مراجعة مع التدقيق

السلام عليكم ورحمة الله وبركاته

أعضاء المنتدى الكرام

الصراحة أنا مش عارف أقول إيه

بس بجد بجد أنا حزين على الحال اللي المنتدى بقى عليه

ماينفعش الكلام ده يا جماعة بجد حرام الجو اللي كان فيه المنتدى ده وماشوفتش

أي منتدى فيه الجو ده إنه ينتهي

يمكن بقى فيه ناس كتير مننا مشغولين وكده

بس أكيد هيبقى فيه وقت فاضي ولو على الأقل نص ساعة في اليوم

ومن هذا المنطلق

أتت إلي هذه الفكره

إن كل واحد فينا يخش كل يوم على المنتدى يكتب بإختصار

هوه عمل ايه النهرده يعني مراجعة عامه على اليوم

مع التدقيق على الحاجات الغريبة أو اللي لفتت إنتباهه

وذلك لكي تعود روح المنتدى من جديد ويعم الخير والهنا على النت هههههههههههههه

دي كانت الفكره

ياريت تردو وتقولو رأيكم في الفكره

منتظر أرائكم

جميله الفكره - معاك

يا سلاااااااااااااااام علي الافكار
اول حاجه شدتني النهارد الوان لبس الشباب اللون الفوشيا كان تمام زي بلوزات البنات
هههههههههههههههههههههههههههههه

______________________________
فين تعليقك ياعقرب بقي

يا حلااااااااااااااوة

مفيش حاجة شدتك النهرده غير الألوان الفوشيا

ههههههههههههههه

عموماً خير

أنا النهرده الحمد لله صاحي على الساعة 4,5 العصر لإني كنت نايم الساعة 9 الصبح

كان عندي مشكلة بقالي كذا يوم في برنامج كده كنت بعمله الحمد لله حلتها

وبعدين خرجت مع العقرب

وجيت

رايق -

صحيان السادسه صباحا و السادسه و عشرة دقايق صباحا برده
طبعا لان اما المنبه بيرن بطفيه و انام عشر دقايق و اقوم تانى

---

محاضرات ف الكليه من دور لدور و من صاله ل صاله

الملحوظه بتاع اليوم بقى

محاضره كان فيها طلبه كتيييييييييييييييييير اوى
معظمها من الفرقه الاولى

طلاب الفرقه الاولى - قاعدين ف اول تلت بنشات
كل واحد ماسك القلم و عمال ياعينى يكتب و يدون ف ملاحظات
يبقى يقابلنى لو استفاد بيها ف حياته غير لو حب يرغى ف موضوع تعبير
و بيسال دايما عن الفرق بين السالب و الشرطه اللى ف بداية المثال

طلاب الفرقه التانيه -
نصهم بيكتب و النص التانى شايل الماده قبل كده مره و ماسك الكشكول القديم
و برده مركز جدا مع الدكتوره --
مع ان المثال اللى الدكتوره بتحل فيه بيتلغى ف نهاية الترم اصلا !!

و طلاب الفرقه التالته -

حذفو الماده بعد اول محاضره

و اخيرا الناس الكبااااااااااار اوى
انا و امثالى ف اخر البنشات -

بس -

------------------

التعليم باظ

هههههههههههههههههههههه

لا فعلاً أنا كده حسيت إنك بئت خبير في الكلية يا حوده

ههههههههههههههه

النهرده بقى كان يوم غريب أوي

بداية اليوم وأنا بقفل المنبه على الساعة 8 و نصف

وبقول مش مهم الكلية النهرده

واللي ماحضروش النهرده أحضره بكره

ده طبعاً لإني نايم الساعة 7 ونصف

وقولت هنام ساعة وأقوم

المهم صحيت على الساعة 5

مالقيتش اكل

قولت لاخويا عاوزين نتغدى وبتاع

خد فلوس ولا حاجة وهات لينا غدا

قالي تعالى نروح سوى

قولتله خلاص أخد دش ولا حاجة ونروح

طلعت لقيته راح يصلي

وأنا طبعاً مش فاضي

رحت لمحمود باشا ضاهر

نشوف بعض الكتب التي سنقرأها لننقد الأشياء السيئة بها

وبعد كده رحنا كلنا أحسن سندوتشات فول على طعمية وجبة بطماطم " بس الراجل ضحك عليا وإداني جبنة بخيار والله " ده تهريج

وجيت على البيت

لقيت يا عيني إخواتي مستنين أكل

كله مع نفسه بقى

بس أحسن حاجة فرحان بيها النهرده

إن محمود كان عايش حالة

من التوهان والسرحان

والتفكير والمناقشة الجادة مع الزملاء

وتصعي الموقف إلى أقل المستويات

علشان المبايلات الصيني اللي هتتقفل

هههههههههههههههههههه

زائر

هههههههههههههههههههههههههه
انا بجد المنتدي وحشني جداااااااااااااااااااااا
بس للاسف جات فتره كنت انا وسمسمه وعاشقه بس
اللي ع المنتدي فزهفت بنتكلم ونرد ع نفسنا
وطبعا فعلا انشغلت جداااااااااااااااااااااااااااااااااااا الترم ده
بس طبعا كنت بدخل اشوف الدنيا عامله ايه

المهم
النهارده كان يوم جميييييييييييييييييييييل جداااااااااااااااااااا
لان اسلام ابن عمتو كان عندنا طووووووول النهار
صحيح مش قعدت معاه كتير
بس قعدت معاه وقت كان احلي وقت ممكن اقضيه
ربنا يخليه لينا يارب واشوفه احسن حد في الدنيا دي كلها

يا رب يارب

بس ما تخبيش عن المنتدى كتير تاني كده

لإن بجد أنا أما بعدت شوية حسيت فعلاً إن فيه حاجة نقصاني

وما شوفتش منتدى فيه جو زي المنتدى بتعنا .

.......................................

أما بقى بالنسبة للأحداث الأخيرة في حياتني

فكانت هناك أمس رحلة متجهة على خطوط القطار المحلية في تمام الخامسة والربع

متجهة إلى محافظة القليوبية بالأخص مدينة بنها .

كان على متن هذه الرحلة العالمان المتواضعان جداً جداً جداً إبراهيم فايد , ومحمود باشا ضاهر

ثم إلتحق بالوفد صديق من محافظة مجاورة يسمى أحمد صلاح . وكان برنامج الرحلة عند

الوصول عبارة عن رحلة إستكشافية عن المطاعم ثم إلى محلات الجاتوه ُثم إلى أفضل القهاوي

اللي ملقناش عليها ولا موز باللبن ولا شاي بالنعنان ولا حجات ساقعة , ثم إنتهى البرنامج بزيارة

إلى كورنيش مدينة بنها , وفي نهاية الرحلة ودع الوفد مدنية بنها بزيارة أوحش مطعم كشري فيه

شطة وجعت البطن , وشراء أيس كريم في عز البرد . ثم انتهت الرحلة في تمام الساعة 12 و

الربع وغادر الوفد محافظة القليوبية في أخر قطار متجه نحومدينة العظماء" علشان إحنا فيها طبعا"

مدينة سرس الليان .

هذا كان بالنسبة لإمبارح .

أما النهره فيبقى الوضع على ما هو عليه وعلى المتضرر اللجوء للقضاء

كان معكم من على السرير قبل ما أنام

إبراهيم فايد

و على كورنيش بنها
يطول الكلام

صحيح نسيت أقول

أحلى حاجة وإحنا مروحين رحت لبتاع التذاكر وبكل جديه

لو سمحت اتنين بنها

الراجل خد الفلوس وجي يطبع التذكرة

بعد كده إنتبه

راح قايلي بنها

أتاري إن إحنا في بنها

قولته منوف منوف

سوري الراجل قعد يضحك ضحك

بس كان شكلي إنما ايه

يانهر أبيض

موقف مضحك بجد

زائر

هههههههههههههههههههههههههه
لا المهم حكاية بكل جديه دي
هو ده اللي ضحكه

يا جماعه لما انتوا رايحين بنها مش بتقولوا ليه
ابقوا عدوا علينا احنا في النص

========
مش عايز تيجي يا ابراهيم كليتنا كنزهه يعني
؟؟؟؟؟

ياريت لو يوم السبت الجاي ان شاء الله
في ندوه ان شاء الله جميله جداااااااا
واهو كمان نشوفك

والله أنا كنت عاوز أحضر الندوة بتاع يوم السبت

بتاع الدكتور عمرو مسعد

بس حصلي ظروف كده

بس إن شاء الله هحاول أحضر الندوة الجاية دي

فربنا ييسر كده إن شاء الله .

---------------------

هوه مفيش حد بيحكي عن اللي عمله في يومه ليه ؟؟

مش معقوله يعني أنا بس اللي هحكي ..

ههههههههههههههههههههههه
حلوه اووى بتاع القطر دى
حصل معايا نفس الموقف
بس مع بتاع التوك توك

المهم
النهارده عادى روحنا الكليه
وكان عندنا وقت فاضى كتير
فكنا قاعدين انا واصحابى
قلنا نلعب لعبه
اللعبه هى
ان كان معانا كتاب فى اسئله وجوابها
والاجابه كلمه واحده
فا واحده خدت الكتاب علشان تسئل
ونشوف فى الاخر مين هيجمع اكبر نقط
المهم
فيه سؤال كان
الكائن الحى الوحيد اللى ينام على ظهره؟
وكان علشان التسهيل
بتقول اول حرف من الكلمه
فكان اول حرف الألف

فلقنيا عاشقه قالت أسد
يالهوى على الضحك اللى ضحكناه
قلتها على اساس انه بينام وبيرفع الاربع رجول لفوق
ههههههههههههههههه
قالت امال هيكون مين يعنى
قلنلها الانسان
ضحكت وقالت
اه صح

كان يوم حلو
رغم خنقه المشروع
بس ضحكنا فيه شويه حلوين

كان يوم جميل و كله ف العادى

بس انتهى مش حلو خالص
الحمد لله على كل حال

اتعورت ف ايدى و سالت الدماء
كدت اموت

غرقا ف الدماء

بس جرح القلوب و المشاعر اصعب ب كتير
يبدو ان ايام سعادتى ف الدنيا
بدا الحزن فى التهامها

ههههههههههه

يا نهر أبيض يا عاشقة

أسد مره وحده

ههههههههههههههه

ههههههههه

بجد فعلاً من أجمل الحجات

أما الواحد يقعد مع شوية زمايله بس يكونوا كتير

ودمغاهم زي بعض

تلاقي إيه جو مالوش حل

-----------

إيه ده ياعقرب إنتى بتقول ايه

وفي الأخر هتلاقيها شكة دبوس

لو مش شكة دبوس

يبقى إنت إتغيرت نهائياً

وهبدأ أقلئق عليك

وعلى مستقبل المهني

هههههههههههههههههههههههه

زائر

ههههههههههههههههههههههههههههههههه
برافو عليكي يا عاشقه
طول عمرك رافه راسنا
"اسد"

===============
ايه يا عقرب كده انت عايز زياره
ب 3 كيلو قشر موز ولا حاجه

ربنا يفك كربنا جميعا

-----------------------
انا بقي امبارح الحمد لله الحمد لله
كااااااااان يوووووووووم لذيذ جدااااااااااااااااااااااااااااااااا
بجد لدرجة اني كنت مش عايزه انام عايزه كنت مش عايزه اليوم يخلص
ولا الوقت يعدي خاااااااااااااااااااااالص
بس اهو ده حال الدنيا وقت الفرح عمره قصير
بس حلاوته بتفضل معاااااااااااك فتره لا بأ س بها
وكمان بتكون عونا لينا في الاوقات الصعبه
الواحد يفتكرها ويفك عن نفسه شويه بشويه ضحك ولا حاجه
بجد مش قادره اوصفلكم اليوم كان جيمل ازاي
يارب يتكرر تاني كتيييييييييييييييييييييييييييييييييييييييييييييييييييييير

يارب اجعل ايامنا كلها سعيدة يارب

النهرده كان يوم مش عادي طبعاً

النهرده حصلت معجزة

النهرده ولأول مره أنا وأحمد أخويا والعقرب وابن خالي وزمايلنا كلهم

نأجر ساعة في النادي ونروح نلعب كورة بجد شيء مش طبيعي

بس احلى حاجة

إن بعد أما خلصانا العقرب أول ما يشوف حد قوله أنا دخلت 8 تجوان النهرده لوحدي

نقوله والنتيجة كانت كام كام يقول 4 - صفر

هههههههههههههههه

بس كان يوم جميل

لعبنا كورة

وسهرنا سوى

وعندي إمتحان بكره

والدنيا ايه

ربنا يستر

يارب