عاش الرئيس محمد حسنى مبارك .. عاش عاش

السلام عليكم

نعم عاش الرئيس محمد حسنى مبارك قائد لمصر ورأسا ورئيسا لها لفترة قادمة ..

إدعوا معى يا إخوانى .. أن يمد الله فى عمره ويكمل فترة ولاية أخرى ..

-----------\
قبل أن تلسعك نعرات الشعارات المستوطنة للمعارضة الفافى ...

تعالى نتدبر الأحداث الأخيرة

..

الخطوة الأولى

زرع الأفكار ..

الرئيس يريد أن يضع جمال على الصورة يريد أن يجعله مطروحا فى
إختيارات الشعب المصرى بل ويريد أن يجعله الخيار الأكثر منطقية حتى وفى
حالة حدوث إنتخابات نزيهة يضمن له النجاح ..

وهنا تظهر خطة قديمة جدا وأحد أقدم الحيل فى تاريخ السياسة

زرع الأفكار ..

تقوم خلايا موحهة من خلال قيادات الحزب بعمل دعايا وهمية لأشخاص عديمى
القيمة مثل البرادعى وزويل (( أعنى سياسيا )) كمرشحين لرئاسة الدولة .

يتم إصطياد بعض ضعاف الرأى وعديمى الخبرة السياسية أو الفكرية وإستقطابهم لتأييد تلك الشخصيات ..

تعمم الفكرة وتصبح هناك حالة عامة من قبول تلك الأسماء الهامشية كمرشحين حقيقين للرئاسة ..

الخطوة الثانية
.. المرشح البديل

بعد أن إستقر فى وجدان الشعب أن هذه الشخصيات مرشحة أو أصبح أمر ظهورها
على الشاشة كأقطاب إعلامية متقبلا فى الوسط صاحب التوجه فى المجتمع ..
يقوم الحزب بإشاعة حالة من عدم التأكد حول مصير الرئيس من الناحية السياسية ..
وفى نفس الوقت يقوم الحزب بطرح إسم جمال مبارك كمرشح بديل فى حالة إختيار الأب عدم ترشيح نفسه مجددا

الخطوة الثالثة ,.,
لعبة الظروف ..

وهنا تترك القيادة السياسية الحكيمة والماكرة أيضا كل شئ للظروف بعد أن وضعت أخر ورقة فى لعبة الدومينو ..
فقد إستقرت كل أوراق اللعبة ولسمة واحدة ستؤدى حتما إلى بدء السقوط

* فالمواطن العادى سيطرح الأسماء المرشحة وسيعقد لا إراديا .. مقارنات بينها

وبين زويل الذى وإن كانت له قيمة علمية إلا أن قيمته الوطنية منعدمة حيث
لم يساهم الرجل فى أى تطور داخل مصر على حد علمى كما أن قيمته السياسية
صفر كما أنه كمقيم فى أمريكا وحاصل على جنسيتها سيشكل حلقة جديدة فى ذهن
المواطن حول أتباع النظم الأخرى مما يعد بتحول مصر إلى إحدى دويلات الخليج

الدكتور البرادعى على الجانب الاخر منفصل تماما ومغيب بالكلية عن كل ما
يتصل بالشارع المصرى .. يمثل فى ذهن المثقف العادى قطعة يويو فى عربة
الفجور الأمريكية ويعتبر قطعة على رقعتها الخاصة .. ليس لديه أى نية معلنة
أو خفية تجاه الدولة ..

هناك إسم اخر هلامى مطروح راح عن بالى مؤقتا ..

سأناقش الأستاذ أشرف نبوى لاحقا فى فكرة هيكل المتخلفة عقليا بإدارة جماعية لمصر ..

لكن دعونا نطرح إمكانيات جمال فى مقابل هؤلاء ..

جمال مهتم بالسياسة الداخلية للبلاد وله نشاطات واسعة فى هذا المجال وله
خطة إصلاحية معلنة تتماشى مع سياسات الحزب .. جمال أيضا له خبرة سياسية
كونها من خلال عمله بلجنة السياسات .. جمال أيضا له خبرة فى العلاقات
الخارجية كونها من خلال طرحه مؤخرا كممثل خارجى لمصر إضافة لسفريات زمان
مع بابا ..

فى هذه الحالة لو أنك لديك أى ذرة إنصاف وتعقل فإنك ستؤيد جمال بإعتباره
أفضل المشرحين .. وبهذا ستكون نقلت مصر إلى مشارف 26 عاما أخرى من الضياع
..

......................

وهكذا أعود إلى ما بدأنا به

نعم لبقاء مبارك فترة أخرى ..
حتى يظهر مرشح حقيقى قادر على إحداث تغييرات جذرية وحقيقية إصلاحية فى البلاد

قوى بما فيه الكفاية لإدارة الدولة وفرض سيطرته على مصالح الحرس القديم ..

بعيد بما فيه الكفاية عن لاهوت المؤسسة العسكرية المقدس ..

..

نعم لهذا الإنسان وحتى يأتى

فليبق الوضع على ما هو عليه ..

منقول

الموضوع ده عجبني وحبيت انقله لكم ونتناقش مع بعض فيه
ورأيي هقوله قريبا

بس ياريت اجد تفاعل منكم

فين الناس

[ندعوك للتسجيل في المنتدى أو التعريف بنفسك لمعاينة هذه الصورة]

زائر

هههههههههههههههههههه
هو قيصر كان بيهتم بمواضيع البنات
وانت بتهتم بال.........
طائر خلينا في حالنا
الله يخليك
وصدقني مش هتلاقي حد يرد عليك

[ندعوك للتسجيل في المنتدى أو التعريف بنفسك لمعاينة هذه الصورة]

زائر

هههههههههههههههههه
فينك ياعقرب
ولا يا مادو
ولا يا ابراهيم
يقولولنا ايه رايهم عشان مش يكسفوك
انما انا غصب عندي
لو النت مش فاصل
اكيد كنت رديت
[ندعوك للتسجيل في المنتدى أو التعريف بنفسك لمعاينة هذه الصورة]

مادو
دا في الجيش يا ستي دا ممكن هو يتكلم هنا

ويتظبط هناك

اسكتي اسكتي

والعقرب بيكبر دماغه من المواضيع دي
بالذات المواضيع المتعلقه بالسياسه والدين

وابراهيم مش عارف
هتلاقي ابراهيم مقضيها زائر

زائر

يعني خايف ع مادو يتظبط هناك
ومش خايف علينا احنا
هنتظبط بس الله اعلم فين؟

هههههههههههه
خلاص اللي مش عاوز يرد ما يردش

بس والله الموضوع عادي يا جماعه

هههههههههههههههههههه
انا مليش فى السياسه

بس مبارك او غيره مش فارقه كتير
اهو واحد والسلام
بس اكيد مبارك احسن من ناس كتير تانيه

ههههههههههههههههههه

يبقي انت ما قرأتيش الموضوع كويس يا عاشقه

ههههههههههه
انا اول ما قريت ردها قلت كده برده
دى شكلها مقرتوش خااالص

لا والله قريته
بس سبت شويه سطور كده فى الوسط
والجزء الى قريته
فيه شويه حاجات مفهمتهاش
وكمان مش انت الى قلت دور حتى لو ملكوش فى السياسه

نعم لبقاء مبارك فترة أخرى ..
حتى يظهر مرشح حقيقى قادر على إحداث تغييرات جذرية وحقيقية إصلاحية فى البلاد

قوى بما فيه الكفاية لإدارة الدولة وفرض سيطرته على مصالح الحرس القديم ..

بعيد بما فيه الكفاية عن لاهوت المؤسسة العسكرية المقدس ..

..

نعم لهذا الإنسان وحتى يأتى

فليبق الوضع على ما هو عليه .

وانا قولت اكيد ده موجز للموضوع
فرديت على اساسه [ندعوك للتسجيل في المنتدى أو التعريف بنفسك لمعاينة هذه الصورة]

هههههههههههه

لا ناصحه

بس يبقي انت قراتي الموضوع يا سمسمه

طب ما ردتيش ليه
[ندعوك للتسجيل في المنتدى أو التعريف بنفسك لمعاينة هذه الصورة]

ههههههههههههههههههه
عارف انت بتفكرنى بايه؟

لا

اقولك انا
عارف العيال الى بلفوا فى المجمع
ويمسكوا فى والواحد ميسبهوش
جنيه ياابله انا جعان ياابله
طيب بلاش جنيه هاتى الشبسى ده
ويقعد يزن يزن لحد الى فى دماغه يحصل
وياخد من الواحد كيس الشبسى
[ندعوك للتسجيل في المنتدى أو التعريف بنفسك لمعاينة هذه الصورة]
اهو انت فركتنى يالعيال دى فى الموضو عده
مش عارفه ليه

تفتكر ليه؟؟؟

عشان الشيبسي

هيهيهيهيهيه

[ندعوك للتسجيل في المنتدى أو التعريف بنفسك لمعاينة هذه الصورة]

الطائر الحزين كتب:

هههههههههههه

لا ناصحه

بس يبقي انت قراتي الموضوع يا سمسمه

طب ما ردتيش ليه
[ندعوك للتسجيل في المنتدى أو التعريف بنفسك لمعاينة هذه الصورة]

ههههههههههههههه
سمسمه ملهاش فيا السيايه
دى كفايا عليا انى قريته اصلا
ههههههههههههههه

خلاص خلاص

مش عاوز حد يدخل علي الموضوع ده تاني

[ندعوك للتسجيل في المنتدى أو التعريف بنفسك لمعاينة هذه الصورة]

اروح فين بس ياربي
المنتديات التانيه متراقبه
الا ده انا واثق ان محدش معبره

هههههههههههههههههههه

مووووووووووووووووضوع رائع يا طائر

وانا هارد عليك
مش هخاف يعنى
الرب واحد والعمر واحد والواحد كان هيموت من يومين فلازم يقول كلمة حق احنا هنخاف ولاااية اهو دا الى مش ممكن ابدا
انا عن نفسى بحب بابا مبارك هههههههههههههه
لا بجد انا بجد شايفة ان هو يمسك فترة تانية فعلا لاغيت ما يظهر فعلا الى ينفع من بعدة
ابنة بقا مش ابنة
والله كلة محصل بعضة
الناس دلوقتى مش بقت تهمها مين الى الريس لان كدة كدة كلة بقا يعاجر ويسيب البلد
يعنى هيجى فترة ومش هيبقى فى البلد الا الريس بس ههههههههههههههه
وساعتها يفرحوا بقا او يهاجروا هما كمان لبرة بردة
يالا اهى عيشة والسلام

هي دي نور

اقتباس :

والواحد كان هيموت من يومين

وايه بس اللي حصل

اكيد ضرب فرامل في اخر لحظه

لا مش فرامل دا غباء وحياتك منى بس معلش بقا اهو بنتعلم اننا لازم نستشير الدكاترة بردة قبل تناول الادوية [ندعوك للتسجيل في المنتدى أو التعريف بنفسك لمعاينة هذه الصورة]

زائر

كده يا نور
لما كل واحد ياخد العلاج بمزاجه
احنا هناكل عيش منين [ندعوك للتسجيل في المنتدى أو التعريف بنفسك لمعاينة هذه الصورة]

اقتباس :: احنا هناكل عيش منين

[ندعوك للتسجيل في المنتدى أو التعريف بنفسك لمعاينة هذه الصورة]