الحقوا ...........نمرة موبايل الريس

أشارت مجموعة منتقاة من خبراء الترويج والعلاقات العامة
علي أحد الرؤساء العرب أن يقوم بنشر .. رقم تليفونه المحمول في جميع وسائل
الإعلام لتحسين صورة الرئيس وزيادة شعبيته والتي أظهرت إستطلاعات الرأي
أنها في تآكل مستمر ....وافق الرئيس علي مضض وعلي أمل أن يحدث التواصل
المطلوب بينه وبين أفراد الشعب ويتعرف بنفسه علي مشاكلهم وسبب عدم رضائهم
عنه رغم مخاوفه الشديدة من كثرة التليفونات وإمكانية تعرضه لمكالمات غير
لائقة من مغرضين ومندسين بين صفوف هذا الشعب المدهش المطاوع المسالم
المهاود ... بمجرد أن وافق الرئيس تم عمل حملة إعلانية ضخمة وغير مسبوقة
في طول البلاد وعرضها للإعلان عن الرقم ... وتم كتابة الرقم علي لوحات
مضيئة عملاقة أعلي العمارات والمباني الحكومية وقد صيغت الدعاية بعبارات
جذابة وشيقة ...منها :
((إتصل برقم الرئيس ..وإنت وأهلك تهيص .... ))
((إتصل بالرئيس ... يكون لك خير ونيس ....))

ولم تنس الدعاية المرأة في هذه الحملة فكان منها ما يقول :
(( إتصلي بالرئيس .... وبكره يجيلك العريس .... ))

وكان للأطفال أمل الغد أيضاً نصيب فكتبت لهم إعلانات تقول :
(( كلموا عمو الريس .... قبل ما يموت ويفيص ))

وتم الإتـفاق أن يسمع المتصل أغنية بدل سماع الجرس عن طريق خدمات (( الكول تون )) قبل أن يرد عليه الرئيس أغنية :
آآآلو الريس فين ... الريس هنا ...هنا هو ... أقولوا مين بيكلموا ...
وذلك لأن هذه الأغنية سهلة وتوحي أن الرئيس قريب ومتواصل مع شعبه ...
وكان الخلاف حول المكالمة هل تكون مجانية أم لا ..وتم حسم الموضوع بأن
تكون هناك رسوم لزيادة الدخل وتنمية الموارد ودفع عجلة الإنتاج وعمل ودعم
مشاريع الصرف الصحي والمياة وعمل نهضة تنموية مستقبلية ...
جاءت ساعة الصفر .... وبدأت الخدمة ... وتلقي الرئيس عدة مكالمات:

المكالمة الاولي:
-الو
-ايون..
-انت الريس..
-أيون يا حبيبي ... إيه مشكلتك
-أنا ياريس دخلت قسم شرطة أعمل محضر قام الظباط والمخبرين ضربوني علي
قفايا وجابوا ساعة رقمية وقعدوا يشوف من حيضربني أكتر علي قفايا في
الدقيقة وما خلصوش إلا لما ظابط المباحث عمل رقم قياسي وضربني 80 قفا في
الدقيقة لغاية ما قفايا ورم ونظري ضعف ... يرضيك كده ياريس وأنا ولا مجرم
ولا حاجة أنا رايح أشتكي وأعمل محضر في الجيران
-بص يا مواطن ... إحنا كلنا في خدمة الوطن.. والشعب في خدمة الشرطة ..لما
يكون ظابط بيحميك ويحمي أولادك إيده بردانة شوية وعايز يدفيها ويسخنها في
قفاك ده يزعلك ... لازم تضحي شوية علشان الوطن ...!!
- شكراً ياريس ..ربنا يخليك لنا ويخليك للوطن ...

المكالمة الثانية:
-الو
-ايون..
-الريس معايا شخصيا؟
-ايون ..قول يامواطن مشكلتك ايه؟
-أنا ياريس وغيري ملايين ساكنين في المقابر وتحت الكباري وفي عشش في ال ...في ال
- أسكت ..إتكلم عن نفسك بس يا مواطن بلاش تعميم ... إنت عايز تعمل لي تنظيم علي التليفون؟ فاهم.. ولا أفهمك بطريقتي ...
- فاهم فاهم يا ريس ...
- كمل يا مواطن ...
- نفسي في شقة من إللي بتتوزع علي لاعيبة الكورة والعقود إللي بتتوزع وبنشوف تصاويرها في التلفيزيون...
- واضح يا مواطن إنك مش متعلم ومش فاهم حاجة ... تسكينك في المقابر إنت وغيرك ده له حكمة عظيمة ..
إنت عارف إن الدين بيأمرنا بزيارتها للموعظة والإعتبار من آن لأخر لكي نعرف أنها دنيا فانية ...
وإنت محظوظ كل يوم وكل ساعة بتتعظ ... ده إنت تحمد ربنا إننا لم نأخذ منك ضريبة إتعاظ .... !!
- طب ما تيجي ياريس تتعظ عندنا شوية ...
- إخرس ... يا ..(....)
دببببب ...
وتم غلق الخط

المكالمة الثالثة:
-الو
-ايون..
-الريس حبيبنا معانا.؟!
-ايون ايوه انا كده.. قول ياحبيبي مشكلتك ايه..؟
-أنا ياريس شاب عندي 29 سنه ومتخرج بقالي 9 سنين ومش لاقي شغل ..ولسة بآخد
مصروفي من والدي وقاعد علي القهوة طول اليوم ... نفسي أشتغل ياريس ...
- أنت غريب قوي يا مواطن ... مش تحمد ربنا إننا مريحينك ..عايز تروح للشقي
برجليك ... وبعدين مالها قعدة القهوة ... إتعلم منها حاجة تفيدك ...ممكن
تبقي بطل شطرنج زي كسباروف وساعتها تعرف إن جلوسك علي القهوة كان مصلحة
...
- ياريس عايز أكون نفسي ...
- ما تكونها يا حبيبي حد حايشك ...؟!!
- أكونها إزاي من غير شغل ..؟؟
- إيه يا مواطن أنا ماسك أعصابي ... إنت عايز البلد تكون ملايين من
الناس.. إحنا فاضيلنك ولا إيه..؟؟ إحنا عندنا عيال بنكونها برضه .... خلي
أبوك يكونك يا مواطن ...
دبببببببببببب .. تم غلق الخط.!!!!

المكالمة الرابعة:
ألو ..صباح الخير ياريسنا يا جميل ...
- ألوووووووووو...صباح الجمال ... أيوه يا شابة .. إيه مشكلتك وأنا أحلها لكي في فمتوثانية ...
- أنا يا ريس عانس ... وصلت لسن 35 ومش لاقية عريس ... نفسي أتجوز زي البنات كلها ويبقي عندي بيت وأسمع كلمة ماما ....
- هههههه ... إنت تحمدي ربنا ...جواز إيه وقرف إيه ...خلفة وطبيخ وواحد متخلف ينكد عليكي ومسئولية ... خليكي كده ....
- ياريس ... نفسي أحب وأتحب ....
- يا مواطنة ... حب الوطن كفاية عليكي ....
- يعني أتجوز الوطن وأجيب منه عيال ..!!!
- يوووه ... إنت مش عجبك كلامي طيب ...
دبببب .. وإنتهت المكالمة

واخيرا وليس اخرا

ياتري يا هل تري لو معاك نمرة الريس هتتتصل بيه ولا لأ؟

وياتري برده ياهل تري لو كلمته هاتقوله ايه ؟

ومتنساش انك مواطن!!!!!!!!!

ياريت يا جماعه اجد تفاعل المره دي
قولوا اللي عندكوا
وحتي ولو كان في كدر مضحك

طب اقولكم قولوا وانا هرد عليكم
انا هرد علي المكالمه

هههههههههههههههه
فعلا ربنا معاك ياريس
بتتعب كتير والله ومحدش مقدر ده
هههههههههههههههههه

هههههههههههههههه

ايه ده هتقولي للريس كده في التليفون ولا ايه يا سمسمه

انا عاوز كلام من القلب
كلام يطلع كده نروح كلنا في داهيه

ايوا

اسمعي كلامي بس
ركزي شويه وسيبي نفسك علي الاخر وابعدي عاشقه عنك
وافتح قلبك وقولي فضفضي لعمو الريس

ههههههههههه
انا بدات اشك فيك على فكره
من كتر المواضيع اللى زى دى
انت شكلك واحد من جماعه الرئيس
وهتودينى ورا شمس

ههههههههههههههههه

يعني بعد الكلام د كله

ابقي واحد من جماعات الريس

طب ياريت

وابقي وصلت لنصف الطريق اللي بحلم به (السلطه)
بس هو لو شاف كلامي
مش هبقي واحد من جماعاته
هبقي من واحد لجماعات تانيه
وساعتها هيبقي اسمي

الطائر الحزين للابد

هههههههههههههههههههه
لا مش كده
يمكن حاطك جاسوس علينا
علشان تعرفهم احنا هنقول ايه

يعني هو ساب مصر كلها
وخلاني انا جاسوس

وعلي مين

عليكي انت وعاشقه ونبض

يا بنتي انتوا اكبر من كده بكتير [ندعوك للتسجيل في المنتدى أو التعريف بنفسك لمعاينة هذه الصورة]

انا بس جاسوس عليكم انتم الثلاثه

دا كل واحده فيكم عاوزالها تلاته
دا علي اساس ان البلد بتفرق جواسيس علي التموين

صباح الخير على كل الموجودين

وكل سنه وانتم طيبين
ويارب تكون سنه 2010
سعيده على الناس كلها

يعني انت جاي تعيد علينا هنا يا عاشق
ما المواضيع كتير

ولا انت عاوز اسمك يسجل في اسماء المطلوبين

علي فكره

عاشق مش عضو جديد ولا حاجه
دا قديم
بس ما كانش بيشارك
واعز اصدقائي

زائر

والله انت مشكله يا طائر

ربنا يستر بقي علينا
واوعي تاخدنا معاك من غير ذنب

ايه يا طائر انت داخل فيا شمال كدا ليه

يا اخى ده احنا لسه بنقول يا هادى

واديك خوفت الاعضاء منك

والنسبه لقائمه المطوبين اللى انت بتتكلم عنها دى

انا عاوز اعرف مطلوب لايه بالظبط

وعلى فكره يا شباب

الطائر والعقرب يعتبروا من اقرب الناس ليا

ربنا يديم المحبه بينا

وغلاسه بقى يا طائر

كل سنه وانتم طيبين مره تانيه يا شباب بالعند فى الطائر

يلا يا رخم

الواد ده انا ما اعرفوش اصلا

زائر

طيب الشباب يردوا بقي

تقريبا هنا الاغلبيه للبنات

[ندعوك للتسجيل في المنتدى أو التعريف بنفسك لمعاينة هذه الصورة]

بس وانت طيب
ولا يهمك م الطائر خالص
ده اخويا ومش هيزعلني ابدا

ههههههههههههههههه

انا لو منك اولع في نفسي

او اقولك
ما ادخلش هنا تاني

زائر

الكلام لمين؟

ههههههههههههه
وانت طيب ياعاشق
ومنور المنتدى

وسيبك من الطائر ده

مش هيقدر يعملك حاجه اصلا

انا شكلى كدا خبطت

انا ما اقصدش خالص يا نبض

وبعدين يا نبض

الشباب دى تمشى كدا وكدا

وبعدين وانت مالك يا طائر

شكرا ليكى يا سمسمه

وبعدين انا عارف ان الطائر ميقدرش يعمل حاجه

ده هو ماشى على المثل اللى بيقول

خدوهم بالصوت ..............

لا نقاش نقاش الصراحه

بالمناسبه اهلا بيك يا عاشق الظلام
انا يابنى صاحبك و مش متبرى منك

العقرب العجوز المبرمج كتب:: لا نقاش نقاش الصراحه

احذف عضويتهم ياعقرب
طبعا انا مش منهم [ندعوك للتسجيل في المنتدى أو التعريف بنفسك لمعاينة هذه الصورة]

اقعدي ساكته انت

دا هو نفسه يعملها

يعنى الحق عليا بشجعه

قال اتصل قال

انا طبعا

هاديلة رنة وهو الى يتصل هو انا هبلة ولااية [ندعوك للتسجيل في المنتدى أو التعريف بنفسك لمعاينة هذه الصورة]
دانا حتى سالفة 3 جنية
قال اتصل قال [ندعوك للتسجيل في المنتدى أو التعريف بنفسك لمعاينة هذه الصورة]

ربنا ينتقم منك

زائر

هههههههههههههههههههههههههههههه
حرام عليك
البنت لسه تعبانه
وانت بتدعي عليها

انت ياض انت ياض انت

انت بتدعى عليا لية
هو انا ناقصة ياص انت ياض انت
مااااااااااااااااااااااسى ماااااااااااااااااااااااسى يا طائريابن عم رخ ماااااااااااااااااااااااااشى [ندعوك للتسجيل في المنتدى أو التعريف بنفسك لمعاينة هذه الصورة]