| | جماعة الإخوان المسلمين وعمرو خالد |  |
|
+9أمير الــــــــزمان ساسو نور كنزى Tiger golden flower rose jelly نُسيــــــــــبة سعد الجزار 13 مشترك |
|
| كاتب الموضوع | رسالة |
|---|
سعد الجزار
عضو ملكي
عدد الرسائل : 771
العمر : 38
تاريخ التسجيل : 22/12/2007
| موضوع: رد: جماعة الإخوان المسلمين وعمرو خالد  الأربعاء يناير 28, 2009 5:12 pm | |
|
ياريت تقولى الظنون دى
يا سعد واكون شاكر جدا
لانى بجد نفسى ألاقى مبرر
لعدم حبى لية
بس يكون صادق مش مبنى على مبدا الدردشة والكلام
بصراحه يا أمير انت أكتر واحد عاجبني في المنتدي .. سواء كنت متفق او مختلف معايه
دلوقتي في حاجتين
اما ان سعد بيتكلم وخلاص وكلامه كذب وافتراء علي عمرو خالد او كلامه صح وعمرو خالد فعلا زي ما بيقول
المفروض نحاول نعرف ونسأل ليه سعد بيقول كده
يعني مش كل واحد يتكلم وهو اساسا لا درس عقيده ولا فقه ولا سيره حتي
ولو قلتله ايه الفرق بين توحيد الربوبية وتوحيد الألوهية هيبلم ويسكت .. طالما مش عارفين منسكت احسن
--------------
امير انا قلت قبل كده انا كلامي مش مبني علي ظنون .. ولو انا كلامي مبني علي ظنون مكنتش اتكلمت اصلا
شكرا أمير وسوف أبدأ حديثي عن عمرو خالد وبلاويه
| |
|
| | |
أمير الــــــــزمان
مشرف
عدد الرسائل : 1053
العمر : 35
الموقع : Monofia
تاريخ التسجيل : 05/11/2007
| | موضوع: رد: جماعة الإخوان المسلمين وعمرو خالد الأربعاء يناير 28, 2009 5:16 pm | |
|
بصى يا حور من قبل ما سعد يترم ويرد ودة حقة
أولا لبداية الكلام مش عمرو خالد الى شارك فى غسل الكعبة دة
داعية تانى صغير بردة فى السن هو الى شارك فى غسل الكعبة
ووصف دة كويس بس انا مش متذكر أسمة كويس
اما الدعاية عمرو خالد فهو على العين والراس كفاية انة
بيدعى للاسلام بس بذمتك انتى لما بتتفرجى علية مش بتنتقضى
حاجة خالص الناس كلها بتنتقضها وهى فى نساء قاعدة أمامة
بشعرها ولبس غير يليق بلاسلام خالص
هل هو لما بيتكلم عينة مش بتقع على وحدة منهم اكيد دة بشر
مش معصوم من الخطا هو واحد بس كان النبى علية الصلاة والسلام
هو الوحيد الى كان معصوم من الخطأ ....
اما الشيخ محمد حسان فهو لا يجروأ ان يقول كلمى علىالداعية عمرو خالد
مش علشان حاجة بس علشان دينة وقوة ايمانة وزى ما انتى قولتى هو فعلا
لو كان عاوز يقول حاجة للشيخ عمرو خالد كان راح قالهالوا
تانى انتقاض هل عمرو خالد بياخذ اجر على ما يفعل من دعوة ول من تمويلة الخاص
ودى انا سأل فيها كويس ومستنى الرد منك ؟؟؟؟؟؟؟؟؟؟؟؟؟؟؟؟؟؟
وسيبك من دة كلة انا عن نفسى ما بقتنعش بية كداعية والله اعلم بالنوايا علام الغيوب
بس عمرو خالد لية بعض الحاجات تعجبى فية
بس ياريت حد يقولى حاجة انا مش عارفها وياريت انتى يا حور تقوليلى عليها
ما أساس عمرو خالد هل هو متخرج من الازهر هل هو متعلم من علامة أوشيخ فى الازهر
ام تعليم ذاتى بحت بصراحة انا مش عارف دة سؤال مش تجريح دة بجد انا نفسى أعرفة
وأكون شاكر ليكوا جدااااااااااااااااااااا
| |
|
| | |
سعد الجزار
عضو ملكي
عدد الرسائل : 771
العمر : 38
تاريخ التسجيل : 22/12/2007
| |
| | |
العقرب العجوز المبرمج
ادارة IT CLUB
عدد الرسائل : 6053
العمر : 34
تاريخ التسجيل : 19/11/2007
| | موضوع: رد: جماعة الإخوان المسلمين وعمرو خالد الأربعاء يناير 28, 2009 6:17 pm | |
|
بسم الله الرحمن الرحيم
اعضاء المنتدى الكريم السلام عليكم و رحمة الله وبركاته
انا بجد مبسوط من الاقبال الجميل ده .. على الموضوع الاكثر من رائع
شكرا ليك جدا يا سعد
المهم ..
اولا :- بالنسبه لجماعة الاخوان المسلمين . الجماعه دى انا شايف انها كويسه جدا .. و انا كمان بافضل مبداهم .. و لاخذ العلم هو مبداهم
ان ربنا مش هيغير احوالنا لا بسعينا احنا
يعنى علشان كده هما بيفكرو فى السلطه .. بيفكرو فى تطبيق الدين فى جميع الاحوال و بكل الصور . فدول مش جزائهم ابدا اننا نقلل من قدرهم او نقلل من شانهم
او اننا ننتقد مبادهم و اذا كان فيهم شخص او اتنين او مجموعه اشخاص مش عجباك .. فده مش داعى ابدا انك تصدر حكم تعسفى على الجماعه بحالها
يا عم ياريت فى اكتر من جماعه زى الاخوان المسلمين الناس المتدينين اللى بيحاولو يخدمو دينهم و يقدمو له كل اللى يقدروا عليه
ثانيا :- بخصوص الاستاذ عمرو خالد
- انا كان عندى فيديوهات و تسجيلات . لجميع الاخطاء اللى وقع فيها عمرو خالد من اول ما فكر يخطب و يكون داعيه اسلامى
و معظم الناس اللى بتنتقده شيوخ و ليهم فى الدعايه كمان
و انا فعلا كنت متحامل عليه زيك بالظبط كده
لحد ما كان واحد قريبى عندى و ده حد متدين جدا
فسمعته الحاجات دى
قال تعرف انك هتتحمل وزر الحاجات دى ووزر اى حد ياخدها من عندك و يسمعها
انا قولت له على الاخطاء اللى وقع فيها الاستاذ عمرو خالد
من اراء غريبه و احكام مش صحيحه
فقالى
قال رسول الله صلى الله عليه و سلم
"بلغو عنى ولو ايه "
صدق رسول الله صلى الله عليه و سلم
و طبعا الحديث وااااااااااااااضح
بدل ما ابوظ صورة داعيه زى ده او انتقده
الافضل اروح اصلح من نفسى و احاول ابقى زيه و اصحح اخطائه
و على فكره الاستاذ عمرو خالد ،حاصل على ليسانس الدراسات الاسلامية
يعنى الراجل دارس كمان
انا شايف ان الافضل ما ننتقدهوش
اسف على الاطاله
موضوع فعلا جميل
شكرا ليك يا سعد
فى انتظار باقى مواضيعك
| |
|
| | |
سعد الجزار
عضو ملكي
عدد الرسائل : 771
العمر : 38
تاريخ التسجيل : 22/12/2007
| | موضوع: رد: جماعة الإخوان المسلمين وعمرو خالد الأربعاء يناير 28, 2009 6:53 pm | |
|
اولا :- بالنسبه لجماعة الاخوان المسلمين . الجماعه دى انا شايف انها كويسه جدا .. و انا كمان بافضل مبداهم .. و لاخذ العلم هو مبداهم
ان ربنا مش هيغير احوالنا لا بسعينا احنا
يعنى علشان كده هما بيفكرو فى السلطه .. بيفكرو فى تطبيق الدين فى جميع الاحوال و بكل الصور . فدول مش جزائهم ابدا اننا نقلل من قدرهم او نقلل من شانهم
او اننا ننتقد مبادهم و اذا كان فيهم شخص او اتنين او مجموعه اشخاص مش عجباك .. فده مش داعى ابدا انك تصدر حكم تعسفى على الجماعه بحالها
يا عم ياريت فى اكتر من جماعه زى الاخوان المسلمين الناس المتدينين اللى بيحاولو يخدمو دينهم و يقدمو له كل اللى يقدروا عليه
بخصوص جماعة الإخوان المسلمين انا طبعا أعترف غلطن لما كتبت الموضوع ودخلتهم فيه
الإخوان عاوزين مواضيع ..مش موضوع واحد
من ناحية فساد الجماعه .. احنا ممكن نفتح موضوع ونتكلم فيه عنهم
وانا علي أتم الإستعداد لذلك
فنخلي الموضوع ده عن عمرو خالد
ثانيا :- بخصوص الاستاذ عمرو خالد
- انا كان عندى فيديوهات و تسجيلات . لجميع الاخطاء اللى وقع فيها عمرو خالد من اول ما فكر يخطب و يكون داعيه اسلامى
و معظم الناس اللى بتنتقده شيوخ و ليهم فى الدعايه كمان
و انا فعلا كنت متحامل عليه زيك بالظبط كده
لحد ما كان واحد قريبى عندى و ده حد متدين جدا
فسمعته الحاجات دى
قال تعرف انك هتتحمل وزر الحاجات دى ووزر اى حد ياخدها من عندك و يسمعها
انا قولت له على الاخطاء اللى وقع فيها الاستاذ عمرو خالد
من اراء غريبه و احكام مش صحيحه
فقالى
قال رسول الله صلى الله عليه و سلم
"بلغو عنى ولو ايه "
صدق رسول الله صلى الله عليه و سلم
و طبعا الحديث وااااااااااااااضح
كلام قريبك غير صحيح بالمره .. يعني أدعوا الناس غلط واقول بلغوا عني ولو آيه
بدل ما ابوظ صورة داعيه زى ده او انتقده
يعني الدين نبوظه لكن عيب نبوظ صورة الداعية ... منطق غريب جداًً
الافضل اروح اصلح من نفسى و احاول ابقى زيه و اصحح اخطائه
اصلح من نفسي اه .. لكن ابقي مبتدع زيه واعك في الدين ...لالالالا
و على فكره الاستاذ عمرو خالد ،حاصل على ليسانس الدراسات الاسلامية
يعنى الراجل دارس كمان
انا اعرف ناس واخدين ليسانس الدراسات الاسلامية ومبيعرفش يقرأ قرآن
| |
|
| | |
حور الدنيا
مشرفة
عدد الرسائل : 222
العمر : 36
تاريخ التسجيل : 06/01/2009
| |
| | |
حور الدنيا
مشرفة
عدد الرسائل : 222
العمر : 36
تاريخ التسجيل : 06/01/2009
| | موضوع: رد: جماعة الإخوان المسلمين وعمرو خالد الأربعاء يناير 28, 2009 7:34 pm | |
|
بص يا امير عمرو خالد هو اللى شارك فى غسل الكعبه وانا متاكدة من المعلومة دى وسمعتها بنفسى ممكن يكون فى حد تانى ايه المشكلة
ثانيا انا مش زعلانه ان سعد بيقول وجهه نظره لا عادى بس المشكلة فى الطريقة ونوعيه الكلام وانت اكيد فاهمنى وشرحتلك وجهه نظرى قبل كدة
| |
|
| | |
سعد الجزار
عضو ملكي
عدد الرسائل : 771
العمر : 38
تاريخ التسجيل : 22/12/2007
| | موضوع: رد: جماعة الإخوان المسلمين وعمرو خالد الأربعاء يناير 28, 2009 8:00 pm | |
| شكرررررررررررررا حور علي ردك ... بس بلاش تاخدي الموضوع بحساسية
----------------------------------
طبعا هرد بدون اقتباس ... مفيش داعي طبعا ردي السابق كان كفايه .. وردك مش قوي للدرجه اللي تخليني أعلق عليه.. وعاوزك تفرقي بين تعليقك علي الموضوع وتعليقك علي سعد الجزار!! ..
مع كل إحترامي ليكي كشخصية ممتازه في المنتدي.
----------------------------------
عاوزين نبدأ ونتكلم بقرآن وحديث ويارت حور وباقي المؤيدين لعمرو خالد .. يكشفوا عن أدلتهم يمكن نقتنع بكلامهم.
---------------------------------
أبدأ بأول عك لعمرو خالد وهو:
( إتهامه للنبي صلي الله عليه وسلم بأنه فشل في دعوته وأن رسالته كانت تجربة بشرية!.. وليست مثالية )
اليس هذا انتقاص من قدر النبي .. اليست رسالته رساله ربانية .. كيف يدعي ويقول ان النبي فشل في دعوته .. وان الدين ليس مثاليا .. مش عارف ايه بقي اللي مثالي ... وكأنه يتكلم عن رئيس مجلس إدارة شركه!!
يكفينا قول الله تعالي
" إنا كفيناك المستهزئين "
وده رابط الفيديو
[ندعوك للتسجيل في المنتدى أو التعريف بنفسك لمعاينة هذا الرابط]
منتظر تعليقات المؤيدين لعمرو خالد !!
لو ابنك او بنتك سمع فيديو زي ده .. وسألك ياماما هو النبي فاشل ؟؟ موقفك هيكون ايه
أظن لو في ذرة دين وحب للنبي مش هتخليه يتفرج علي الراجل ده حتي لوباقي كلامه صح
عدل سابقا من قبل سعد الجزار في الأربعاء يناير 28, 2009 9:30 pm عدل 1 مرات | |
|
| | |
أمير الــــــــزمان
مشرف
عدد الرسائل : 1053
العمر : 35
الموقع : Monofia
تاريخ التسجيل : 05/11/2007
| | موضوع: رد: جماعة الإخوان المسلمين وعمرو خالد الأربعاء يناير 28, 2009 8:59 pm | |
|
صلى على الحبيب النبى
علية الصلاة والسلام
أخر الانيياء والمرسلين
المعصوم من الاخطاء
بأذن من رحمن رحيم
صلوا على النبى وسلموا علية تسليما
بأبى انت وامى يا حبيبى يا رسول الله
| |
|
| | |
أمير الــــــــزمان
مشرف
عدد الرسائل : 1053
العمر : 35
الموقع : Monofia
تاريخ التسجيل : 05/11/2007
| | موضوع: رد: جماعة الإخوان المسلمين وعمرو خالد الأربعاء يناير 28, 2009 9:34 pm | |
|
شكرا لك يا سعد على أثبات صحة كلامك
بجد انا مستاء جدا من هذا الكلام انى أكتب
هذا الكلام وقلبى فعلا حزين جدا جدا من هذا الكلام
ومش علشان الشيخ محمد حسان ولكن انى بحب
الشيخ ابو أسحاق الحوينى لدرجة انى كنت اسمع لة
كل خطب الجمعة فى كفر الشيخ وهذا الشيخ اكثر من
رائع
وبعد أذنكم بلاش نكمل فى الموضوع دة تانى العملية
وضحت صوت وصورة كدة يا جماعة علشان ما ناخذ
ذنب فى سماع كلام والله أقل من كلمة تافة بكثير
ولكى ما نحمل شخص وزرنا بسماع هذا الكلام
بعد اذنك يا سعد شيل الرابط دة انا بالنسبة لى دا طلب
بعد أذنك واكون شاكر ليك يسترك الله يوم القيامة
بان الله
والصلاة والسلام عليك يا رسول الله
| |
|
| | |
حور الدنيا
مشرفة
عدد الرسائل : 222
العمر : 36
تاريخ التسجيل : 06/01/2009
| | موضوع: رد: جماعة الإخوان المسلمين وعمرو خالد الخميس يناير 29, 2009 12:23 am | |
|
على فكرة ياسعد شكرا جدا لاسلوبك عادى مفيش مشكلة وعلى فكرة الرابط مش راضى يفتح معايا بييجى صور بس مفيش لا صوت ولا اى شئ مجرد صور
انا مش فاهمه فى ايه اعتقد انا قلتلك من البداية فى ردى على الموضع السابق ان انا مش بهاجمك انت انا مدايقه من طرحك للموضع كشخصية
وانا مش بدافع عن عمرو خالد كشخصية لا انا بتكلم عامة وانا اعتقد قلتلك ان فى امور كتير هو بيعملها انا مش مقتنعه بيها بس مش معنى كدة انى اعمل كدة لا انا بسمعه فى امور زى قصص القران وعلى خطى الحبيب والمواضيع دى انا شايفه انه كلام عادى ومفيش اخطاء خالص وانا باخد من كل شيخ اللى بيعجبنى مش عاجبنى خلاص مبسمعوش تانى مش معنى كدة انى اهاجمه وانا بعيد شكرى ليك على اسلوبك فى الكلام معايا ياسيدى انا لا عامله ولا بفتى عشان تقول كدة ولا بدافع عن عمرو خالد بالذات هو مش من باقى عيلتى انا بدافع عن مبدا وانا اصلا من الاول مقلتش ليك حاجة تستاهل كل الى انت عملته دة ولا طريقتك فى الكلام دى وانا اصلا مبحبش الجدال والدين نهانا عنه ومن قبل ما انت بتحط الفيديو انا قررت انى مش هكمل فى الموضوع دة تانى عشان انا مبحبش اجادل فى الامور دى خالص ومش عشان فيديو ولا غيره لا انا اصلا مشفتوش وانا هتصل بالاستاذ عمرو خالد وان شاء الله هتكلم معاه فى الامور دى اعتقد ان اللى بينقد زى ما بيتعلم ينقد المفروض كمان يتعلم ازاى يحافظ على مشاعر اللى قدامه من غير ما يسيئ لحد فى الكلام ولا يرد على اللى بيحاوروه بالشكل دة والرد وكانك بتسخر من كلامى
شكرا ليك بجد ياسعد والموضوع دة ربنا اللى هيفصل فيه
| |
|
| | |
سعد الجزار
عضو ملكي
عدد الرسائل : 771
العمر : 38
تاريخ التسجيل : 22/12/2007
| | موضوع: رد: جماعة الإخوان المسلمين وعمرو خالد الخميس يناير 29, 2009 12:49 am | |
| شكرا أمير علي ردك .. لكن دي مجرد قطرة من بحر عمرو خالد المليء بالأوساخ والقاذورات
| |
|
| | |
سعد الجزار
عضو ملكي
عدد الرسائل : 771
العمر : 38
تاريخ التسجيل : 22/12/2007
| | موضوع: رد: جماعة الإخوان المسلمين وعمرو خالد الخميس يناير 29, 2009 1:00 am | |
|
على فكرة ياسعد شكرا جدا لاسلوبك عادى مفيش مشكلة
حور متزعليش مني انا تعمدت الرد ده .. عارفه ليه؟
المفروض حور اللي بتدرس علم شرعي .. تحكم بالدليل الشرعي مش بالعاطفه
وده اللي حبيت اوصلهولك .. يعني الكلام ده ميطلعش منك
لما يطلع من غيرك يبقي شيء طبيعي لكن منك .. تبقي مشكلة
وعلى فكرة الرابط مش راضى يفتح معايا بييجى صور بس مفيش لا صوت ولا اى شئ مجرد صور
ده فيديو علي موقع يوتيوب ههحاول ارفعلك الفيديو تحمليه
انا مش فاهمه فى ايه اعتقد انا قلتلك من البداية فى ردى على الموضع السابق ان انا مش بهاجمك انت انا مدايقه من طرحك للموضع كشخصية
يعني انتي شايفه اطرحه .. ازاي
يعني اقول مثلا ده في واحد ياجماع بيعك في الدين بس مش هقول اسمه؟؟!!
الناس استفادت ايه كده؟
وانا مش بدافع عن عمرو خالد كشخصية لا انا بتكلم عامة وانا اعتقد قلتلك ان فى امور كتير هو بيعملها انا مش مقتنعه بيها بس مش معنى كدة انى اعمل كدة لا انا بسمعه فى امور زى قصص القران وعلى خطى الحبيب والمواضيع دى انا شايفه انه كلام عادى ومفيش اخطاء خالص وانا باخد من كل شيخ اللى بيعجبنى مش عاجبنى خلاص مبسمعوش تانى مش معنى كدة انى اهاجمه
القضية مش قضية عاجبني او مش عاجبني .. هو انا اللي هحكم اذا كان صح والا غلط
احنا نسمع رأي الدين في كلامه ونشوف صح والا غلط .. مش احنا ياحور
وانا بعيد شكرى ليك على اسلوبك فى الكلام معايا ياسيدى انا لا عامله ولا بفتى عشان تقول كدة ولا بدافع عن عمرو خالد بالذات هو مش من باقى عيلتى انا بدافع عن مبدا وانا اصلا من الاول مقلتش ليك حاجة تستاهل كل الى انت عملته دة ولا طريقتك فى الكلام دى
انا قلت قبل كده انا تعمدت ده علشان تخلي بالك مش اكتر
وانا اسف ياستي .. حقك عليه
وانا اصلا مبحبش الجدال والدين نهانا عنه ومن قبل ما انت بتحط الفيديو انا قررت انى مش هكمل فى الموضوع دة تانى عشان انا مبحبش اجادل فى الامور دى خالص ومش عشان فيديو ولا غيره لا انا اصلا مشفتوش
والله ولا انا بحبه انا نفسي برد وانا زهقان .. بس هعمل ايه فتحت الموضوع فقلت اكمل وأمري الي الله
| |
|
| | |
نور
مشرفه عامه
عدد الرسائل : 5392
العمر : 36
تاريخ التسجيل : 26/10/2007
| | موضوع: رد: جماعة الإخوان المسلمين وعمرو خالد الخميس يناير 29, 2009 1:03 am | |
| والله انا مش عارفة ارد واقول اية
بس بجد حرام عليكم
اولا الفيديو دا ياريت الى عارفة يقولى من البداية بيتكلم عن اية علشان احكم صح
مش عمال وخلاص يكرر الجملة تكرية للناس فية
المهم
انا ما اظنش ان ربنا سبحانة وتعالى
نزلنا فى اى كتاب معينة ان المدعو الاستاذ عمر خالد دا يا جماعة ملاك وكامل ومخلو من الاخطاء خالص
لا طبعا ما حصلش يعنى لو فرضنا انة غلط عااااااااااااادى لانة بشر
ماحدش فينا ما بيغلطش
وربنا هو الى بايدة انة يحاسبة ويغفرلوا او لا مش احنا
ثانيا
انا اعرف ان الكمال لله سبحانة وتعالى وحدة
يعنى اى شيخ او اى حد معرض ان يقول حاجة غلط لان الكمال لله سبحانة وتعالى
كمان حاجة الجملة الى انا سمعتها فى الفيديو
(فية اخطاء بتحصل علشان نعرف ان تجربة النبى تجرية مش مثالية فية اخطاء )
لية نفهمها بالطريقة دى انة بيشوة الرسول علية افضل الصلاة والسلام
لية مش نفهنما بطريقة تانية
انا عن نفسى فهمتها
كمثال فى غزوة احد
الرماة لما غلطوا ومش سمعوا كلام الرسول واتحركوا من مكانهم
دا مش كان غلط هل معناه ان دا حاجة تسىء للرسول علية افضل الصلاة والسلام لا طبعا
لكن بيعلمنا اننا نسمع كلام ربنا والرسول
اهو خطأ اهو ونتج عنة اننا خسرنا عزوة احد
بس اتعلمنا منة كتيييير بعديها
وبعدين ربنا سبحانة وتعالى هيعلمنا ازاى اذا ماكنش فية اخطاء
لية يا بشر ترجمتة الجملة انة يقصد الرسول علية افضل الصلاة والسلام
لية مش ترجمتة انة يقصد بيها الاخطاء الى كانت بتحصل فى تجارب الرسول
ولازم تحصل اخطاء لان ربنا عايز كدة علشان نتعلم ربنا هو الى بيعمل كدو علشان نتعلم من الاخطاء دى
مش معنى كلامة انة بيسىء للرسول علية افضل الصلاة والسلام نفسة
لا طبعا هو بيسىء للاخطاء الى كانت موجودة ساعتها والى المسلمين مفروض يتعلموا منها
والى ربناحاطتها علشان احنا نتعلم منها
وانا قريت رد عجبنى جدا وفعلا منصف
السلام عليكم
نظرا لما يمر به بعض شباب الامة الاسلامية من ضعف في الانصاف عند سؤآلهم عن أحد الدعاة , فهذا يرفعه الى درجة الأإمة المعصومين وآخر يجعله مع المبتدعة الزنادقة ,
وحصلت على مثلا رائعا وواقعا للانصاف في تقييم الدعاة وهو الشيخ سلمان العودة حين سأل عن رأيه في الاستاذ عمرو خالد فقال :
بسم الله الرحمن الرحيم
الأخ الكريم حفظه الله
السلام عليكم ورحمة الله وبركاته وبعد ،
بخصوص الأستاذ عمرو خالد فقد استمعت إلى بعض أشرطته، ووجدت فيها عاطفة صادقة وعناية بالنصوص، وله تأثير كبير على عامة الناس ، وهذا مما يفرح به، وليس المقصود تطلب الكمال، فكل يؤخذ منه ويترك، ووجود النقص في مظهر الرجل وبعض المؤاخذات عليه لا يمنع من الانتفاع به والثناء عليه بما يظهر من حاله، مع تجنب ما لا يوافق السنة من قوله أو فعله .
ولا أعلم عن الرجل إلا خيراً ، وأثره ملموس ليس في مصر فحسب ، بل حتى في الخليج والسعودية ، خصوصاً الحجاز .
أما أقاويل الناس فمن ذا الذي يسلم منها !!
ومن خصال المؤمن وخاصة طالب العلم عفة اللسان وحسن العبارة
" وَقُلْ لِعِبَادِي يَقُولُوا الَّتِي هِيَ أَحْسَنُ إِنَّ الشَّيْطَانَ يَنْزَغُ بَيْنَهُمْ إِنَّ الشَّيْطَانَ كَانَ لِلْإِنْسَانِ عَدُوّاً مُبِيناً"
والسلام عليكم ورحمة الله وبركاته.
كتبه
سلمان بن فهد العودة
_________________
سبحانك اللهم وبحمدك اشهد ان لا اله الا انت استغفرك واتوب اليك
( | |
|
| | |
حور الدنيا
مشرفة
عدد الرسائل : 222
العمر : 36
تاريخ التسجيل : 06/01/2009
| | موضوع: رد: جماعة الإخوان المسلمين وعمرو خالد الخميس يناير 29, 2009 1:05 am | |
| - سعد الجزار كتب:
شكرا أمير علي ردك .. لكن دي مجرد قطرة من بحر عمرو خالد المليء بالأوساخ والقاذورات
لا حول ولا قوة الابالله هو برده الكلام يبقى طريقته كدة ياسعد دة انت حتى لو كلامك صح هتخلى الناس تدايق من كلامك والفاظك على غيرك
اللهم انى استغفرك واتوب اليك فأغفر ليه
لا اله الا انت سبحانك انى كنت من الظالمين
| |
|
| | |
حور الدنيا
مشرفة
عدد الرسائل : 222
العمر : 36
تاريخ التسجيل : 06/01/2009
| | موضوع: رد: جماعة الإخوان المسلمين وعمرو خالد الخميس يناير 29, 2009 1:11 am | |
|
شكرا يانور على ردك وهلى ماذكرتى وانتى سمعتيه فانا بقولك الموضوع دة اللى هيفصل فيه ربنا مش حد تانى واذا كان على الكلام مش هيغير شئ الكلام كتير
| |
|
| | |
نور
مشرفه عامه
عدد الرسائل : 5392
العمر : 36
تاريخ التسجيل : 26/10/2007
| | موضوع: رد: جماعة الإخوان المسلمين وعمرو خالد الخميس يناير 29, 2009 1:13 am | |
| يااااااااااااااااة يا سعد
يا ابنى غيير طريقة مناقشتك بقا
انت كل شوية عمال تقول دارس فقة دراس فقة دارس فقة
ومش عارفة
مش عارف اقل حاجة فى الفقة
انك مش تتكلم وتتناقش بالطريقة دى
وتتكلم على ناس فى عدم وجدودهم بالالفاظ دى
دى حتى يا ابنى كانوا بيعلموهنا فى المدارس مش فى الفقة حتى
ياريت تتكلم باسلوب احسن من دا وبالفاظ احسن من ددى
بحر اوساخ اية وقذورات اية
بقا الى عمل برنامج كامل يشرح فية اسماء الله الحسنى
ربنا ييكرمة
دا بتسمية بحر قاذورات
الله يسامحك يا ابنى والله
وربنا يهديك ويهدينا معاك
| |
|
| | |
سعد الجزار
عضو ملكي
عدد الرسائل : 771
العمر : 38
تاريخ التسجيل : 22/12/2007
| | موضوع: رد: جماعة الإخوان المسلمين وعمرو خالد الخميس يناير 29, 2009 1:19 am | |
| عمرو خالد يقول بأن إبليس مكفرش :
قال عمرو خالد في شريط
الأخلاق : ( في هنا معنى تاني الحقيقة جميل إن إحنا نقوله .. خلِّي بالكو يا جماعة، إبليس كفر بربنا ولا مكفرش ؟ لا مكفرش ، إبليس مكفرش !! بص إبليس بيقوله إيه : ((خَلَقْتَنِي)) (الأعراف: 12) . يبقى هو اعترف بالله إن هو خلق ولا لأ ؟ مش كده ؟ قال ((خَلَقْتَنِي مِن نَّارٍ)) ؟ ((وَخَلَقْتَهُ مِن طِينٍ))، فإنت خلقتني، وأنت اللِّي خلقته ، وفى آية تانية بيقوله إيه : ((قَالَ فَبِعِزَّتِكَ)) (ص82). يبقى مدرك عزة الله عز وجل ولا لأ ؟ وفي آية تالتة يقوله إيه(قَالَ أَنظِرْنِي إِلَى يَوْمِ يُبْعَثُونَ)) (الأعراف : 14) . ما هو مش بيدي ، بيدك إنت فـ .. أنكر إبليس أن الله هو
الخالق ؟! أنكر إبليس أن الله هو الرب ؟! لأ ... أُمَّال أنكر إيه ؟ مشكلة إبليس إيه ؟ رفض الطاعة .. آه ، دي نقطة مهمة جداً ، جداً ، إنت إله ، إنت رب آه .. لكن إله تقوللِّي أعمل كذا ومعملش كذا ، لأ )
--------------------
سئل ابن عثيمين بهذا السؤال:
يا شيخ ما حكم من قال: إن إبليس ليس بكافر، وإنه أقسم بعزة الله؟
وقول الله تعالى: {قَالَ فَبِعِزَّتِكَ لَأُغْوِيَنَّهُمْ أَجْمَعِينَ}
الشيخ:
الذي يقول ليس بكافر يجب أن يستتاب فإن تاب وإلا قتل لأنه كذب القرآن وإقسامه بعزة الله لأنه يعرف بأن الله عزيز فأقسم بعزة الله عز وجل،
وهو أيضاً قال:
{كَمَثَلِ الشَّيْطَانِ إِذْ قَالَ لِلْإِنْسَانِ اكْفُرْ فَلَمَّا كَفَرَ قَالَ إِنِّي بَرِيءٌ مِنْكَ إِنِّي أَخَافُ اللَّهَ رَبَّ الْعَالَمِينَ} الحشر،
لكن هذا ليس خوف عباده،هذا مثل ما نخاف نحن من الذئب والسبع وما أشبه ذلك...
قل لهذا الأخ الذي قال لك قل له يتوب إلى الله عز وجل،ولا يكذب كلام الله
| |
|
| | |
حور الدنيا
مشرفة
عدد الرسائل : 222
العمر : 36
تاريخ التسجيل : 06/01/2009
| | موضوع: رد: جماعة الإخوان المسلمين وعمرو خالد الخميس يناير 29, 2009 1:23 am | |
| [quote="سعد الجزار"]
على فكرة ياسعد شكرا جدا لاسلوبك عادى مفيش مشكلة
حور متزعليش مني انا تعمدت الرد ده .. عارفه ليه؟
المفروض حور اللي بتدرس علم شرعي .. تحكم بالدليل الشرعي مش بالعاطفه
وده اللي حبيت اوصلهولك .. يعني الكلام ده ميطلعش منك
لما يطلع من غيرك يبقي شيء طبيعي لكن منك .. تبقي مشكلة
[size=24]
على فكرة ياسعد انا مش بحكم بالعاطفة زى مابتقول لا انا بحكم بنظرتى انا لان انا مقدرش اهاجم حد كدة واشتمه واغلط فيه انا بواجه على طول الشخص واقوله عيوبه مش باجى من وراه واهاجمه دة مش اسلوبى ولا طريقتى فى الحياه ولا مع الناس الواحد ميوصلش وجهه نظره لالغلط يوصلها بكل احترام وتقدير اللى قدامه عشان حتى الناس تقدر تسمعه فى شئ ياسعد اذا كنت تعرفه اسمه فن الدعوة واسلوب الدعوة
(ادعوا الى سبيل ربك بالحكمة والموعظة الحسنه)
(ولو كنت فظا غليظ القلب لنفضوا من حولك)
وبعدين مش لازم تكلمنى بالاسلوب دة عشان تفهمنى لازم تعرف ان دة ميجبش نتيجة معايا وانا مسمحش لحد يكلمنى كدة ابدا على فكرة وكمان مش لازم لؤيد رايك عشان اعجبك وتعرف انى بتكلم كويس وبالدين وبما انى فعلا داريه علم شرعى ومازلت بدرس فعشان كدة بقولك الكلام دة
| |
|
| | |
سعد الجزار
عضو ملكي
عدد الرسائل : 771
العمر : 38
تاريخ التسجيل : 22/12/2007
| | موضوع: رد: جماعة الإخوان المسلمين وعمرو خالد الخميس يناير 29, 2009 1:39 am | |
| يانور انتي وحور أظن كلمة أوساخ وقاذورات كلمه مش عيب دي مجرد وصف وتشبيه مجازي
وبعدين انا شايف انكم بتتلككوا .. وهتسيبوا الموضوع الأصلي وهتتكلموا عن كلام سعد
عاجبكم والا مش عاجبكم .. الموضوع عن عمرو خالد
نور قلبت في النت وملقتش غير كلام الشيخ سلمان العوده .. المهم الاقي اي حد في صف عمرو خالد
وانتي اساسا متعرفيش من هو سلمان العوده!!
هو كلامه عجب نور علشان جاي علي هواها ... برده كلامه مش حجه ومش قرآن منزل مسلم بيه
كلمة أوساخ وقاذورات كلمات عربية فصحي
لو عارفين كتاب لسان العرب ممكن تعرفوا معناهم
انتو مش لغويين علشان تحكموا علي الكلمات
الامام السيوطي عامل كتاب .. يتكلم في الجنس
عنوانه لا استطيع ذكره
وعندما راجعت لسان العرب في العنوان وجدته كلاماً فصيحا !!
لتاني مره الموضوع عن عمرو خالد وليس سعد الجزار!!
عدل سابقا من قبل سعد الجزار في الخميس يناير 29, 2009 1:59 am عدل 1 مرات | |
|
| | |
سعد الجزار
عضو ملكي
عدد الرسائل : 771
العمر : 38
تاريخ التسجيل : 22/12/2007
| | موضوع: رد: جماعة الإخوان المسلمين وعمرو خالد الخميس يناير 29, 2009 1:57 am | |
|
على فكرة ياسعد انا مش بحكم بالعاطفة زى مابتقول لا انا بحكم بنظرتى انا
لتاني مره تغلطي .. الحكم لله مش بنظرتك الشخصية اقرأي الايه دي كويس
"يَا أَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ وَأُوْلِي الأَمْرِ مِنْكُمْ فَإِنْ تَنَازَعْتُمْ فِي شَيْءٍ فَرُدُّوهُ إِلَى اللَّهِ وَالرَّسُولِ إِنْ كُنتُمْ تُؤْمِنُونَ بِاللَّهِ وَالْيَوْمِ الآخِرِ ذَلِكَ خَيْرٌ وَأَحْسَنُ تَأْوِيلًا"
رد النزاع الي الله والرسول مش لرأي سعد ونظرة حور الشخصية!
لان انا مقدرش اهاجم حد كدة واشتمه واغلط فيه انا بواجه على طول الشخص واقوله عيوبه مش باجى من وراه واهاجمه
وإذا تعذر اللقاء .. نسكت ونسيبه يتسبب في تضليل الناس
لازم علشان احذر الناس من شخص لازم اواجهه شخصيا .. خلاص نصيحه مني روحي أفغانستان انصحي اسامه بن لادن!!!
دة مش اسلوبى ولا طريقتى فى الحياه ولا مع الناس الواحد ميوصلش وجهه نظره لالغلط يوصلها بكل احترام وتقدير اللى قدامه عشان حتى الناس تقدر تسمعه فى شئ ياسعد اذا كنت تعرفه اسمه فن الدعوة واسلوب الدعوة
(ادعوا الى سبيل ربك بالحكمة والموعظة الحسنه)
(ولو كنت فظا غليظ القلب لنفضوا من حولك)
هو انا بدعوكي لمنهج سعد الجزار !!
انا بقول واحد اسمه عمرو خالد بيعك في الدين .. انا بحذر الناس من أخطائة القاتلة
ايه بقي دخل فن الدعوة في الموضوع
انا وضحت وجة نظري وخلاص توافقوا عليها ترفضوها انتو حرين طبعا
لايضركم من ضل إذ اهتديتم
وبعدين مش لازم تكلمنى بالاسلوب دة عشان تفهمنى لازم تعرف ان دة ميجبش نتيجة معايا وانا مسمحش لحد يكلمنى كدة ابدا
سواء اسلوبي بيجيب معاكي او مبيجبش انتي حره برده .. مجرد وسيله مني للتنبيه عن طريق الشده في الرد
سواء جابت او مجبتش انتي ليكي كامل الحرية
على فكرة وكمان مش لازم لؤيد رايك عشان اعجبك وتعرف انى بتكلم كويس وبالدين وبما انى فعلا داريه علم شرعى ومازلت بدرس فعشان كدة بقولك الكلام دة
انا مقلتش أيدي رأي .. انا قلت اتكلمي بدليل .. مش عاطفه وخلاص
مجرد كلام بنردده
الناس تهلل لعمرو خالد وانتي وراهم
الناس تهلل لحسن نصر الله وانتي وراهم
مش مهم بقي بيتكلم صح والا غلط طالما كل الناس بتهلله
كل اللي عاوز اقلهولك قول الله تعالي
" لو اتبعت أكثر من في الأرض يضلوك عن سبيل الله"
يعني مش شرط ان كل الناس بتهلل لعمرو خالد يبقي الراجل ماشي علي خطي الحبيب والحبيب منه بريء
وعاوز اوضح حاجه للكل
مفيش اي عداوه بيني وبين عمرو خالد
لكني سأعادي كل من يبتدع في الدين وكل من يحاول افساد الدين
وسأعادي كل من يقلل من شأن النبي وأصحابه وشأن المسلمين
عدل سابقا من قبل سعد الجزار في الخميس يناير 29, 2009 2:03 am عدل 2 مرات | |
|
| | |
نور
مشرفه عامه
عدد الرسائل : 5392
العمر : 36
تاريخ التسجيل : 26/10/2007
| | موضوع: رد: جماعة الإخوان المسلمين وعمرو خالد الخميس يناير 29, 2009 1:59 am | |
| وانا اتكلمت عن موضوع الاستاذ عمر خالد
لكن انت للاسف
حاطط فى دماغك وخلاص ان انت الصح واى حد تانى غلط
لا يا سعد
لازم الى فاتح موضوع للنقاش يتقبل كل الارااء
اما بالنسبة لكلمة اوساخ وقاذورات
والله انت بقا مش دارس فقة
انا عن نفسى
انا ماقريتش مرة الرسول علية افضل الصلاة والسلام بيقولها على كافر يهودى
تقوم انت جاى تقولها على واحد مسلم
يا سبحان الله
ربنا يهديك يا ابنى
ويهدينا معاك
وبعدين نور يا سعد كتبت رايها فى الاول انت قبل ما اكتب رايى الى قريتة من موقع فعلا انت ما قرتوش ولااية
ومش عيب انى اجيب من على النت حاجة انا مش جايباها من ناس مالهموش فى الدين
دا راى شيخ
وشيخ دارس فعلا
مش بيتكلم وخلاص
وانت بتقول انو كلام ومش حجة ومش قراءن منزل بية
انت كمان كلامك عادى مش حجة ومش قراءن منزل بية
علشان تسمح لنفسك اصلا انك تغلط فى انسان مسلم
على العموم يا جماعة اظاهر الاخ سعد ماسكلنا العصايا وعايز راية بس الى يتنفذ واى حد تانى (كخة عيب وحش ماتكلموش) وانا ارفض انى ابقى فى موضوع يتناقش بهذا الاسلوب
وربنا يسامحك ياا بنى ويهديك تانى
ويهدينا معاك لاحسن تزعل ولاحاجة من كلمة الهداية | |
|
| | |
سعد الجزار
عضو ملكي
عدد الرسائل : 771
العمر : 38
تاريخ التسجيل : 22/12/2007
| | موضوع: رد: جماعة الإخوان المسلمين وعمرو خالد الخميس يناير 29, 2009 2:18 am | |
|
لكن انت للاسف
حاطط فى دماغك وخلاص ان انت الصح واى حد تانى غلط
بصي يانور ده كلامي ولازم اكون مقتنع بيه الي أن يثبت العكس بالدليل المنطقي الملموس
للأسف محدش منكم دليل علي صحة كلامه .. انا جبت بعض الأدله والباقي موجود
يبقي كلامي صح لغاية لما انتو تثبتوا اني غلطان .. أظن ده العدل والمنطق الصحيح
لا يا سعد
لازم الى فاتح موضوع للنقاش يتقبل كل الارااء
معاكي حق .. هو انا قلت لحد متردش .. انا قلت عاوز كلام بدليل .. ده مش موضوع عام ده دين مفيهوش رأيي ورأيك
طيب متقارني بين الموضوع ده وموضوع من المتعم الشاب أم الفتاه؟
انا معلقتش علي ردود حد لأنها مجرد وجهات نظر
لكن في الدين الكلام ده مينفعش .. مش أي كلام يتقال
لازم يكون موزون علي ميزان الشرع وموثق بأدلة
اما بالنسبة لكلمة اوساخ وقاذورات
والله انت بقا مش دارس فقة
انا عن نفسى
انا ماقريتش مرة الرسول علية افضل الصلاة والسلام بيقولها على كافر يهودى
تقوم انت جاى تقولها على واحد مسلم
انا قلت دي كلمات توصيفية مجازية .. والكلمات دي كلمات فصحي مش عيب وانا وضحت قبل كده في ردي السابق
يا سبحان الله
ربنا يهديك يا ابنى
ويهدينا معاك
آميييييييييين
وبعدين نور يا سعد كتبت رايها فى الاول انت قبل ما اكتب رايى الى قريتة من موقع فعلا انت ما قرتوش ولااية
ماشي يانور
ومش عيب انى اجيب من على النت حاجة انا مش جايباها من ناس مالهموش فى الدين
دا راى شيخ
وشيخ دارس فعلا
مش بيتكلم وخلاص
هو كل واحد اتكلم في الدين بقي شيخ!!
هنعتبره شيخ علشان خاطرك بس
وانت بتقول انو كلام ومش حجة ومش قراءن منزل بية
انت كمان كلامك عادى مش حجة ومش قراءن منزل بية
صح كلامك .. كلام سعد مش حجه .. بس سعد مبيتكلمش بوجهة نظرة الشخصية انا بتكلم بدليل
على العموم يا جماعة اظاهر الاخ سعد ماسكلنا العصايا وعايز راية بس الى يتنفذ واى حد تانى
(كخة عيب وحش ماتكلموش)
هههههههههههه
لا والله أبدا مش كده خالص .. ده انا ديمقراطي جدا .. لدرجة اني كنت ساعات بتشتم في المنتدي بتاعي ومبحذفش رد حد
وانا ارفض انى ابقى فى موضوع يتناقش بهذا الاسلوب
ده شيء يرجعك .. بس اوعي تكوني خلصتي كل اللي عندك!!
وربنا يسامحك ياا بنى ويهديك تانى
آميييييييييييييييييييين
ويهدينا معاك لاحسن تزعل ولاحاجة من كلمة الهداية
لا ابدا ربنا يهدينا كلنا هو حد يطول ده احنا عفاريت
| |
|
| | |
نور
مشرفه عامه
عدد الرسائل : 5392
العمر : 36
تاريخ التسجيل : 26/10/2007
| | موضوع: رد: جماعة الإخوان المسلمين وعمرو خالد الخميس يناير 29, 2009 2:34 am | |
| وانت بتعتبر جيبانك للفيديو دا دليل
هههههههههههههههههههه
يا لله
دلوقتى يالله
بيسبوا ويغبوا فية مسلم ويشتمو فية ا بدليل فيديو
هههههههههههههههههههه
فكرتنى بمسرحية شاهد ما شافش حاجة
بتفكرنى بشخصية المحامى والدليل
قااااااااااااااااااالولو
يا اخ سعد انت لية ما ردتش على رايى فى الجملة الى جت فى الفيديو
احب اسمع رايك فى كلامى عليها وتعليقى عليها
يالا بالمرة سمعنى فيها كلمتين اصلى حاسة انك تجاهلتها
ولاانت بتعلق على مزاجك بس
ياريت اسمع رايك فيها | |
|
| | |
سعد الجزار
عضو ملكي
عدد الرسائل : 771
العمر : 38
تاريخ التسجيل : 22/12/2007
| | موضوع: رد: جماعة الإخوان المسلمين وعمرو خالد الخميس يناير 29, 2009 2:50 am | |
| وانت بتعتبر جيبانك للفيديو دا دليل
هههههههههههههههههههه
يا لله
لو مش دليل نسميه ايه؟؟
انا بقول عمرو خالد بيعك وجبت عينه من عكه
انتي بتقولي لأ ياسعد انت غلطان .. مشفتش منك فيديو تثبتي بيه صحة كلامك
دلوقتى يالله
بيسبوا ويغبوا فية مسلم ويشتمو فية ا بدليل فيديو
هههههههههههههههههههه
انا لا سبيت ولا شتمت ولا اغتبت انا بحذر من عمرو خالد
طالما معايه دليل ان واحد حرامي مش عيب أحذر الناس منه وقول عليه انه حرامي
( مجرد مثال فقط للتوضيح )
فكرتنى بمسرحية شاهد ما شافش حاجة
بتفكرنى بشخصية المحامى والدليل
قااااااااااااااااااالولو
ههههههههههههه ماشي ياخفه .. هعديها علشان خاطر بنت اختك .
يا اخ سعد انت لية ما ردتش على رايى فى الجملة الى جت فى الفيديو
احب اسمع رايك فى كلامى عليها وتعليقى عليها
يالا بالمرة سمعنى فيها كلمتين اصلى حاسة انك تجاهلتها
ولاانت بتعلق على مزاجك بس
ياريت اسمع رايك فيها
انتي عندك حاسه سادسه .. انا فعلا تجاهلتها .. بس عاوز اقلك اني مفيش رد
من ردودكم الا بقرأه 3 او 4 مرات علشان افهم انتو عاوزين توصلوا لإيه
انا تجاهلتها لأني استغربت .. نور سابت الفيديو المليان عك وملقتش غير الجمله دي!!
نور كتبت:
(فية اخطاء بتحصل علشان نعرف ان تجربة النبى تجرية مش مثالية فية اخطاء )
أولا عيب نسميها تجربة ده دين .. التجربه تحتمل الخطأ والصواب
لما يقول ان تجربة النبي مش مثالية يقصد بيها ان الدين مش مثالي
والا يقصد تجربة تحضير غاز الايدروجين في المعمل
ولو افترضنا صحة كلامه انتهي مقتنعه بيه هسألك سؤال مارأيك في هذه الأيه
" وما ينطق عن الهوي ان هو الا وحي يوحي "
يعني الرسول صلي الله عليه وسلم مبيعملش حاجه من دماغه .. غير كده انه معصوم من الخطأ يبقي ازاي نقول فيها أخطاء
اظن ردي وصل
| |
|
| | |
| | جماعة الإخوان المسلمين وعمرو خالد | |
|
