انا والنجوم ومشاكلك

ردك عجبنى اوى يانوررر

وبصراحه بالنسبه للمشكله
مش عارفا
بس اعتقد رد الطائر تمام

زائر

يا نور انتي حالفه حتي لو الموضوع ميخصنيش انك تنكشي عليا؟

ع العموم بصي يا انسه

خلي الموضوع اسهل من كدا بكتير

انتى لو معجبه بيه مش هتروحي تقوليليه ولا تحاولي تعرفيه ولا تحاولي تعرفي موقفه

لان دا عقلكم ودا تفكيركم وانتو حرين وانا بحترم التفكير دا

يبقي الحل التاني اللى هيغير الاحوال انه هوه اللى يجيي يتكلم

جه اهلا وسهلا مجاش برضوا اهلا وسهلا

انا ف دراستي وهوه ف دراسته

وعسي ان تحبو شيئا وهوه شر لكم

يارب اكون افادتك

رغايه رغايه

بس ايه الكلام الكبير ده

فاكهه وموسم ونقطف ويستوي

احنا قاعدين في جنينه ولا ايه

ههههههههههههههههههههههههه

فية اية يا سويت

مالك
انا مالى بيك انا عملتلك حاجة دا اية دا ياربى
ماقولش راى كمان Evil or Very Mad

وشكرا يا طائر

اولا كل واحد بياخد نصيبة

ثانيا المواضيع دى بتكون حساسة جدا
يعنى اوعى تبانى ضعيفة اودامة او تحسسية باى حاجة
وانا من راى انك تبعدى لو فى اى حاجة من نا حيتة هو الى هيقرب
مشاعرة هية الى هتحركة
وانتى قولتى انة بيكلمك غصب عنة
عمر مافى اى حد معجب بواحدة ولو لدرجة بسيطة ويتكلم معاها غصب عنة
صدقينى مستحيل
وانا من رايى انك تبعدى عن الشخص دة انا عرفة انة صعب بس حاولى

زائر

انتى بريئه يا نور

بريئه

[ندعوك للتسجيل في المنتدى أو التعريف بنفسك لمعاينة هذا الرابط]

ههههههههههههههههههه

والحكم لسه بيديلوا كارت احمر

هههههههههههههههههههه

شكلى كلامى جة على الجرح يا سويت Very Happy

معلش بقى
انا دا عيبى
صريحة اوى Very Happy

زائر

سبحان الله يا بنتي

انا اعرف بنات بيبقوا مرتبطين اول ما يلاقو شاب احسن واشيك وتررم

يسيبو اللى كانو مرتبطين بيهم ويجرو علي دول

يبقي انتو كلكم كدا ؟

احنا برضوا مش كدا زي ما فيه سويت وفيه عقرب وفيه تلموذ و الطائر

فيه غيرنا

صوابعك مش زي بعضها خالص

وبلاش انتى بقي يا نور

ماشي ؟ بلاش انتي

اية بلاش انتى بقى يا نور دى

طبعا انا مش لاقيه حاجه اقولها بعد كلام الطائر ونور

بس يعني هو في حاجه استوقفتني

هو انتي صليتي صلاة الاستخاره على اي اساس؟؟

يعني صليتيها ليه تحديدا؟؟

انا بس عوزه اقلك حاجه واحده

سواء معجب بيكي او لا

شيلي الموضوع من دماغك

لان انتي اغلى من انك تنتظري انه يجي يقلك موقفه من ناحيتك

هتقولي ما يمكن بيتحرج او خايف من رد الفعل لانك زي ما بتقولي بيحترمك

هقولك هو لو بيتحرج قيراط انتي بتتحرجي اربعه وعشرين

وطالما هو مش محدد موقفه

انا انصحك انك تشيلي الموضوع من دماغك

وصدقيني انت لو عاوزه بجد هتقدري

انا متاكده ان كلامنا دايقك

بس بجد احنا عاوزين مصلحتك

وهقول حاجه اخيره

تخيلي لو اتقدملك حد كويس جدا وانتي لسه بتكلميه

هيكون موقفك ايه؟؟؟

بجد مش عارفة اقول ايه بعد الاراء الجميلة دى

وفعلا كلام نور صح كل حاجة باوان

وياريت تسمعى كلام نور ونسيبة والطائر لان كلامهم جميل جدا

بشكركم جميعا على ردودكم

اللى ريحتنى كتير اوى

بس يا طائر كنت عايزة اقول لك حاجة انا عارفة شروط صلاة الاستخارة كويس جدااااااااا

وكمان انا قلت بعد الصلاة ما كنتش بفكر فيه خالص لحد ما حلمت حلم انا عن نفسي بقيت مستغربة جدا للحلم وازاى احلم بحاجة زى كدا وما كنتش بفكر فيه خالص ساعتها
وكمان يا طائر انا كان سؤالى نفسي اعرف تفكيري دا وسوسة شيطان ولا نتيجة صلاة قضاء الحاجة وصلاة الاستخارة

وبعدها بدا الموضوع ازاى مش عارفة
اما بالنسبة للحب انا معاهدة نفسي ما حبش غير اللى هيكون من نصيبى

ودا السبب يا نسيبة اللى مخلينى اصلى صلاة الاستخارة
لانى لما بحس انى معجبة بحد او بمعنى اصح بشوف فيه صفات انا بتمناها بصلى صلاة الاستخارة عشان لو مش هو دا الانسان اللى انا بتمناه واللى هيكون من نصيبى

يبقى عادى زى اى شخص والشيطان ما يوسوسى لى ويصورلى انى بحبه

ده الكلام اللي يزعل

انا لما اكلمت علي صلاة الاستخاره

اكلمت علي اللي انا شايفه من طريقة كلامك

وحكايه صحيحه او مش صحيحه

مقبوله او مش مقبوله

فالله اعلم

وربنا يوفقك

انا رايي انك تشيلي الموضوع ده من دماغك نهائيا

وتركزي في دراستك

ولو ليكم نصيب هيحصل

محدش بياخد اكتر من اللي ربنا كاتبه ليه

انا بجد نفسي اساعدك

او حتى يكون كلامنا نفعك ولو بجزء بسيط

حاولي تقربي من ربنا جامد

واطلبي منه انه يبعدك عن كل حاجه لا يرضاها لكي

وزاخلصي ف الدعاء بجد

وربنا مش هيسيبك

عمر ما حد بيلجئ لربنا وهو واثق فيه بجد الا وربنا بينصره

صدقيني

زائر

اللهم قوي ايمانكم

مع احترامى الشديد لحضرتك

انتى قولتى انك صليتى صلاة الاستخارة شئ جميل وانك حلمتى حلم يبشرك بالخير شئ اجمل

واللى فهمته من كلامك انك ما كنتيش بتفكرى فيه بعد صلاة الاستخارة لحد ما حلمتى

وبعدها بداتى تفكرى فيه صح

معنى كلامك دا انك بعد ماحلمتى خير حطيتى فى دماغك ان هو دا الانسان اللى فعلا بتتمنيه

بصى هقول لك على حاجة
كان في ناس جية تتقدم لى بابا سعتها قال لى كلمة جميلة اوى

(طبعا هتستغربوا ازاى بقول بابا وانا قلت قبل كدا ان ابى وامى متوفين دا جوز اختى هو واختى اللى مربينى من وانا عندى 5 سنين )
قال
لى ايه يامنال لو حصل نصيب وتمت خطوبة مش عايزك تحطى في دماغك ان هو دا
نصيبك الا يوم كتب الكتاب عشان لو ما حصل مشاكل وحبينا نسيبه او العكس منا
تتعبيش نفسيا

فدى كانت غلطتك انك حطيتى فدماغك ان هو دا الانسان اللى بتتمنيه

فركزى فى دراستك ومذاكرتك

وكونى على يقين تام ان لو هو دا نصيبك هيكون ليكى وخاصة انك مصلية صلاة استخارة

وربنا يهديكى ويقدم لك اللى فيه الخير

يا سلام عليك يا سويت

لما تتريق عليا

والله مش بزعل منك مش عارفه ليه؟؟

قول انت ليه؟؟

زائر

والله انا قربت يجيلي عقده نفسيه من البنات

سويت !!

زائر

اقولك ليه يا نسيبه

عشان انتى تستاهلي اللقب اللى مطلعه عليكي

انك اجدع عضوه ف المنتدي

دا تخميني ؟

او تقدري تقولي بمعني اصح

بحرججك

وانت مالك يا عقرب ؟

انا اتكلم او متكلمش ؟

وبعدين ما بلاش انت وانت عارف انا ناوي لو العيد عدي منغير ما .......

هعمل معاك ايه

زهقانه ومش عارفا ازاكر

وبضيع وقت كتير
اعمل ايه Sad

مليش نفس للمذاكره خالص والامتحانات خلاص بتخبط عالباب :face:

اكيد كلنا بنبقي كده في اوقات كتير

بس حاولي تبصي لقدام

لو انت ما ذاكرتيش شوفي ايه اللي يحصلك

ايه اللي هيترتب علي عدم مذاكرتك

فين هدفك اللي انت المفروض تكوني حطاه في ذهنك دايما

اللي المفروض تحققيه بعد الكليه

كل الحاجات دي هتخليكي تذاكري

وتوكلي علي الله

زائر

لا بقي بجد انا مراعي شعورها

عارف ليه لاني طبق الاصل من مشكلتها

انا وبلا فخر مفتحتش غير مادتين اتنين م اللى عليا

وكل واحده فيهم مزكرتين

يعني بالصلاه ع النبي كدا معرفش حاجه عن اي حاجه

ومكنتش بحضر ف الكليه يعني اانا معتبتش باب المدرج دا ابدا

ولا اعرف شكل الدكاتره دول عاملين ازاي

و والله العظيم ما اعرف المواد بتاعتي بتتكلم عن ايه

بسبب الاختراع المنيل اللى اسمو النت دا

ومش عارف افصله من عندي والله

انا من رأيي تفصلي الحاجه اللى مخلياكي متزاكريش

يعني لو النت افصليه

الدش شيليه

التليفيزيون ولعي فيه

وسويت تشكري فيه

عشان الشعر اللى بيألفه فوق دا

شدي حيلك وادعيلي