العقرب العجوز المبرمج

ويلكام بيك يا باشا على الكرسى

صباح الفل يا مودى باشا

أولا ازيك..

الحمد لله تمام ز ذراعى بس بيوجعنى شويه

ايه أخبار الحب معاك

ماشى

هههههههههههههههههههههههههه

اضحك اضحك


نخش بقى على الأسئلة:

انت ليه كده؟؟

امممم .. انا باحاول ابقى كويس بقدر الامكان يا محمود
اكيد لسه ما وصلتش للمرحله اللى انا بحلم بيها و بتمناها لكن
انا لسه باحاول و على يقين ان ربنا هيكرمنى فى يوم من الايام
و اكون زى ما انا عاوز . انا الحمد لله حاسس انى عندى مواهب كتير
و اوقات كتير بحس بقبول عند الناس . بس دى موهبه من عند ربنا
انا ماليش اى دخل فيها

1. ايه الموقف اللى حصلك وحسيت من بعده انك عديم القيمة؟

هو صراحة عديم القيمه دى انا عمرى ما حسيتها . لكن مر عليا مواقف كتير
جدا حسيت انى كنت ممكن حاجات كتير او
يكون ليا دور مؤثر شويه عن كده. اخر موقف كان فيه شويه
مشاكل مع ناس جيراننا لكن انا ما اتكلمتش خالص و لا فتحت
بقى لان اخواتى الكبار كانو موجودين و هما اتصرفو
حسيت انى كان ممكن يبقى ليا دور . بس هو موقف و عدى


2. امتى ماتقدرش تكتم دموعك؟؟
- اما بحس انى هخسر حاجه عزيزه عليا اوى
ببقى مش قادر اكتم دموعى بجد


3. موقف حصل خللى العقرب تنزل منه دمعة غصب عنه؟؟ (بعيد عن البصل)

- هههههههههههههه
يوم نتيجة التنسيق بتاع الثانويه العامه اما عرفت ان جالى علوم
و عرفت انى ما لحقتش حاسبات على واحد من عشره
يومها ما قدرتش احوش دموعى لانى كنت بنى كل احلامى
على هندسه او على الاقل حاسبات . انا كنت عاوز ادخل اداب
اه بس كان نفسى ابقى مهندس . و اللى زعلنى و خلانى ابكى
بجد انى ما لحقتش حتى حاسبات و على ايه
واحد من عشره!


4. حط 3 أهداف ف حياتك حاسس انك ممكن تحققهم ان شاء الله؟؟مش أحلام مستحيلة
- ان شاء الله احترف البرمجه . و الافى عمل مناسب لطموحاتى
- اتجوز الانسانه اللى بحبها
- اخدم دينى ووطنى وبلدى و اهلى


5. كلمة تحب حد يقولهالك باستمرار؟؟
- انت ذكى و انت ظريف

6. وكلمة ماتحبش تسمعها من حد؟؟
- انت مغرور

7. ايه الاكلة المفضلة بالنسبالك..وياريت المشروب؟؟
- انا بحب اللحوم جداااااا وو مكن نقول انى بحب البوفتيك اكتر
و بخصوص المشروبات انا بحب الكوفى مكس اوى

8. بالنسبة للتدخين..انت قولت ان نفسك تبطل..ناوى ان شاء الله قريب (حاطط خطة يعنى
للكلام ده وللا كلام بس)؟؟

- ان شاء الله بمجرد الانتهاء من مرحلة الكليه هتكون التدخين
اختفى من حياتى لانى زى ما بقولك التدخين بالنسبه
لى مجرد عاده او عدوى انتقلت ليا فى فتره من الفترات
لكن ان شاء الله بعد الكليه هتكون فيه حاجات تانيه محتاج احلى بيها و هيكون اختفى
ان شاء الله من حياتى نهائيا

9. أقوى شخصية عجبتك ف المنتدى غيرى؟؟

- و الله انا شايف ان المنتدى بتاعنا فيه ناس جااااامده جدا
و بحس ان كل الاعضاء جامدين و كل واحد له شخصيه ولون
لكن بدون نزاع ممكن يكون اكتر الناس اللى بحب شخصيتها
دعاء - نور - زائر الليل
و بدون مجاملات الناس دول جامدين بجد

10. فرحة مش قادر تنساها؟؟
- مش هقولك

11. أحلى وقت ف أيامك العادية بتقضيها فين؟؟

- فيه حتى بقعد فيها مع واحد صاحبى كده جميله اوى
انا مسميها المقر . حته حلوه جنب المحطه و هاديه
بنروح نقعد هناك و نهزر و نهرج و نعيش حياتنا
و بيكون معانا شيبسيات ولب و سودانى و ده بجانب السجاير
و مره خدنا معانا جوزه و اى حد معدى بيجى يقعد جنبنا يضحك
شويه و يمشى
و ما بنقعدش فى المكان ده غير بالليل بعد الساعه 12 منتصف الليل
و تانى مكان اوضتى . انا قاعد فيها على طووووووووووووول ادام الكمبيوتر
و جنبى التسجيل
و عايش

12. لو متاح ليك انك تختار أى مكان تسكن فيه ف مصر..هتختار ايه؟؟
- عاوز اقعد فى بلدنا على طوول
و اصيف فى الغردقه

13. وردة بيضاء لمن تهديها؟؟
- اخويا اللى اكبر منى على طول

14. وردة صفراء لمن تعطيها؟؟
- للواد محمد انتيمى

15. وردة حمراء لمن تقدمها؟؟
- للجو بتاعى

16. ايه هوه الأمل من وجهة نظرك؟؟
- انك تبقى عايش و عندك احساس جامد اوى ان اللى جاى
هيكون افضل من الحالى و تحس ان كل مشكله دلوقتى
هيكون ليها بعدين حل كويس و مناسب


17. نفسك تحط مين على كرسى الاعتراف بعدك عشان تهريه أسئلة؟؟
- دعاء او الطائر

18. بالنسبة لمودى::قولى بقى:


نصيحة ف الحياة..(غير ان انا ادخل أذاكر)
تنصحه بايه عشان يعدل من عيوبه ف المنتدى


انصحك يا مودى انك تقرا و تتثقف اكتر و اكتر
و اكتر و تنمى جواك القدره على الحديث و تحاول
تكون لبق جدا علشان لما تتكلم تلاقى حد يسمعك
و يحس بدورك المهم




اخر سؤال:
ايه رأيك ف الحاجات اللى عمالة تطير فوق الواد اللى ماشى ده..؟؟


حلوه الحاجات دى انا عندى الصوره دى و كنت ناوى
احطها انا كمان فى التوقيع
بس انت سبقت بقى
هههههههههههه
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

خلاص كده

ياريت تبقى تسال تانى

يللا سلااااااااااااااااااااااااااااااااااااااااااااااام