اهداف المنتدى

انا طبعا مقدرش أعترض على أى حاجة خالص
وبجد انتوا عندكوا حق ف كل اللى انتوا بتعملوه

وبالنسبة لكلام العقرب عن رسالة الشكر
انا مش محتاجها..لأنى خدتها باستضافتكم ليا ف المنتدى المدة دى كلها

شكرا لأحلى منتدى

ســــــلام

يا جماعة انا هسيب الموضوع لبكرة كمان وياريت الناس
تتفاعل اكتر من كدا واى حد عندة اعتراض او اقتراح يقولة وياريت نبطل سياسة
اذهب انت وربك فقاتلا انا هاهنا قاعدون يعنى الناس تشارك باراى وهى تقدر
تعمل اية وتساعد ازاى

يا جماعه
الواحد لما دخل المنتدي ده
دخل اولا عشان يتعلم ويستفيد
وماكنش يعرف حد ع المنتدي
بس لما اتعامل مع الناس
وعرف اد ايه هي ناس جميله م جوا
حس انه يعرفهم من زمان وان بينه وبينهم عيش وملح
او عشره عمر
المهم اننا فعلا حسينا اننا اسره واحده
وكمان اكيد انا هدخل المنتدي زي ما انا عايز استفيد
اكيد اكيد عايز افك شويه من خنقه المذاكره
فاكيد الاقسام الترفيهيه مهمه عشان الواحد يقدر يعمل توازن مع نفسه
وقسم النقاش اكيد برضه الواحد استفاد منه كتير
ع الاقل من راي ده وجهة نظر ده
انا هستفيد واعرف اكون راي سليم
ولو انا عندي مشكله اكيد هعرضها ع المنتدي
عشان الناس اللي هنا تفيدني رايها لانها اكيد اهل ثقه
واكيد الاسلامي ده من غير كلام ضروري جدا للمنتدي
عشان بنتعلم منه حاجات كتير جدا

المشكله يا جماعه مش في الاقسام دي
المشكله فينا احنا
لازم نغير اسلوب الحوار بينا
لان اللي احنا بنعمله ده هروب من المشكله


وده مجرد راي من وجهة نظري

بس اتمني اننا نتاني شويه في القرار ده


وسلااااااااااااااااااااامي للجميع

السلام عليكم ورحمة الله وبركاتة
انا بشكر طبعاً كل الاعضاء اللى شاركت فى الموضوع وانا طبعاً قريت كل الردود اكتر من مرة ويمكن اغلبية النقط اللى الناس كانت معترضة فيها هى
1-لماذا يتم حذف الاقسام
2-كيفية تعارض القسم الاسلامى مع هدف المنتدى وكيفية حذفة
3-لو هقفل الاقسام يبقى مكنتش تنضاف من الاول

دى كانت يمكن اشهر النقط اللى كان الاختلاف عليها بالنسبة للنقطة الاولى وهى لية احنا هنحذف الاقسام اللى قولنا عليها اولاً مش معنى حذفها انها مش مفيدة بالعكش انا على يقين ان اقسام زى النقاش الجاد والاسلامى بتساعد فى تكوين الشخصية وانا شخصياً كنت بستفاد منها لان لما موضوع كان بينطرح كان الواحد بيقراء عن الموضوع دا ويسترجع الحجات اللى قراها قبل كدا ولكن فى حاجة اسمها فقة الاولويات يعنى اقسام زى دى كانت بتشغل الاعضاء عن
الهدف الاساسى للمنتدى ودى حقيقة مش عايزين ننكرها ويمكن لو حد لاحظ موضوع زى اللى انا ضفتة فى التنمية البشرية الاخير هيلاحظ حاجة مهمة جداً
ممكن توضح وجهة نظرى ان رغم ان الموضوع دا شاهدة بس 27 عضو ولكن عدد الردود علية كان 5 ودا طبعاً رقم كبير بالنسبة للعدد المشاهدة يعنى فية مواضيع عدد المشاهدة فيها كتير جدا واللى رد عدد صغير ودا دليل طبعاً ان ل اتقفلت الاقسام التانية الناس اتفعلت مع الاقسام الموجودة وبردة عايز افكركم ان لما جينا زمان وقولنا ان احنا نحذف قسم الحب والرومانسية كانت بردة الناس معترضة ولما اتحذف اعتقد الناس بعد كدا محستش باى فرق طبعاً انا عارف ان القسم دة مش زى الاقسام اللى هنحذفها ولكن انا عايز اقول ان دائماً بيبقى فية شعور بالخوف من اى تغير وبيبقى فية رفض للتغير دة لان الناس اتعودت على حاجة وبعدين انت جاى بتخليهم يغيرو من اللى هم متعودين علية الى شى هم لسة ميعرفهوش يعتبر مجهول بالنسبة ليهم والناس اعداء ما جهلوا عشان كدا بيبقى فية رفض عشان كدا عايز من الناس انها تتفهم الوضع
وانا فكرت فى فكرة اعتقد ممكن ترضى غرور البعض وهى ان احنا نعمل منتدى تانى يكون للعام وبعيد عن الحاسب خالص ونعمل فية اللى احنا عايزينة ونشترك فية كلنا

بالنسبة للنقطة التانية
ان ازاى الاسلامى يتعارض مع اهداف المنتدى وهل فية مسلم سواء مبرمج او اى حاة مش محتاج للاسلامى طبعا فهم فكرت ان احنا بنحذف القسم عشان مش محتجينة دى غلط الفهم دا غلط احنا بنحذف القسم عشان منشتتش نفسنا يعنى عايزين يبفى لينا هدف ونركز علية وطبعاً انا مش شايف ان دة فية اساءة للقسم الاسلامى ويا جماعة شوفو كل المنتديات العلمية المشهورة مش هتلاقو فيها القسم الاسلامى رغم ان الناس اصحابها مسلمين زينا بردة

3-النقطة الاخيرة
طبعاً انتم عرفين ان كل اجتماع كنت بتكلم فى فكرة هدف المنتدى فمش معنى ان فية حاجة غلط اننا نستمر فى الغلط دة

طبعاً فى النهاية انا بتمنى من كل الناس تفهم الوضع وان احنا فعلاً نبدا فى مرحلة التنفيذ وكل واحد يقدم ازاى يقدر يساعدنا ان احنا نحقق هدف المنتى والحجات اللى اكلمنا عنها واية الدور اللى هو شايف انة يقدر يشارك فية بشكل جيد

طبعاً شكراً يا كارة على رائيك ومفيش زعل ولا حاجة بس عايز اقولك حاجة كلامك وانا كان قد يبدو انة حقيقى الا ان دا لية ممكن يحصل اللى بتقول علية لان الاعضاء اللى موجودين دلوقتى ممكن ميكونوش مهتمياً بالحجات اللى هنركز عليها عشان كدا المنتدى هيحصل فية هبوط فى المستوى لفترة لكن سرعان ما اعضاء جداد تشارك فى المنتدى بالشكل اللى حاطط تصور لية فوق الدنيا هتمشى تانى
اما فكرة ان المنتدى للكل انا مش معترض على الكلام دا وانا مبعملش اللى انا عايزة وخلاص يعنى لو حد قال اى اقتراحات هتتنفذ واى حد شايف انة عايز يبقى ادمن بس يحافظ على هدف المنتدى اهلاً وسهلاً والله اتما خلينا نتكلم بصراحة محدش عايز يعمل حاجة الاخ تلموذ قالى اذهب انت وربك فقاتلا زى ما انا كنت كاتبها والاخ العقرب شكلة واخد على خاطرة ومعتز راجل شكلة حب يريح دماغة على العموم يا جماعة انا والله عرضت افكارى واللى عندى حبين تعملو بيها على راسى من فوق شايفين انى بخرف او بصحيكم من حلم جميل وهو ان الدنيا حلوة ونقضى الاربع سنين وندخل نتعرف على بنات ونعقد ننكش فى بعض وبفتح عينكم انكم مش عارفين حاجة فى اللى انتم المفروض تشتغلو بية عايزين تمشو بمقولة اليوم خمر ونساء وغدا نفعل ما شاء مفيش مشكلة اى حد يقدم نفسة انة يمسك المنتدى بس ياريت بردة يقول افكارة واية خططة بحيث نبيى عارفين بس احنا راحين فين وانا فى كدا وفى كدا معاكم انا يعنى العلم مش مقطع نفسة معايا لما احب اتعلم حاجة انا عارف بجيبها ازاى ولم احب العب واعيش نعيش سواء مفيش مشكلة

انا معاك يا تايجر في كلامك
وان شاء الله في الاجتماع هتتضح امور كتير