انا مصرى

موضوع: انا مصرى الثلاثاء يونيو 01, 2010 12:23 am

أنا مصرى

أنا مصرى إبن مصرى وليا الشرف
برغم المهانة برغـــــــــــــــم القرف

برغم الزبالة اللى مالية الشــــــوارع
برغم الفســـــــــــاد اللى بيه أعترف

سمو معـــــــــــــــالى رئيس الوزارة
نتيجة موظف بسيـــــــــــــط أنحرف

برغم المجاعة اللى داخلين عليهــــــا
وفينا اللى عـــــــايش حياته فى ترف

برغم البطــــــــالة فى أوضة وصالة
برغم أن أخر جنيـــــــــــــه اتصرف

برغم طـــــــــــابور الصباح السخي
فوكل منايا يادوب كــــــــــــــام رغيف

برغم أسايـــــــــا لمنظر عشايـــــــــــا
وأقول مش مهم يــــــــــا واد نام خفيف

برغم إنى شايف بــــــــــلاوى وساكت
وعايش مطنش كـــــــــــــــــأنى كفيف

برغم وزارة رئيسهـــــــــــــــا حرامي

وشـوفوا البجاحـــــــــــــة يقولوا نظيف

برغم الســـــــــــلام اللى غرقت بناسها
برغم العيـــــــال اللى ساكنة الرصيف

برغم حكومة شعـــــــــــــارها الكلام
ورغم رئيســـــــــــــــــنا عليه السلام

ورغم أن كله يــــــــــــــا عالم بيغلى
إلا كرامتى بترخص قــــــــــــــــوام

برغــــــم إنى عايش في بلدى فريسة
ووجبة شهية لبعض اللئـــــــــــــــــام

برغم أن كـــــــــــــل تاريخك يا بلدى
فى عهد جنابه كـــــــــــــلام فوق رخام

برغم ده كله يــــــــــــا مصر بحبك
وطظ في ***هم ودا آخـــــــــر كلام

احمد فؤاد نجم

موضوع: رد: انا مصرى الثلاثاء يونيو 01, 2010 6:21 am

حلوه اووى
بس فى الاخر
الحمد لله
احنا احسن من بلاد تانيه كتير

جميل ياعقرب

موضوع: رد: انا مصرى الثلاثاء يونيو 01, 2010 10:56 pm

ثانكس سمسمه ع المرور

زائر

تحفه بجد
حد جاب خلاصة البلاوي
حد حاسس باللي فينا واتكلم
ناس تانيه بتقول ياعم احنا مالنا
خلينا في حالنا

يلا الحمد الله الذي لا يحمد ع مكروه سواه

موضوع: رد: انا مصرى الأربعاء يونيو 02, 2010 3:15 am

انا ماليش دعوه
انا بحب مصر و بحب النظام

زائر

هههههههههههههههههههههههههههه

المصري اللي بجد يقول للغلط لا

الناس اللي بتحرد ناس وتقول ماليش دعوه

سووووووووووووووووووووسه