العب وامرح وتعلم

بسم الله الرحمن الرحيم

ان شاء الله دي لعبة تعجب كل الاطراف

من تايجو لـ امير لـ سما لـ تلموذ

امهند

تعني المهم

عايزين نبئي شباب ملمين بالمعرفة ومنها نلعب ومنها نتعلم .

بمعني

انا مثلا عاوز معلومة عن حاجة معينة اطلبها والي بعدي يجاوبها

انا هبدا

ما هي الـ HTML

واختصار لايه وفيما تستخدم

بس باريت في الانجاز

وطبعا الموضوع مفتوح لو حد عاوز يضيف شرط او يلغي شرط يعني احنا مع بعض

بس انا من رئيي لو انا حددت عضو معين هو الي لازم يجاوب مع وجود فرصة للاخرين بس طبعا بعد ما يعلن فشله يبئي احسن

وانا اختار تايجو

لغة الHTML هى اختصار ل Hypertext Markup Language وتستخدم هذة اللغة فى تصميم صفحات الويب حيث لا تخلو صفحة ويب من كود HTML

وشكرا يا تلموذ على اللعبة الجامدة دى

فين سؤالك؟

اية الفرق بين الجافا اسكربت والجافا؟

يا ريت يا تيجر تحدد واحد يجاوب ما تسبها كدة؟؟؟؟؟
شكرا على اللعبة الجمدة جدا دى

خلاص ياامير جاوب انت وخلاص

هى لعبة حلوة

بجد بس المشكلة ان الواحد لسة مبدأش فى البرمجة واقسام الحاسب اوى

يعنى مش هعرف افدكوا
بس هستفاد

من البداية الكلام دة منقول
بداية , لا يوجد ارتباط بين لغتي البرمجة : الجافا java والجافا سكربت java script , فكل منهما مستقلة تماما عن الأخرى حتى وإن تشابه اسماهما.

لغة الجافا هي المستخدمة لصناعة الجافا أبلت java applet , بينما تستخدم الجافا سكربت - اللغة - لصناعة الجافا سكربت - المؤثرات - ومثلها ال dhtml - (dynamic hyber text mark up language) , لغة ترميز النصوص العليا الديناميكية - .

لغة الجافا قامت بتصميمها شركة صن مايكروسستمز sun microsystems وهي أكثر اللغات الثلاثة تعقيدا وقوة , وهي لذلك تأخذ حجما كبيرا وقد تؤثر بقوة على سرعة تحميل الصفحة المستخدمة فيها , عادة ما يتطلب استخدام هذه اللغة وضع ملف مساند بالامتداد class - مثلا lake.class - وأحيانا بامتدادات أخرى مثل .java , .jar .

أما الجافا سكربت فهي أيسط وأقل حجما , وهي من إنتاج شركة نتسكايب netscape , المشهورة بمتصفحها نافيجاتور navigator , فلنفرق بين لغة الجافا سكربت - أو تنصيص الجافا - وتأثيرات الجافا سكربت - نصوص الجافا - , فنحن نستخدم اللغة لصناعة التأثيرات , هنا يأتي التشابه بين الجافا سكربت والdhtml , فالdhtml هي تأثيرات مصنوعة باستخدام لغة الجافا سكربت , وهي تتشابه في ذلك مع مؤثرات الجافا سكربت , بعبارة أخرى : لغة الجافا سكربت تستخدم لصناعة شيئين : مؤثرات الجافا سكربت , ومؤثرات الdhtml .

تمام اوي
وبتئولي ملكيش في البرمجه

ربنا يكرمك

بس فين سؤالك عشان اللعبه تمشي؟؟

اية افضل لغة برمجة يبتدى الواحد بيها

وتفيدة فى الشغل
وتبقى مية مية لو قلت اماكن كويسة الواحد يدرس فيها

من وجه نظري

ان افضل لغه هي السي شارب
ولها مجالها في الشغل
بالاضافه لتصميمم المواقع بالASP

وحسب ميل كل واحد بئي

اما بالنسبه للاماكن

الواحد لازم يجرب مع نفسه الاول من خلال الكتب والفيديوهات
ولو منفعش او في صعوبه يبئي يدور عللي مراكز للدورات

وفي في طنطا مراكز كتيره
زي IBM
و مركز هاي كيو

وفي في مصر

مركز ال Yat

وان شاء الله في اقرب فرصه هنعمل قسم لمراكز الدورات واماكنهم

السؤال
مالفرق بين ال
JSP
و
ASP

بكل بساطة انا ما عاوز أتقل فى الاجابة قوى فى الاجابة
بس الاول أحب أهنى سمــــــــــــــــــا على البروفيل الجديد الرائع دة
الاجابة هى
JSP وحدة تعتمد على الجافا والثانية ASP على الفيجول بيسك
JSP وحدة خاصة بمايكروسوفت والثانيةASP لاي نضام تشغيل
لكن سؤالي من ناحية الافضلية ؟؟؟؟

تمام ياتلموذ بس انا شايف ان افضل لغة هى الجافا لان هى اقوى من السى شارب لان ال application المعمول بيها بيبقى متوافق compatibilityمع كل انظمة التشغيل
واكبر مثال على كدة ان برامج الموبيل Mobile application بتبقى بالجافا رغم ان انت تقدر تعمل نفس البرنامج بالسى شارب
الفرق بين ال asp وال jsp
الاتنين بيستخدمو لتصميم صفحات النت بس ال asp دى بنكتبها بال syntax بتاع السى شارب
وال jsp دى بتنكتب بال syntax بتاع الجافا تانى حاجة فى فرق بين صفحة ال jsp ان لما بتعمل طلب لصفحة اول مرة بتحمل ببطى لانة بتنزل على جهازك حاجة اسمها ال servlet انما بعد كدا لما بتطلب الصفحة اللى بيحصل ان بيعاد عمل compile لهذة ال Servlet
وبتالى تكون اسرع انما فى ال asp كل مرة بتطلب الصفحة بتحمل كاول مرة دا والله اعلم

اية الفرق بين ال ADO.NET وال JDBC

ايه ياجماعه محدش عارف ولا ايه

ولا يمكن اللعبه مش تمام

لو اللعبه مش تمام نحذفها

لو تمام نثبتها
اختارو حاجه

نثبتها دى لعبة حلوة جدا

طيب شاركوا بئي

انا من راي انا شايف ان دي لعبه مفيده جدا بس لو الاعضاء اهتموا

اللعبة دى تمام والله
أشتركوا معنا

خلاص حد يحط سؤال جديد علشان احنا مش عرفين

سؤال تايجو

بالنسبه لل ADO.NET بيتعامل مع السي شارب ويربطها بقاعده البيانات وهي تعتبر اكواد معروفه للربط بين SQL وبين السي شارب

اما JDBC
نظام يتعامل به ال Java مع قواعد البيانات

دا الي انا اعرفه وياريت تايجر يصحح لنا

السؤال
ماهو الكلاس والوراثه
وبالعموم ماهو OOP
اتمني استمرار اللعبه

الوراثة inheritance هي شكل للبرامج software المعدّة للاستعمال مع الفئات classes الحديثة والتي أنشئت من فئات موجودة مسبقاً وأخذت عنها خصائصها وسلوكها وأضافت إليها القدرات التي نحتاج إليها في هذه الفئة الجديدة. الوراثة ماذا تعني عملياً؟! تعني بالضبط ما الذي تم وراثته و كيف يمكن التعديل عليه وما الذي لا يمكن وراثته - هذه الخاصية توفر الكثير من الوقت للمبرمج

ياريت حد تانى يجاوب على السؤال كامل

شكر ياسما ع المشاركه

وبعدين احنا بنفيد بعض يعني دا مثلا الي انت عرفاه عن الوراثه غيرك لو عارف حاجه يفيدنا بردك

وبعدين فين سؤالك؟؟؟؟؟؟؟؟؟؟؟؟؟؟؟؟؟؟؟

ماهو الاوركل؟؟؟؟؟؟؟؟

بصى يا ستى الاوراكل دا برنامج لعمل قواعد البيانات حاجة زى الاكسيس والسكول سيرفر الا ان لية ميزة انة يعتبر stand alone يعنى فى السكول سيرفر بنعمل قاعدة البيانات لكن عشان نتعامل معها لابد ان احنا نعمل النموذج form من خلال السى شرب مثلا بينما فى الاوراكل لا انا بعمل قاعدة البيانات وبعمل بردة الفورمة ودا طبعا بيدى قوى اكتر

ويعتبر الاوراكل الاقوى فى مجال قواعد البيانات لية؟
عشان نجاوب لازم نعرف الناس ازاى بتختبر قوة قاعدة البيانات ودا بيبقى من خلال انهم يحطو قاعدة البيانات ويدخل الف واحد مثلا يطلب بيانات من قاعدة البيانات ونشوف امتى قاعدة البيانات دى تقع فمثلا حاجة زى نتيجة الثانوية العامة شوفى كام واحد بيبقى بيطلب بيانات من قاعدة البيانات فى نفس الوقت فمثلا الاكسيس يقع لو مثلا مائة الف واحد طلب بيانات فى وقت واحد السكول اكتر شوية الاوراكل بيقى صعب يقع
الحاجة التانية مساحة قاعدة البيانات فالاكسيس اكبر مساحة لقاعدة البيانات بتاعتة 2 جيجا
السكول اكبر شوية الاوراكل كبير جدا
عشان الاسباب دى واسباب اخرى بيعتبر الاوراكل من اقوى برامج قواعد البيانات
مش عارف ان كدا وصلت الفكرة ولا لا ودا سوال للبعدى عشان لو لا احاول اوضح ولو اى اسال سوال تانى؟