحد من 11 ل 1

وميكانيكا
الاحد برده
من 9 ل 12
والمشكله ان المادتين عايزين حضور

فاانا اجلت معادلات 2
علشان سئلنا
د طلعت وقال
خلوها الترم الجاى احتمال تنزل
مع د امينه
وان منزلتش معاها هتنزل برده مع رجاء
فا كان خوفى انها تنزل مع احسان

واللى يغيض ان اللى غير معاد معادلات شويه طلبه مش عجبهم المعاد راحوا غيره
ومش مهم عندهم باقى الطلبه
لما بقت حاجه تفقع

هيه هيه

عرفت حاجة

إحسان دي أنا عرفها

أخويا الكبير محمد كان بيحكي عنها

ربنا يعنكم

ما انا خايفه منها
ومخدتش ولا مره معاها
ويارب ما اخد

ادعلنا يابرايهم السنه دى تعدى على خير لانى بجد قلقانه

واحساس وحش اوى ان خلاص دى اخر سنه
ومش هنروح الكليه اللى قضينا فيها اربع سنين

ربنا معاكم يا رب

ها ياعقرب رسيت على ايه؟؟

يعنى الواحد هيروح يوم الاربع يلاقى الدنيا باظت تانى
و المواد مواعيدها اتغيرت

اهلا

بصى يا سمسمه
المواد اللى انا كنت مختارها ع المواعيد القديمه

معادلات 2
طرق رياضيه
ميكانيكا

ملفات
مختارات
موضوعات مختاره

موجات

بس انا كنت عاوز اخد معادن بدل ماده من بتوع الرياضه او الحاسب
علشان المواد دى بتنزل كل ترم تقريبا
اما المواد اللى بتخدم التخصص دى مش هنعرف ننزل اللى احنا عاوزينه
ف الترم اللى احنا محتاجينه فيه !

و طالما انتى بتقولى ان ميعاد معادلات الجديد متعارض مع ميكانيكا
يبقى هتخلى عن معادلات دى
!

المهم ان الواحد عاوز يسجل 22 ساعه
و نفس الوقت عاوز يظبط مواد تبقى كويسه ف الترمين اللى جاين
ده اذا ما كانوش تلاته !

ده الطبيعى

احنا رحنا النهراده مكنشى فى سجلات

قلنا للاستاذ فوزى نعمل ايه قال معرفش اتصرفوا

وال ايه بيقول لنا ان اخر معاد للتسجيل ليكم هو النهارده

بس على مين

رحنا للوكيل قال

مين الى قالكم الكلام ده

انتم تسجلكم مفتوح لحد يوم الخميس

والله بتوع الشئون دول بيستهبلوا

شغالين بمزاجهم

ولما حد يكلمهم يقولوا احنا ماشين على اللايحه