عاوزين نتكلم بصراحه ... اوووك نتكلم
----------------
انا سمعت كلمة تطوير المنتدي دي كتير وسمعت كلمة اجتماع كتير جداً لدرجة ان الفضول خلاني اطلب من سويت انه يدخلني اجتماع علشان اتفرج ,, بس انا شاركت
انا من اول مادخلت مشفتش اي تطوير ,, وبعدين يعني ايه اصلا تطوير وكان فين ده من بداية انشاء المنتدي
عارفين يعني ايه خطورة حذف موضوع داخل منتدي فمابالك بحذف منتدي بالكامل؟!!
طبعا ده بخصوص محرك البحث
--------------
بخصوص الاجتماع انا دخلت مره لقيت كل دقيقة واحد يمشي علشان مش فاضي طيب دخلت من الاول ليه؟!
كل واحد اقترح اقتراح في النهاية لاشيء جديد!
يبقي الاجتماعات ملهاش اي لازمه طالما مفيش نتائج ايجابية منها علي ارض الواقع
------------
انتو عاوزين المنتدي يبقي علمي بحت ... انا في رأيي لو المنتدي بقي علمي هفضل منتدى كمبيوتاليتي كمنتدي خاص بعلوم
لكن لو ببحث عن معلومه ف الحاسب مش هفكر في هنا ولا في كمبيوتاليتي ولا حتي في موقع عربي ولا موقعي
-----------
عاوز اعرفكوا حاجه انا مرتبط بيكم لمجرد النقاش معاكم علشان احنا زمايل ؛ رغم اني عندي منتدي ومع ذلك مش بشارك بموضوع غير مره كل اسبوعين
رغم ان المنتدي بتاعي فيه كل الاعمار والانواع والجنسيات لكن مش بحس بنفسي غير وسطيكم
هناك بحس اني رسمي شويتين لأني المسئول الاول عن المنتدي فطبيعة المسئولية دي بتفرض عليه حاجات كتير جدا
لكن هنا كعضوا بكتب بحريتي بدون سلطه
----------
عاوز اعرفكوا معلومه صغيره ... منتدي اي تي لم ينشأ ليبقي
وهتعرفوا ده بعد سنتين او 3 بعد ما كل واحد يتخرج ويشوف مصلحته وكل واحده تتجوز وتشوف بيتها وزوجها وأولادها
وصدقوني حركات التطوير اللي كل يوم تتقال ولاتنفذ كلها استهلاك محلي ولاجديد
---------
حد فكر في مره يقيس نجاح المنتدي ؟!
منتدي اي تي بعد سنه وشويه من انشاءه كام عضو سجل؟
طيب كام موضوع اتكتب
طيب هل المنتدي نجح والا منجحش
انا شايف ان منتدي اي تي رغم اني بحبه جدا اكتر من كمبيوتاليتي ومع ذلك انا شايف انه فشل فشل ذريع
طبعا اكيد في اسباب ولازم تتعالج .. وانا شايف انها صعب تتعالج
فالافضل بالنسبالي هو ترك المنتدي كما هو عليه
وربنا يرزقنا ويرزق الجميع
الثلاثاء يونيو 16, 2009 12:23 am
